1 Petero 5:2 - Baibuli Ekibono kya Katonda 2014

² okwayanga obukalamu ebyayo bya Katonda bye yabagemya. Mutakolanga mutyo lwa kukakibwa, aye mukolenga n'omwoyo ogwenda, era nga ti lwa kugwidhubanira bya kufuna.

1 Petero 5:2 Iomraidhean Croise

2 Bakyabazinga 12:6

Aye omwaka ogwamakumi abiri n'esatu (23) nga kyabazinga Yoashi n'afuga gwatuuka, aye nga bazira ghe balongoosiisaaku naire.

Olwembo 1:8

Mukazi iwe asinga obulungi mu bakazi boonaboona, obwo toidhiiyo? Nonereza ebigere eby'ebyayo mwe bibita, oje oyayire embuzi dho agho okumpi n'eweema edh'abaayi.

Isaia 40:11

Aidha kulabirira entaama dhe ng'oti n'omwayi bw'akola: asoloze edhikaali ento adhibbeedere mu kifuba, ate enzaire edhiyonsa adhitambuze mpola n'obwegendereza.

Isaia 56:11

Bali ng'oti mbwa edh'amairu amangi, edhitaiguta naire. Abakulembeze abo tibakaalimu kategeera, buli muntu yeefubiriire ku bibye, nga yeenooneza by'anaafunamu amagoba.

Isaia 6:8

Agho naawulira amamiro ga Musengwa Katonda ng'akoba ati: “Naani ye nnaatuma? Naani anaaba omukwenda waife?” Naakoba nti: “Nze ndi ghano, tuma nze.”

Isaia 63:11

Agho baidhukira ebyaligho eira mu biseera bya Musa omugheereza wa Musengwa Katonda, baabuuza bati: “Musengwa Katonda ali gha, eyasomosa abakulembeze b'abantu n'abawonia enhandha? Musengwa Katonda oyo ali gha, eyasindika omwoyo gwe omutukuvu mu bantu be?

Yeremia 13:17

Aye bwe munaaloba okuwulirisa bye nkoba, ndidha kulira mule mu ngiso olw'okwekuluntaza kwaimwe. Ndidha kulira inho mmagaze n'amaziga, olw'abantu ba Musengwa Katonda abatwaliibwa nga banhage.

Yeremia 13:20

Iwe Yerusalemu, bona ere! Abazigu bo bali kwidha nga bava ku luuyi olw'omukono omugooda olw'e buvandhuba! Abantu abaakugemesebwa okulabirira, abantu abo abaakweyagazanga einho, buti bali gha?

Yeremia 6:13

kuba okuviira irala ku basembayo ghansi okutuukira irala ku babbede beene, boonaboona bagwidhubanira bya kufuna mu bukyamu. Waire abalanzi ni bakabona, boona bakupankupania.

Yeremia 8:10

Kye ndiva ni mbatoolaku bakazi baibwe ni mbagha abasaadha abandi, n'emisiri gyaibwe ni ngigha abantu abandi; kuba okuviira irala ku basembayo ghansi okutuukira irala ku babbede beene, boonaboona bagwidhubanira bya kufuna mu bukyamu. Waire abalanzi ni bakabona, boona bakupankupania.

Ezekieli 34:23

Ndidhiteeragho omwayi mulala yenka, ali ng'oti n'omugheereza wange Daudi. Oyo n'alidhirabiriranga ng'omwayi waadho.

Ezekieli 34:31

“Imwe muli ntaama dhange, entaama dhe ndhaya, ate nze naaba Katonda waimwe.” Musengwa Katonda atyo bw'akoba.

Ezekieli 46:24

Omusaadha yankoba ati: “Ago n'amafumbiro abagheereza ab'omu isinzizo ge banaafumbirangamu emamba ey'emisengo, abantu gye baghaayo.”

Mika 3:11

Abakulembeze baamu bagulirirwa nguzi memale baalamula. Bakabona baamu tibeegeresa mateeka ga Katonda okutoolaku nga bapangisiibwa. Era waire abalanzi baamu, boona bamala kugheebwa mpiiya memale baakoba okwolekebwa kwaibwe. Ate nga boonaboona beefuula okuba nga beesigama ku Musengwa Katonda, era baakoba bati: “Ghazira kabi koonakoona kaja kututuukaku kuba Musengwa Katonda ali n'ife.”

Mika 5:4

Aja kufuga abantu be mu maani ga Musengwa Katonda, era Musengwa Katonda oyo amufuule okuba kyabazinga omukologho. Abantu be baja kuba n'emiraala, kuba ensi yoonayoona eja kumubona nga mukologho.

Mika 7:14

Wo Musengwa Katonda, ife abantu bo be weerondera okuba ababo ku bubwo, tulabirire ng'omwayi bw'agema omwigo n'alabirira entaama dhe. Waire tuli eyo twenka mu irungu, aye ensi etwezungulwire ngimu. Tuleke tuje tukozese ebiketezo by'e Bashani n'e Gileadi ebigimu obulungi nga bwe twakolanga eira.

Zekaria 11:17

Akagwireku omwayi w'entaama oyo azira ky'agasa naire, alekulira obwagho ekisibo! Olutalo lugwananga lwamukuba yaava mu buyinza yaagwira irala. Era omukono gwamuniala n'eriiso lye ery'oku mukono omusaadha lyamutulughala.”

Malaki 1:10

Musengwa Katonda Afuga Amagye akoba ati: “Kyandibaire kikalamu ngoli owundi ku imwe aigalagho endhigi dh'eisinzizo, mwalekera agho okukumira obwereere emiriro ku alutaari yange! Bye mukola tibiinhoonha naire, n'ebigheebwayo ebiva mu ngalo dhaimwe tiidhanga kubisiima.

Okubala 18:7

Aye iwe ni batabane bo, niimwe mwenka abanaakolanga emirimo egy'obwakabona egy'oku alutaari n'egy'omu Kifo Ekitukuvu. Mbaghaire obwakabona ng'ekirabo, era omuntu atali Mulevi bw'anaaseetanga okumpi, aidha kwitibwanga.”

Luka 12:32

“Mutatya imwe waire nga muli bwa byayo bitono biti, kuba Lata waimwe kyamusanhusa okubagha Obwakyabazinga.

Ebikolwa by'Abatume 20:29

Nze ndidhi nga bwe ndija, abantu abali oti misege mikambwe baliidha mu imwe era tibalisaasira byayo.

Ebikolwa by'Abatume 21:13

Aye Paulo yairamu ati: “Mukola ki ekyo okulira n'okunafuya omwoyo gwange? Nze tiri mwetegefu kusibwa kyonka aye era n'okufiira mu Yerusalemu olw'eriina lya Musengwa Yesu.”

Ab'e Roma 1:15

Kale ni mwena ab'e Roma, neegomba inho okubakobera Amawulire Amalungi.

1 Ab'e Korintho 9:7

Mwisirukale ki eyeesasulira mwene ng'ali mu igye? Naani asimba enimiro y'emizabbibu n'atalya ku bibala byayo? Mwayi ki atanhwa ku mata ga mu kyayo kye?

1 Timotheo 3:3

Ateekwa okuba nga ti mutamiivu, ti mukambwe, aye nga muwombeefu atakanamuka, era azira mairu ga kufuna.

1 Timotheo 3:8

Abagheereza mu Kikunsu eky'Abaikiriza mu Kurisito boona bateekwa okuba abantu abakalamu, ti baguya, ti batamiivu, era abatagwidhubanira bya kufuna.

Tito 1:11

Abantu abo bateekwa okusirisibwa, kuba bali kukiidhamya okwikiriza okw'amaka amalambirira kamaala, nga beegeresa ebyo bye batagwaniire kwegeresa olw'okwenda okugwidhubanira eby'okufuna.

Tito 1:7

Omulabirizi nga bw'ali nti n'alabirira emirimo gya Katonda, tateekwa kuba na kimunenezebwa. Tateekwa kuba mudhoozi, waire asungughala amangu, waire omutamiivu, oba omukambwe, era nga tagwidhubanira bya kufuna.

Tito 2:14

Oyo n'eyeeghaayo okutununula mu bibi byaife byonabyona era n'okutufuula abantu be abaamufu abenda einho okukola ebintu ebikalamu.

Tito 3:1

Idhukizanga Abakurisito bo okuwuliranga abafuzi n'ab'obuyinza, n'okubagonderanga, era babenga beetegefu okukola kiisi mulimo mukalamu.

Filemoni 1:14

Aye tyayenda kukola kintu kyonakyona nga toganhie olwo obuyambi bwonabwona bw'okola bube nga buviire mu mwoyo gwo mwene aghazira kukakibwa.

Abaheburayi 12:15

Mwekuume ghalobe kubaagho afiirwa kisa kya Katonda, era ghalobe kubaagho bubi buva mu imwe ni butabulatabula era ni bwonoona bantu kamaala.

2 Petero 2:3

Era olw'amairu gaibwe ag'okufuna, balifuna mu imwe amagoba nga bakozesa ebibono eby'obuguya. Katonda yamala ira okubasalira omusango, era aja kubazikiriza nga bwe yategeka.