1 Samueli 2:3 - Baibuli Ekibono kya Katonda 2014

³ Mulekere agho okwogera nga mwesuuta, mukomye ebibono eby'okwesaaka; kuba Musengwa Katonda ni Katonda aidhwire okumanha, era alamula ebikolwa eby'abantu.

1 Samueli 2:3 Iomraidhean Croise

1 Bakyabazinga 8:39

bawulirenga eyo y'oli mu igulu, era obasonighenga. Kiisi muntu omukoleranga ku bibye nga bw'agwaniire, kuba iwe wenka, niiwe oidhi emyoyo gy'abantu.

Yobu 31:6

Kale Katonda ampime ku minzaani epima ekituufu, abone nga bwe nziraku musango.”

Zabbuli 147:5

Musengwa Katonda waife mukologho era wa buyinza, ali n'amagezi agatawaayo.

Zabbuli 17:10

Abantu abo bazira kusaasira mu myoyo gyaibwe naire, era mu kanwa baidhwire kwesaakiriza.

Zabbuli 31:18

Sirisa abaguya abo kuba baidhwire okwebona. Boogera bubi ku bantu abatuufu nga babanhoomerera.

Zabbuli 44:21

Katonda waife oyo yandirobye okumanha, ate nga aidhi n'ebyama ebiri mu myoyo gyaife?

Zabbuli 75:5

Mulobe kwekulumbaza, waire okwogera nga mumadalaiza emitwe.”

Zabbuli 94:4

Ababi boonaboona beesaaka olw'ebikolwa byaibwe ebibi bye bakola.

Ensambo 16:2

Ole asobola okwebona nga by'akola bituufu, aye Musengwa Katonda yeekebeedha ebigendererwa eby'omuntu oyo.

Ensambo 24:12

Osobola okwewuuguusa oti: “Bona eno, ekyo nze tikimanhangaku naire.” Aye Katonda abona ebigendererwa eby'omuntu era yaabimanha. Oyo n'akuuma obulamu bwo, era abona buli kintu. Era aja kusasula buli muntu, ng'ajiira ku bikolwa bye.

Ensambo 8:13

Okutya Musengwa Katonda kitegeeza kukyagha kukola bibi. Nze nkyagha okwekuluntaza n'okwetwala ng'owa ghaigulu n'okukola ebibi, era n'okwogera eby'obuguya.

Isaia 26:7

Musengwa Katonda atereeza engira ey'abeesimbu; yaagyerula baabita nga ghazira kibatetegania.

Isaia 37:23

Olowooza oti naani y'ovumye era y'onhoomye? Naani y'okaabukiire era y'oziimwire? Ninze Omutukuvu wa Isiraeli!

Yeremia 17:10

Nze Musengwa Katonda neekebeedha ebidhuubo by'abantu era naaleba emyoyo gyaibwe. Ngabira buli muntu nga njiira ku neebisa ye ni ku bikolwa bye.”

Ezekieli 35:13

Era naawulira ebibono byaimwe ebibi kamaala bye mwandhogeraku n'eminwa gyaimwe nga muli kuneekudumbalizaaku.”

Danieli 4:37

“Era mperaano, nze Nebukadinezzari nsaaka Katonda ow'eigulu, naamugulumiza era naamutaamu ekitiisa kuba by'akola byonabyona bituufu era tasaliriza nsonga. Abo abeetwala okuba aba ghaigulu abaisa.”

Danieli 5:27

‘OKUPIMA,’ Katonda akupimye ku minzaani, yaabona ng'oli muwewere inho, okaabulaku.

Malaki 3:13

Musengwa Katonda Akoba ati: “Mwandhogeraku bubi inho. Aye ate mwamala mwabuuza muti, ‘Twakwogeraku tutya obubi?’

Abaheburayi 4:12

Ekibono kya Katonda kiramu, kikola era kyogi okusinga empiima eri n'obwogi ku ndhuyi dhaayo dhombi. Kisalira irala kyatuuka n'okwawula omutima n'omwoyo, obuyungiro n'omusokono. Kisobola okubonera irala omuntu by'alowooza ni by'ayenda, ebiri mu mwoyo gwe.

Yoshua 22:22

“Ow'amaani ni Katonda! Oyo ni Musengwa Katonda! Aidhi lwaki twakola ekyo era twenda mwena mukimanhe. Bwe tuba nga twadheema era nga tituli beesigwa eri Musengwa Katonda, mutwite tulobe kwongera kuba balamu.

Okwolekebwa 2:23

Era abaana be ndibaita, Ebikunsu eby'Abaikiriza mu Kurisito byonabyona bimanhe nga ninze aidhi kiisi muntu by'alowooza mule ni by'ayenda okukola. Era kiisi mulala ku imwe ndimugha ekigwaniire ebikolwa bye.

Abalamuzi 9:38

Agho Zebuli yaamukoba ati: “Mpegaano okwesuutiriza kwo kujiire gha? Wakoba oti, ‘Abimeleki katyo naani, ife okumugheereza?’ Abo ni, n'abantu be wanhoomerera. Mpegaano weeveemu obalwanise.”

1 Samueli 16:7

Aye Musengwa Katonda yaakoba Samueli ati: “Otalingirira mboneka ye oba buleeyi bwe, kuba oyo mmulobye. Musengwa Katonda tabona ng'oti n'abantu bwe babona, kuba abantu balingirira mboneka ya ku ngulu, aye Musengwa Katonda alingirira mwoyo.”