1 Samueli 10:3 - Baibuli Ekibono kya Katonda 2014

³ Agho oidha kuvaagho, weeyongereyo otuuke ku muti omukologho oguli e Tabori, y'onaayagaana abantu basatu nga bali kuja e Betheli okusinza Katonda. Omulala ku abo aidha kuba ng'ali kutwala embuzi entototo isatu, owundi ng'ali kutwala emigaati esatu, n'owundi ng'ali kutwala ensawo ey'omwenge gw'emizabbibu ey'oluwu.

1 Samueli 10:3 Iomraidhean Croise

Amainhama 28:19

Yaatuuma ekifo ekyo eriina Betheli. Aye ng'ekibuga ky'eyo mu kusooka kyali kyetebwa Luzi.

Amainhama 28:22

Eibaale lino lye nsimbye okuba ekiidhukizo, liriba ndhu yo, iwe Katonda, era ndikugha ekintu kirala ku buli bintu ikumi ku byonabyona by'olimpa.”

Amainhama 35:1

Katonda yaakoba Yakobo ati: “Ja e Betheli, obe eyo, onzimbireyo alutaari nze Katonda eyakubonekera bwe wali ng'oli kulumuka muganda wo Esau.”

Amainhama 35:3

Mukole tuje e Betheli, eyo ye nja okuzimbira Katonda alutaari, kuba yawuliranga okusaba kwange yantoola mu buzibu, era yaabanga ghalala ninze kiisi ghe najanga.”

Zabbuli 89:12

Niiwe owatonda ebiri ku luuyi olw'omukono omugooda olw'e buvandhuba, n'ebiri ku luuyi olw'omukono omusaadha olw'e buvandhuba. Ensozi Tabori ni Herimoni dhisaaka eriina lyo n'eisanhu.

Yeremia 32:8

Agho, nga Musengwa Katonda bwe yankoba, Hanameli yaidha ye nali mu luya olw'ekisaagaati kya kyabazinga, yansaba mmuguleku ekibandha kye. Agho naategeera nga bwene Musengwa Katonda n'eyayogera ninze.

Abalevi 1:10

“Bw'anaabanga ng'aja kughaayo musengo ogwokebwa omulomba, ng'atoola mu ntaama dhe oba mu mbuzi dhe, aidha kughangayo enume eziraku kikyamu kyonakyona.

Abalevi 23:13

Era ku kigheebwayo ekyo, munaagheerangaku kilo ibiri edh'obuwunga obuseereibwa obukalamu era obutabwirwamu omuzigo ogw'emiti emyoliva, ng'ekigheebwayo eky'eby'okulya. Akawoowo ak'ekigheebwayo ekyo kasangaaza Musengwa Katonda. Era munaaghangayo lita ndala ey'omwenge ogw'emizabbibu, ng'ekigheebwayo eky'ebyokunhwa.

Abalevi 3:12

“Omuntu bw'anaaghangayo embuzi, anaagigheerangayo mu maiso ga Musengwa Katonda.

Abalevi 3:6

“Omuntu bw'anaaghangayo entaama oba embuzi ng'ekigheebwayo olw'okutabagana, aghengayo enkazi oba enume ng'eziraku kikyamu kyonakyona.

Abalevi 7:13

Okwongereza ku kigheebwayo kye eky'okutabagana ky'ali kughaayo olw'okwebaza Katonda, anaaleeterangaku emigaati egizimbulukusiibwa.

Yoshua 19:12

Ensalosalo nga bw'eva ku luuyi lule olundi olwa Saridi esimbira buvandhuba, yaatuuka ku nsalosalo y'e Kisilothi Tabori, n'e Daberathi, era yeeyongerayo okutuuka e Yafia.

Yoshua 19:22

Ensalosalo yaibwe ng'ebita ku Tabori, ni ku Shahazuma, ni ku Bethi Shemeshi, yaakoma ku Yorudani. Ng'ekiketezo kyaibwe kizingiramu ebibuga ikumi na mukaaga n'ebyalo byaku.

Abalamuzi 20:18

Abaisiraeli beesitula baaniinaniina okuja e Betheli, baabuuza Katonda bati: “Kika ki ekibe kisooke okulumba Ababenjamini?” Yaabairamu ati: “Ekika kya Yuda n'ekibe kisooke.”

Abalamuzi 20:23

Agho baaniinaniina okuja mu kifo ye basinziza, baalirira mu maiso ga Musengwa Katonda okutuusa eigulo. Baabuuza Musengwa Katonda bati: “Twiremu kabiri okulumba baganda baife Ababenjamini tubalwanise?” Musengwa Katonda yairamu ati: “Muje mubalwanise.”

Abalamuzi 20:27

Mu biseera ebyo, Esanduuku ey'Endagaano ya Katonda yabanga eyo e Betheli, era nga Finehasi mutabane wa Eleazari era mwidhukulu wa Aaroni, n'agirabirira. Abaisiraeli baabuuza Musengwa Katonda bati: “Twiremu kabiri okulwanisa baganda baife Ababenjamini, oba tubiveeku?” Musengwa Katonda yairamu ati: “Muje mulwane, kuba olwaidho ndidha kubagha Ababenjamini abo mubaghangule.”

Abalamuzi 4:12

Abantu baakobera Sisera bati, Baraki aniinie ku lusozi Tabori.

Abalamuzi 4:6

Agho yaatumisa Baraki mutabane wa Abinoamu ow'omu kibuga Kadeshi eky'e Nafutali. Yaamukoba ati: “Musengwa Katonda, Katonda wa Isiraeli, akulagiire ati, ‘Twala abasaadha omutwalo mulala ku b'ekika kya Nafutali n'ekya Zebuluni, mwesolokeze ku lusozi Tabori.

Abalamuzi 8:18

Agho Gideoni yaabuuza Zeba ni Zalumunna ati: “Abasaadha be mwaitira e Tabori baali bafaanana batya?” Bale bamwiramu bati: “Baali bafaanana n'iwe, nga buli muntu ali ng'oti n'omwana wa kyabazinga.”

1 Samueli 10:4

Abantu abo baidha kukulamusa, bakughe emigaati ebiri, era oganhe ogitwale.