1 Petero 5:5 - Baibuli Ekibono kya Katonda 2014

⁵ Mu nsambo n'endala imwe abato mubenga bawulize eri abakulu mu myaka. Mwenamwena mubenga bawombeefu, nga kiisi mulala agheereza mwine. Kuba ebyaghandiikibwa bikoba biti: “Katonda atakania abeekudumbaza, aye abeewooya abooleka ekisa.”

1 Petero 5:5 Iomraidhean Croise

2 Ebyomubyanda 6:41

Wo Musengwa Katonda waife, situkiramu otyame mu kifo kyo, obeemu n'Esanduuku yo ey'Endagaano eyoleka obukumu bwo. Bakabona bo baleetere okukolanga ebituufu buliidho, ekyo kibenga ng'ekivaalo ekitabavaaku; era abo abakutya baleetere okukubanga emizira olw'eisanhu.

Yobu 22:29

kuba Katonda aisa ghansi abo abeekuluntaza, aye yaalokola abo abeisa ghansi.

Yobu 29:14

Buliidho nakolanga bituufu byereere. Okukola amazima kwanfuukira ng'oti n'ekivaalo kyange, era ng'oti n'ekitambaala eky'oku mutwe.

Zabbuli 132:16

Bakabona baamu ndidha kubagha enkabi mu bye bakola byonabyona, n'abantu baamu abatya Katonda mbaleetere okukuba emizira olw'eisanhu.

Zabbuli 132:9

Bakabona bo baghe okukolanga ebituufu buliidho; abo abakutya obaghe okukuba emizira olw'eisanhu.

Zabbuli 138:6

Waire nga iwe oli ghaigulu inho, ofaayo inho ku abo abawombeefu. Aye abo abeetwala okuba aba ghaigulu obategeera mangu.

Ensambo 25:7

Kiba kikalamu abantu okukukoba bati: “Seeta eno emberi,” okusinga okukuswaza mu maiso ag'omuntu ow'ekitiisa nga bakwiza einhuma.

Ensambo 3:34

Anhooma abo abeekuluntaza, aye abawombeefu abagemerwa ekivunika.

Isaia 57:15

“Ninze Katonda Omutukuvu aligho ebyanda n'ebyanda, aswikiriire ebintu byonabyona. Mba mu kifo ekiri ghaigulu era ekitukuvu. Aye era mba ni mu bantu abawombeefu era abeenenia, nsobole okubaizaamu omwoyo n'eisuubi.

Isaia 61:10

Ekibuga Yerusalemu kikoba kiti: “Ndisagamba inho olwa Musengwa Katonda era naasangaala olwa Katonda wange oyo; kuba anvaaziiza obulokozi n'obutuufu ng'oti bivaalo. Ndi ng'oti n'omugole omusaadha ye bavaaziiza engule ku mutwe, era ng'oti n'omugole omukazi ye badholiige n'ebyamadholobera.”

Isaia 66:2

Ebintu byonabyona ninze nabikola n'engalo dhange. Kale byonabyona byange. Aye omuntu ye nsangaalira n'oyo omuwombeefu era eyeeneniiza, antaamu ekitiisa era n'akola bye ndagira.”

Ezekieli 26:16

Agho bakyabazinga boonaboona ab'ensi edhiriiraine ku nhandha, baliva ku bityamo byaibwe eby'obwakyabazinga, baatoolamu ebivaalo byaibwe ebiriku amadholobera. Baatyama ku itaka era baadhugumira buli kaseera, nga batiire inho olw'ebyo ebikutuuseeku.

Danieli 11:12

Bw'alimala okughangula eigye einene lityo, alyewulira mule nga wa maani, era aliita enkumi n'enkumi edh'abantu. Aye obughanguzi bwe tibulirwagho naire.

Abalevi 19:32

“Mutenga ekinhagansi mu bantu abakairiighe, era mubaisengamu ekitiisa. Era muntyenga nze Musengwa Katonda waimwe.

Luka 22:26

aye imwe timugwaine kuba mutyo. Asinga mu imwe agwaine kuba oti n'asembayo, omukulu abe oti mugheereza:

Ab'e Roma 12:10

Mugonzanienga ng'aboluganda mu Kurisito. Kiisi mulala afubenga okugha mwine ekitiisa.

Ab'e Roma 13:14

Aye tugeme eby'okulwanisa bya Musengwa waife Yesu Kurisito. Mutaganhanga mubiri kukola kye gwenda.

Ab'Efeso 5:21

Buli muntu awulirenga mwine olw'okwisaamu Kurisito ekitiisa.

Ab'e Filippi 2:3

Timukolanga kintu kyonakyona nga mwefaaku mwenka oba olw'okwenda bababone babasaake. Aye mu kwefeebya buli muntu atwale abandi nga n'abamusinga.

Ab'e Kolosai 3:12

Kale nga bwe muli abantu ba Katonda be yalondamu era abagonzi, mubenga n'omwoyo ogw'okusaasira, ekisa, obuteekulumbaza, obugonvu n'okuguminkiriza.

1 Timotheo 5:1

Otadhuukanga musaadha mukaire, aye mulambenga nga lata wo, ate abaisuka batwalenga nga baganda bo.

Abaheburayi 13:17

Muwulirenga abakulembeze baimwe era mubagonderenga, kuba n'abalabirira emyoyo gyaimwe, era balyewozaaku ensambo ye baagirabiriramu. Mubasobozese okukola omulimo guno n'eisanhu, aye ti mu nnaku, kuba ekyo ghazira kye kibaganhula.

Yakobo 4:6

Aye atwoleka ekisa kye okusingagho, ekyaghandiikibwa kye kiva ni kikoba kiti: “Katonda atakania abeekudumbaza, aye abeewooya abooleka ekisa kye.”

1 Petero 3:8

Ekisembayo mwisanienga mwenamwena era nga mulumirwagana. Mugonzenga aboluganda era mubenga ba kisa era abawombeefu.

1 Petero 4:1

Nga Kurisito bwe yadaazibwadaazibwa mu mubiri, mwena mwekuume n'ekyo mu myoyo gyaimwe mubenga beetegefu okudaazibwadaazibwa, kuba kiisi adaazibwadaazibwa mu mubiri aba takaafugibwa kibi.

1 Petero 4:5

Aye baliba n'okwewozaaku mu maiso ga Katonda oyo aja okusalira abalamu n'abafu omusango.