1 Petero 5:3 - Baibuli Ekibono kya Katonda 2014

³ Mulobenga kwebisa oti bafuzi mu byayo omwo, aye mubenga kya kuboneraku.

1 Petero 5:3 Iomraidhean Croise

Zabbuli 33:12

Eighanga eriri ni Musengwa Katonda nga ni Katonda waalyo, lya nkabi; abantu Musengwa Katonda b'alonda okuba ababe, ba nkabi.

Zabbuli 74:2

Idhukira abantu bo be weerondera eira, be watoola mu bwiru, babe eighanga eriryo ku bubwo. Idhukira olusozi Sioni kwe wabanga.

Ezekieli 34:4

Enafu timudhirabirira kudhiizaamu maani, endwaire timudhiwonia, edhimenheike timudhisibaku kintu ni dhiyunga, edhitambulatambula eyo dhityo timudhiiza mu kisibo, n'edhibula timudhinoonia. Aye mudhitwala bya ntaka na bukambwe.

Mika 7:14

Wo Musengwa Katonda, ife abantu bo be weerondera okuba ababo ku bubwo, tulabirire ng'omwayi bw'agema omwigo n'alabirira entaama dhe. Waire tuli eyo twenka mu irungu, aye ensi etwezungulwire ngimu. Tuleke tuje tukozese ebiketezo by'e Bashani n'e Gileadi ebigimu obulungi nga bwe twakolanga eira.

Okubala 18:7

Aye iwe ni batabane bo, niimwe mwenka abanaakolanga emirimo egy'obwakabona egy'oku alutaari n'egy'omu Kifo Ekitukuvu. Mbaghaire obwakabona ng'ekirabo, era omuntu atali Mulevi bw'anaaseetanga okumpi, aidha kwitibwanga.”

Yoanne 13:15

Kuba mbaghaire eky'okuboneraku, mwena mughange okukola nga nze bwe mbakoze.

Ebikolwa by'Abatume 20:28

Mwekuume imwe beene, mukuume n'abantu boonaboona Mwoyo Mutukuvu be yabagemya. Mulabirirenga Ekikunsu ky'Abaikiriza mu Kurisito, Katonda kye yeefunira olw'okufa kw'Omwana we.

1 Ab'e Korintho 11:11

Aye mu Musengwa omukazi tabaagho yenka nga ghazira musaadha, n'omusaadha tabaagho yenka nga ghazira mukazi.

1 Ab'e Korintho 3:5

Kuba bwenebwene Apollo naani? Era Paulo naani? Tuli bagheereza bugheereza ba Katonda, be yakozesa okutuusa imwe ku kwikiriza. Buli muntu ku ife akola omulimo Katonda gwe yamugha okukola.

1 Ab'e Korintho 3:9

Kuba ife, Katonda tuli bakozi baine era imwe muli nimiro ya Katonda. Kabiri muli kizimbe kya Katonda.

2 Ab'e Korintho 1:24

Ti twenda kubalagira bulagire bye muteekwa kwikiriza kuba twidhi nga muli bagumu mu kwikiriza, aye twenda tukolere ghalala memale musangaale.

2 Ab'e Korintho 4:5

Ife titweyogeraku beene aye tukobera abantu tuti Yesu Kurisito ni Musengwa, era nga ife tuli bagheereza baimwe olwa Yesu.

Amateeka Agokubiri 32:9

Yalondamu aba Yakobo yaabafuula babe, baaba bantu be ku bubwe.

Ab'e Filippi 3:17

Aboluganda, mukolenga nga nze bwe nkola, era mugenderere abo abajiira ku by'okuboneraku ebituufu bye twabateeragho.

Ab'e Filippi 4:9

Era mukolenga ebyo bye nabeegeresa, era ni bye nabagemya mu bibono byange era ni mu bye nakolanga. Era Katonda mwene kugha miraala aidha kubanga n'imwe.

1 Ab'e Thessalonika 1:7

Kale mwaba eky'okuboneraku eri abaikiriza boonaboona ab'omu Makedonia ni mu Akaia.

2 Ab'e Thessalonika 3:9

Ti lwa kuba nga twali titugwaniire kubasaba bye twetaaganga, aye twayenda okubagha eky'okuboneraku kye mube mujiirengaku.

1 Timotheo 4:12

Ole atakufuginkirizanga lwa buto bwo, aye oba nga kya kuboneraku eri abaikiriza, mu ndhogera, mu kwebisa, mu kugonza, mu kwikiriza, ni mu bwamufu.

Tito 2:7

Era iwe mwene oteekwa okuba eky'okuboneraku ekirungi mu by'okola byonabyona, ng'oli wa mazima era omumalirivu mu kwegeresa kwo.

1 Petero 2:9

Aye imwe muli lulyo lulonde, bakabona aba Kyabazinga, muli ighanga itukuvu era abantu ba Katonda beene. Katonda oyo n'eyabeeta okuva mu nzikiiza okwira mu butangaavu bwe obwewuunhisa einho, yaabalonda okukobera abantu ebyewuninkiriza bye yakola.