1 Samueli 12:3 - Baibuli Ekibono kya Katonda 2014

³ Ndi ghano, mpegaano muunumirize mu maiso ga Musengwa Katonda ni mu maiso ga kyabazinga ye yasiiga omuzigo. Naani ye nanhagaku ente ye? Oba naani ye nanhagaku endogoyi ye? Naani ye nakupankupaniaku oba waire okumutetenkereza mu kintu kyonakyona? Oba naani ye nalyakuuku enguzi? Bwe mba nga ghaligho ku ebyo kye nakola, muunumirize, ndidha kukibairizaagho.”

1 Samueli 12:3 Iomraidhean Croise

2 Samueli 22:22

Nze njiira ku biragiro bya Musengwa Katonda, era tigwangaku mu kibi kya kudaaliima kuva ku Katonda wange.

Nehemia 5:11

Mubairize olwaleero luno ebyo bye mubaire mubakakanga babaghe: enimiro dhaibwe, n'amasamba gaibwe ag'emizabbibu, n'ag'emiti emyoliva, n'endhu dhaibwe, n'ekitundu ekirala ekirala ku buli bitundu kikumi eby'empiiya dhe bafuna, n'engaano, n'omwenge ogw'emizabbibu, n'omuzigo ogw'emiti emyoliva.”

Zabbuli 15:5

Bw'awola empiiya tasuubira magoba, era ole tasobola kumugula kulumiriza muntu aziraku musango. Omuntu ng'oti n'oyo ghazira kisobola kumutengeesa.

Okuvaayo 20:17

“Muteegwanizanga ndhu dha bantu bandi. Muteegwanizanga baka beene, waire okwegwaniza abairu baibwe abasaadha oba abakazi, waire ente dhaibwe, oba endogoyi dhaibwe, oba ebintu byaibwe ebindi byonabyona.”

Okuvaayo 23:8

“Otalyanga nguzi, kuba enguzi eziba abantu amaiso era yaafuulaniafuulania ensonga dh'oyo omutuufu.

Ensambo 15:27

Omuntu alulunkanira okufuna amagoba mu kukupankupania aleetera ab'omu maka ge ebizibu, aye ole akyagha enguzi aghangaala.

Abalevi 6:4

Ole anaakolanga ekibi ku ebyo ebyogeirwaku, era abantu ni bamanha ng'ali n'omusango, anaizangagho ekintu ekyo kye yanhaga, oba ekyo kye yafuna mu kuguyaguya, oba ekyo Muisiraeli mwine kye yamulekera ng'omusingo n'aloba okukimwiriza, oba ekyo ekyabula n'akyeiriza ng'akiboine,

Abalevi 6:5

oba ekyo kyonakyona kye yeelayiriraku ebiziramu ati takibonangaku. Omuntu oyo, ku lunaku lw'anaagheerangaku ekigheebwayo kye ng'omutango, anaizangagho ekintu ekyo nga kiramba, era yaayongeraku n'omutango gwa kitundu kirala kirala ku buli bitundu bitaanu eby'ekintu ekyo era anaatoolanga ekintu ekyo yaakigemya ole mwene kyo.

Okubala 16:15

Agho Musa yaasungughala inho era yaakoba Musengwa Katonda ati: “Otasiima kigheebwayo kyaibwe kyonakyona kye banaakuleetera. Nze nzira kintu kye natoola ku bantu abo, waire endogoyi endala eti. Era ghazira waire omulala ku abo ye nakolaku akabi.”

Matayo 22:21

Baakoba bati: “Bya Kaisari.” Agho yaabakoba ati: “Kale ni ebya Kaisari mubiirize Kaisari n'ebya Katonda mubiirize Katonda.”

Luka 19:8

Agho Zakkayo yaayemerera yaakoba Musengwa ati: “Musengwa, ndidha kwawulamu ghagati ebintu byange, ekitundu ekindi nkigabire abaavu era oba nga ghaligho omuntu yeenayeena ye nakupankupaniaku ekikye kyonakyona, ndidha kukimuliyira emikuzi ena.”

Ebikolwa by'Abatume 20:33

Tyegombanga feeza oba zaabu oba kivaalo kya muntu yeenayeena.

2 Ab'e Korintho 12:14

Mperaano guno n'omukuzi ogwokusatu nga neetegekanga okwidha eyo era tiidha kubakaluubiriza, kuba imwe beene niimwe be nhenda, se ti bintu byaimwe. Kuba era abaana ti n'abagwaine okulabirira abazaire, aye abazaire n'abali n'okulabirira abaana baibwe.

Amateeka Agokubiri 16:19

Batasalirizanga, waire okwekubiranga, oba okulyanga enguzi, kuba enguzi etulughaza amaiso g'omugezi gaava ku kituufu, era ereetera omuntu okufuulaniafuulania by'akoba.

1 Ab'e Thessalonika 2:10

Imwe abaikiriza muli badhulirwa baife era ni Katonda atudhulira, nga twebisanga eri mwe ng'abatukuvu, abatuufu era abaziraku musango.

1 Ab'e Thessalonika 2:5

kuba nga bwe mwidhi, titukozesangaku bibono bya kusuutiriza waire ebibono ebighemba ku mairu ag'eby'okufuna, Katonda nga n'omudhulirwa.

1 Petero 5:2

okwayanga obukalamu ebyayo bya Katonda bye yabagemya. Mutakolanga mutyo lwa kukakibwa, aye mukolenga n'omwoyo ogwenda, era nga ti lwa kugwidhubanira bya kufuna.

1 Samueli 10:1

Agho Samueli yaatoola akadoome k'omuzigo ogw'ebibala eby'emiti emyoliva, yaafuka omuzigo ku mutwe gwa Saulo, era yaamugwa mu kifuba ng'akoba ati: “Musengwa Katonda akufuseeku omuzigo ogwo obe omukulembeze ow'abantu be Abaisiraeli. Oidha kufuganga abantu ba Musengwa Katonda, era oidha kubawonianga abazigu baibwe ababeezungulwire. Era kano n'akamanhiso akakakasa nga Musengwa Katonda akusiize omuzigo obe omukulembeze w'abantu be.

1 Samueli 12:4

Baamukoba bati: “Busa. Totukupankupaniangaku waire okututetenkereza, oba okutwala ekintu eky'omuntu yeenayeena.”

1 Samueli 12:5

Samueli yaabakoba ati: “Musengwa Katonda ghalala ni kyabazinga ye yasiiga omuzigo, n'abadhulizi ababalumiriza imwe, okukakasa nga nziraku kye nvunaanibwa.” Bairamu bati: “Yii, Musengwa Katonda n'omudhulizi.”

1 Samueli 2:35

Ndidha kweronderayo kabona omwesigwa anaakolanga bye nhenda era ebinsangaaza. Nja kumugha eizaire era nditeegho ligheerezenga lubeerera oyo ye nasiiga omuzigo.

1 Samueli 24:11

Era lata wange kyabazinga, bwenebwene bona, akatundu k'eigemo ery'ekanzu yo ndi nako mu ngalo dhange. Kale ni, nze okusobola okusala akatundu ku igemo ly'ekanzu yo, aye ni ntakwita, okwo kw'obe omanhire nga nzira kabi ke nkwendeza oba okwenda okukudheemera. Ghazira kibi kyonakyona kye naali nkukozeeku, waire nga iwe oyiigania obulamu bwange obumalegho.

1 Samueli 24:6

Yaakoba abasaadha be ati: “Musengwa Katonda anhambe ndobe kubaaku kabi ke nkola musengwa wange kyabazinga, Musengwa Katonda oyo ye yasiiga omuzigo. Tighanga naire kugalula mukono ni ndhita oyo Musengwa Katonda ye yasiiga omuzigo.”

1 Samueli 24:7

Kale Daudi yaikirizisa abasaadha be n'ebibono ebyo, yaaloba kubaganha kukola kabi ku Saulo. Saulo yaasituka, yaava mu mpuku, yaaja.

1 Samueli 26:11

Tikiribaagho nze okukola akabi ku muntu Musengwa Katonda ye yasiiga omuzigo! Aye toola eifumo eryo gha mutwe gwe, n'ekidoome eky'amaadhi, ife tuje.”

1 Samueli 26:9

Aye Daudi yaakoba Abishai ati: “Busa, otamuzikiriza, kuba naani akola akabi ku oyo Musengwa Katonda ye yasiiga omuzigo, n'atabaaku musango?”