1 Samueli 1:3 - Baibuli Ekibono kya Katonda 2014

³ Buli mwaka Elukana yavanga mu kibuga ky'ewaibwe, yaaja e Shilo okusinza n'okughaayo emisengo eri Musengwa Katonda Afuga Amagye. Eyo n'eyali batabane ba Eli ababiri, Hofuni ni Finehasi, abaali bakabona ba Musengwa Katonda.

1 Samueli 1:3 Iomraidhean Croise

Zabbuli 78:60

Yaalekulira agho weema ye eyali mu Shilo mwe yabanga ng'ali mu bantu be abo.

Okuvaayo 23:14

“Buli mwaka mwidha kwidhanga munkolere ebibinuko bya mikuzi esatu olw'okumpa ekitiisa.

Okuvaayo 23:17

Kiisi musaadha anaabanga n'okwidha okunsinza nze Musengwa Katonda waimwe mu bibinuko ebyo eby'emikuzi esatu buli mwaka.

Okuvaayo 34:23

Kiisi musaadha anaabanga n'okwidha okunsinza nze Musengwa Katonda, Katonda owa Isiraeli, mu bibinuko ebyo eby'emikuzi esatu buli mwaka.

Luka 2:41

Buli mwaka, abazaire ba Yesu baajanga e Yerusalemu ku Kibinuko eky'Okubitizibwa.

Amateeka Agokubiri 16:16

“Abasaadha boonaboona ab'omu ighanga lyaimwe, baidha kujanga basinze Musengwa Katonda waimwe emikuzi esatu mu mwaka, mu kifo ky'aliba ng'alonzeegho okumusinzizangamu. Baidha kukolerangayo ebibinuko bino: eky'Emigaati Egitazimbulukusiibwa, eky'Amakungula, n'eky'Entindi. Era tibaidhenga mu maiso ga Musengwa Katonda nga bazira kye baleese.

Yoshua 18:1

Abaisiraeli bwe baamala okughangula ekiketezo kyonakyona Katonda kye yabagha, beesololeza e Shilo boonaboona, era nga bali eyo baasimba Weema ey'Okwagaananirangamu ni Musengwa Katonda.

Abalamuzi 18:31

Kale baataagho ekifaananie ekibaadhe Mika kye yakola, kyasigalayo ekiseera kyonakyona endhu ya Katonda kye yabeeragho e Shilo.

Abalamuzi 21:19

Agho baakoba bati: “Ghaligho ekibinuko kya Musengwa Katonda ekya buli mwaka e Shilo.” Shilo ekyo kiri ku luuyi olw'omukono omugooda olw'e buvandhuba wa Betheli, ku luuyi olw'e buvandhuba w'engira eva e Betheli okuja e Shekemu, era ku luuyi olw'omukono omusaadha olw'e buvandhuba wa Lebanoni.

1 Samueli 1:21

Agho Elukana oyo yaaja kabiri n'ab'endhu ye okughaayo eri Musengwa Katonda omusengo ogwa buli mwaka, era n'okutuukiriza kye yeeyama.

1 Samueli 1:9

Lwali lulala, nga bamaze okulya n'okunhwa e Shilo, Hanna yaasituka. Mu kiseera ekyo Eli kabona yali atyaime ku kityamo kye kumpi n'omwango ogw'omulyango gw'eisinzizo lya Musengwa Katonda.

1 Samueli 14:3

Era Saulo oyo yali ng'ali ghalala ni Ahiya mutabane wa Ahitubu era muganda wa Ikabodi. Ikabodi oyo nga mutabane wa Finehasi, ate Finehasi oyo yaaba mutabane wa Eli kabona wa Musengwa Katonda e Shilo. Ahiya oyo yali avaire ekivaalo eky'obwakabona. Abantu tibaamanha nga Yonathani ajiire.

1 Samueli 2:19

Buli mwaka inhina ng'amutungira akakanzu, yaakamuleetera buli lwe baidhanga n'iba okughaayo omusengo ogwa buli mwaka.

1 Samueli 2:34

Era kino ekija okutuuka ku batabane bo bombi, Hofuni ni Finehasi, kiidha kuba akamanhiso akakakasa; bombi baja kufa ku lunaku lulala.

1 Samueli 3:13

Era nakobera Eli oyo nti nja kubonereza ab'endhu ye ebyanda n'ebyanda, olw'ebibi bye yamanha obukalamu kuba batabane be baavuma Katonda aye yaaloba kubaloberanga.

1 Samueli 4:11

Esanduuku ey'Endagaano baaginhaga, ni batabane ba Eli bombi, Hofuni ni Finehasi, baabaita.

1 Samueli 4:4

Kale baatuma abakwenda e Shilo, baatoolayo Esanduuku ey'Endagaano ya Musengwa Katonda, oyo Afuga Amagye era atyama ku bitonde ebiri n'amaghagha ebyetebwa kerubi. Batabane ba Eli bombi, Hofuni ni Finehasi, boona baidhira ghalala n'Esanduuku y'Endagaano ya Katonda.