1 Petero 5:8 - Baibuli Ekibono kya Katonda 2014

⁸ Mwefugenga era mubenga beetegefu kuba Sitaani omuzigu waimwe aja nga atambulatambula ng'oti mpologoma eja ng'ewologoma, ng'eyagala y'enaakaavuula.

1 Petero 5:8 Iomraidhean Croise

Yobu 2:2

Agho Musengwa Katonda yaabuuza Sitaani ati: “Ova gha?” Sitaani yairamu Musengwa Katonda ati: “Nva kubitabita mu nsi, n'okugitambulatambulamu.”

Zabbuli 104:21

Empologoma ento dhaawologoma nga dhiri ku muyiigo, nga dhaagala eky'okulya Katonda ky'anaadhigha.

Zabbuli 109:6

Wo Katonda wange, omuzigu wange musimbe mu maiso ag'omulamuzi omubi asaliriza, era owundi ku bazigu be beene n'abe amulumirize.

Ensambo 19:12

Kyabazinga bw'asungughala aba ng'oti n'empologoma eri kuwologoma, aye ekivunika kye kiri ng'oti n'omusulo ogughegheeza ebisimbe ni birama.

Ensambo 20:2

Kyabazinga bw'asungughala atiisa ng'oti n'empologoma eri kuwologoma; era ole yeenayeena amusonsoonia aba anoonia kufa.

Ensambo 28:15

Ng'empologoma oba ekisolo ekikambwe ekindi, bwe biba eby'akabi eri kye byenda okugema, n'omufuzi omubi yeena atyo bwaba ow'akabi eri abaavu.

Isaia 50:8

Katonda oyo ali kumpi, era aidha kwoleka nga bwe nziraku musango. Kale naani ali ni ky'anvunaana? Aseete ghe ndi. Naani ali kuneesimbamu? Ka yeesimbegho tuwoze naye.

Yeremia 2:15

Abazigu baibwe babawologomera na maani ng'oti mpologoma. Era baleeteire ensi Isiraeli okufuuka eirungu, baazikiriza ebibuga byamu byafuuka bifulukwa byereere, ghaabulagho omuntu abibaamu.

Yeremia 51:38

Abababilonia baliwologoma ng'oti mpologoma nkulu, era baavuuma ng'oti mpologoma nto.

Ezekieli 19:7

Kyayonoonayonoona ebifo byaibwe eby'okwewogomamu, kyazikiriza ebibuga byaibwe. Nga buli lwe kiwologoma kiti, abantu batya inho n'ebyalo byaibwe byawolongera.

Ezekieli 22:25

Abakulembeze baamu bali ng'oti mpologoma ewologoma, n'ekankanula ky'egemye. Baita abantu, baanhaga empiiya n'eby'obukombe, era baaleka abakazi kamaala nga bafuuse banamwandu.

Danieli 6:24

Kyabazinga yaalagira baaleeta abasaadha bale abaaghaayiriza Danieli, baabasuula mu kiina ekyo omwali empologoma, ghalala ni bakazi baibwe, n'abaana baibwe. Era baabanga bakaali na kutuuka ku ntobo ya kiina ekyo, ng'empologoma dhaabamemeine ira amagumba goonagoona.

Hosea 11:10

Nze Musengwa Katonda ndiwologoma ng'oti mpologoma yeene, abantu bange baayangugha okwidha ye ndi, nga bava e bugwandhuba.

Hosea 13:8

Ndibatuumiraku ng'oti n'ekisolo ekikambwe kye banhazeeku obwana bwakyo, naabayuzaamu ghabiri. Ndibakankamira nga muli gheene agho ng'oti mpologoma yeene, naabayuzayuzaamu bukutukutu ng'oti nsolo ya mu nsiko.

Yoeli 3:16

Musengwa Katonda awologoma ku lusozi Sioni era yaakaabuka mu Yerusalemu, eigulu n'ensi byatengeeta. Aye Musengwa Katonda oyo n'ekifo abantu be Abaisiraeli mwe balumukira okwewonia, era n'ekifo mwe beewogoma.

Amosi 1:2

Amosi yakoba ati: “Musengwa Katonda awologoma ku lusozi Sioni, era yaakaabuka mu Yerusalemu. Ebyayiro abaayi mwe baayira bikala, n'eisubi ku lusozi Karumeli lyawotoka.”

Amosi 3:4

Empologoma ewologomera mu kibira nga ghazira ky'ezize? Empologoma ento evuumira mu mpuku yaayo nga ghazira ky'egemiisa?

Amosi 3:8

Empologoma bw'ewologoma, naani asobola obutatya? Musengwa Katonda bw'ayogera, naani aghanga okuloba okulangirira obukwenda bwe?

Zekaria 11:3

Wulira abaayi bwe bawowoola, olw'okufiirwa ekitiibwa kyaibwe. Wulira empologoma bwe dhiwologoma, olw'okuba ekibira ky'e Yorudani mwe dhiba bakizikiriiza.

Zekaria 3:1

Kabiri nafuna okubonekerwa okundi, Musengwa Katonda yandholeka Yoshua Omukulu wa Bakabona ng'ayemereire mu maiso ga malaika wa Musengwa Katonda oyo. Era ku luuyi lwa Yoshua olw'omukono omusaadha, ghaali gheemereiregho Sitaani nga yeetegeike okulumiriza Yoshua oyo omusango.

Matayo 13:39

Omuzigu asiga eisubi eibi ni Sitaani, okukesa n'enkomerero ey'ensi, abakesi ni bamalaika.

Matayo 24:42

“Kale ni mumoge, kuba timwidhi kiseera Musengwa waimwe ky'alituukiramu.

Matayo 25:41

“Agho, alikoba abo abaliba ku mugooda ati, ‘Munve mu maiso imwe abalaame, muje mu muliro ogutazikira ogwategekerwa Sitaani ni bamalaika be!

Matayo 4:1

Agho Mwoyo yaatwala Yesu mu irungu, Sitaani amukeme.

Matayo 4:11

Agho Sitaani yaamuleka, era bamalaika baidha baamugheereza.

Mariko 4:15

Agho ni, abali ku ngira okusigibwa ekibono n'abo oluwulira ekibono, mangu ago Sitaani ng'aidha aswankula ekibasigiibwamu.

Luka 21:34

“Mwekuume, ti kulwa nga mwemalira bwa mu binhumo, kutamiira na kweraliikirira bya bulamu buno, olunaku lule lwabagwaku nga timwidhi.

Luka 21:36

Mulingirire inho ebirigho era musabe, musobole okuwona ebyo ebija okubaagho era n'okwemerera mu maiso g'Omwana w'Omuntu.”

Luka 22:31

“Simoni, Simoni, oli kuwulira? Sitaani aikiriziibwa okubaleba, ayawule abalungi n'ababi ng'oti n'omuntu asensa engaano mu biwusu.

Yoanne 8:44

Muli ba lata waimwe Sitaani, era mugonza kukola lata waimwe by'ayenda. Oyo okuviira irala ku ntoolo mutemo era tabangaku wa mazima, kuba era azira mazima. Bw'ayogera eky'obuguya aba ali kutuukiriza butuukirize kikula kye, kuba oyo muguya era ise w'obuguya.

2 Ab'e Korintho 2:11

Olwo Sitaani alobe kutuzingiza, kuba twidhi entegeka ye yoonayoona.

Ab'Efeso 4:27

era mutaghanga Sitaani kaghagaanhia.

Ab'Efeso 6:11

Mukozesenga eby'okulwanisa bya Katonda, musobole okutala nga Sitaani abalumbye n'obukodyo bwe;

1 Timotheo 2:15

Aye omukazi alilokolerwa mu kuzaala, kasita akalangukira mu kwikiriza, ni mu kugonza, ni mu butuukirivu, ni mu kwebisa obukalamu.

1 Timotheo 2:9

Era nhenda abakazi bavaalenga ebivaalo ebigwaniire, balobe kwemalira ku misono gya nviiri, na ku kwewoomya nga bavaala ebya zaabu oba amabaale ag'omughendo, oba ebivaalo eby'omughendo einho.

1 Timotheo 3:11

N'abakazi boona batyo bateekwa okuba abantu abakalamu, abatasalagania bibono, abasobola okwefuga, era abeesigwa mu buli kintu.

1 Timotheo 3:2

Omulabirizi tateekwa kubaaku ni kye bamwogeraku. Ateekwa okuba n'omukazi mulala, ateekwa okuba nga yeefuga, ataamu amagezi mu by'akola, yeebisa bukalamu, asangaalira abageni, ate aidhi okwegeresa.

2 Timotheo 4:17

Aye Musengwa yali ninze, era yampa amaani naakobera mu bwidhuvu abamaghanga agandi ekibono kya Katonda, baakiwulira. Olwo yamponia okunsalira ogw'okufa.

Tito 1:8

Aye ateekwa okuba ng'asangaalira abageni, agonza okukola ebikalamu, aghanga okwefuga, akola ekituufu, omutukuvu era aghanga okwekugira.

Tito 2:12

Era kitwegeresa okutya Katonda n'okulekayo okwegomba okw'ensi eno, n'okuba abantu abasobola okwefuga, abeesimbu, era abatya Katonda mu nsi muno.

Tito 2:2

Kubirizanga abasaadha abakulu beefugenga, babenga bantu bakalamu. Batenga amagezi mu bye bakola, babenga baidhuvu mu kwikiriza, mu kugonza ni mu kuguminkiriza.

Tito 2:4

memale bagalagirenga bakazi banaibwe abakaali abato okugonzanga baibaibwe n'abaana baibwe.

Tito 2:6

Mu nsambo n'endala, kubirizanga abaisuka okwefuganga.

Yakobo 4:7

Kale ni mugondere Katonda, aye Sitaani mumutakanie, aidha kubalumuka.

1 Petero 1:13

Kale ni mu myoyo gyaimwe mubenga beetegefu era mwefugenga. Eisuubi lyaimwe lyonalyona mulitenga mu kisa Katonda ky'aja okubagemerwa ku lunaku Yesu Kurisito lw'alibonekeraku.

1 Petero 4:7

Enkomerero ey'ebintu byonabyona eri kumpi. Agho ni mubenga beetegefu era musabenga.

Okwolekebwa 12:10

Agho naawulira mu igulu amamiro ag'amaani nga gakoba gati: “Mperaano obulokozi bwa Katonda butuuse! Katonda alaze amaani ag'Obwakyabazinga bwe, n'obuyinza bwa Kurisito we. Kuba oyo alumiriza baganda baife omusana n'obwire mu maiso ga Katonda, abingiibwa mu igulu.

Okwolekebwa 12:12

Kale ni musagambe, imwe mwenamwena abali mu igulu. Aye mukagwireku imwe ensi n'enhandha! Kuba Sitaani aise ye muli n'obusungu obutakobekaku, ng'aidhi ati ali n'akaseera katono.”

Okwolekebwa 12:9

Ogusota ogukologho ogwo, n'ogwo omusota ogw'eira ogwetebwa Omukemi era Sitaani omuguya ow'ensi yoonayoona. Ogusota ogwo gwasuulibwa ku nsi ni bamalaika baagwo.

Okwolekebwa 20:10

N'omukemi eyabaguya alisuulibwa mu nhandha ey'omuliro n'obunhota bwa salufa mwe balidaazibwadaazibwa omusana n'obwire, ebyanda n'ebyanda. Enhandha eyo n'eyasuulibwamu ekisolo n'omulanzi omuguya.

Okwolekebwa 20:2

Yaagema ogusota ogunene ogw'eira ogumanhiibwa ng'Omukemi era Sitaani, yaagusibira emyaka lukumi (1,000) ku ludhegere,

Abalamuzi 14:5

Agho Samusoni yaaserengeta n'ise n'inhina e Timuna. Bwe baali nga bali kubita mu masamba g'emizabbibu, yaja okuwulira ati, ng'empologoma entototo eri kumuwologomera.