1 Samueli 2:1 - Baibuli Ekibono kya Katonda 2014

¹ Hanna yaasaba ng'akoba ati: “Ndi kusagamba olwa Musengwa Katonda ky'ankoleire, Musengwa Katonda andhiziizaamu amaani. Nsekerera abazigu bange, naasagamba kuba iwe Musengwa Katonda omponiiza.

1 Samueli 2:1 Iomraidhean Croise

2 Ebyomubyanda 20:27

Agho Yehoshafati yaakulembera abantu boonaboona ab'omu Buyudaaya n'ab'omu Yerusalemu, bairayo e Yerusalemu nga basangaavu, kuba Musengwa Katonda yaghangula abazigu baibwe.

Nehemia 11:17

Waataaku ni Mattania mutabane wa Mika, Mika yaaba mutabane wa Zabadi, ate Zabadi yaaba mutabane wa Asafu, eyakulemberanga okusaba okw'okwebaza mu isinzizo. Waataaku ni Bakabukia, eyaiririranga Mattania, ni Abada mutabane wa Shammua, Shammua mutabane wa Galali, ate Galali yaaba mutabane wa Yeduthuni.

Yobu 16:15

Neetungiire ekutiya era naagivaala olw'okunakughala, era naagyeta ku mubiri. Mpoiremu amaani, naagalaamirira agho mu nkungu.

Zabbuli 118:14

Musengwa Katonda n'omubeezi wange ampa amaani era n'eyandokola.

Zabbuli 13:5

Aye nze nkwesiga olw'okungonza einho, mu mwoyo gwange nsagamba kuba ndidhi ng'oidha kumponia.

Zabbuli 148:14

Eighanga lye alighaire amaani, abantu be abamutya baamusaaka, abo nga n'Abaisiraeli b'agonza einho. Mwenamwena musaake Musengwa Katonda!

Zabbuli 18:2

Musengwa Katonda n'olubaale mwe neegisa, era n'ekifo kyange eky'okwewogomamu, oyo n'antoola aghabi. Musengwa oyo ni Katonda wange, era n'engabo mwe neewoma; n'omulwanirizi wange amponia byonabyona.

Zabbuli 20:5

Olwo tukube emizira ng'oghangwire, era tube mu bikuudhuko olw'obughanguzi obwo, nga tusaaka Musengwa Katonda. Musengwa Katonda akughe by'osaba byonabyona.

Zabbuli 21:2

Omughaire byonabyona by'ayenda, era waamugha kye yasaba.

Zabbuli 35:9

Olwo ndisagamba olwa Musengwa Katonda, era naasangaala kuba yandokola.

Zabbuli 51:15

Wo Musengwa Katonda, nhamba ompe okwogera, ndidha kukusaakanga.

Zabbuli 71:8

Nkusaaka omusana n'obwire, era naakobera abantu nga bw'oli ow'ekitiisa.

Zabbuli 75:10

Amaani ag'ababi goonagoona aligazikiriza, ate amaani ag'abatuufu aligongeraku obungi.

Zabbuli 89:17

Kuba niiwe otugha obughanguzi obutaloodheka; era olw'okutugonza waatugha okusagamba ng'abaghanguzi.

Zabbuli 89:18

Iwe Musengwa Katonda watulondera atukuuma ng'oti ngabo; iwe Omutukuvu wa Isiraeli waatugha kyabazinga owaife.

Zabbuli 89:24

Ndidha kubanga mwesigwa y'ali era mmugonzenga obutalekera. Ndidha kumugha okusagambanga ng'omughanguzi.

Zabbuli 9:14

nsobole okwemerera mu maiso g'abantu ab'e Yerusalemu, mbakobere byonabyona ebindeetera okukusaaka. Ndidha kusagamba olw'okundokola.

Zabbuli 92:10

Aye nze ompaire amaani ng'oti ga mbogo nume, wansiiga omuzigo.

Okuvaayo 15:1

Musa n'Abaisiraeli abandi baayembera Musengwa Katonda olwembo luno, olukoba luti: “Ka nhembere Musengwa Katonda, kuba aghangwire n'ekitiisa; aswire embalaasi n'abavuzi baadho mu nhandha.

Okuvaayo 15:21

Miriamu yaabakulemberamu ati: “Leka nhembere Musengwa Katonda, kuba aghangwire n'ekitiisa, aswire embalaasi n'abavuzi baadho mu nhandha.”

Habakkuku 3:1

Kuno n'okusaba kw'omulanzi Habakkuku:

Habakkuku 3:18

nze ndidha kusigala nga nsagamba era nga ndi musangaavu. Kuba Musengwa Katonda n'omulokozi wange.

Luka 1:69

Atufuniire amaani okutulokola mu ndhu ya Daudi omugheereza we.

Ab'e Roma 5:11

Aye ti ekyo kyonka, aye tusagambira mu Katonda ku lwa Musengwa waife Yesu Kurisito atusobozeisa okwisania ni Katonda.

Amateeka Agokubiri 33:17

Yosefu ali n'amaani ng'oti ga nte nume, n'amayiga ng'oti ga mbogo. Amayiga ago, n'enkumi n'enkumi edh'abalwani Abamanasse, era n'emitwalo n'emitwalo egy'abalwani Abaefuraimu. Amayiga ago aligakozesa okufula amaghanga, yaagasindiikiriza okugatuusa ensi y'ekoma.”

Ab'e Filippi 3:3

Kuba niife abaafuna okukeketebwa okutuufu, abasinza Katonda nga Mwoyo we bw'atugalagira, abasagambira mu kwisa ekirala mu Kurisito Yesu, era abatata bwesige mu bya mubiri.

Ab'e Filippi 4:4

Buliidho musagambirenga mu Musengwa. Era kabiri nkiiramu nti Musagambe!

Ab'e Filippi 4:6

Muteeraliikiriranga olw'ekintu kyonakyona, aye buli lwe musabanga mumanhise Katonda ebyetaago byaimwe byonabyona, era buli kiseera mumusabenga n'emyoyo egisiima.

1 Petero 1:8

Waire nga Yesu oyo timumubonangaku, mumugonza, era waire timumubona buti, mumwikiriza era mwasagamba ebitaloodheka.

Okwolekebwa 18:20

Imwe mwenamwena abali mu igulu musagambe, kuba azikiriziibwa! N'imwe abatuukirivu, n'abatume, n'abalanzi musagambe! Kuba Katonda amusaliire omusango gwamusinga olw'ebyo bye yabakola.”

1 Samueli 1:6

Era mughalikwa we Pennina yamuyeeyerezanga inho olwa Musengwa Katonda okumusiba n'atazaala, yaamuleeteranga okunakughala.

1 Samueli 1:7

Kityo bwe kyalinga buli mwaka. Buli lwe baajanga mu ndhu ya Musengwa Katonda, nga Pennina oyo amuyeeyereza. Olw'ekyo Hanna yaaliranga bwa bulire, nga n'okulya emere talya.