1 Petero 5:12 - Baibuli Ekibono kya Katonda 2014

¹² Mbaghandiikiire embaluwa eno enhimpi nga nhambibwaku Siluvano, nze ye mbona nga Mukurisito munange omwesigwa. Ndi kubakubiriza era naabakakasa nti kino kye mpandiise n'ekisa kya Katonda kyenekyene, era mutakivangamu.

1 Petero 5:12 Iomraidhean Croise

Yoanne 21:21

Petero bwe yamubona yaakoba Yesu ati: “Musengwa, ate ono aliba atya?”

Ebikolwa by'Abatume 11:23

Bwe yatuukayo n'abona Katonda bw'aghaire abantu abo enkabi, yaasangaala. Yaabakubiriza boonaboona bakalangukire ku Musengwa n'omwoyo mulala.

Ebikolwa by'Abatume 15:22

Agho Abatume n'abakulembeze ab'abaikiriza, ghalala n'Ekikunsu kyonakyona eky'Abaikiriza mu Kurisito, baakibona nga kikalamu okwerondamu abasaadha babatume mu Antiokia, baje ni Paulo ni Barunaba. Baalonda Yuda ayetebwa Barusabba ni Sila, abaali abakulembeze mu boluganda.

Ebikolwa by'Abatume 20:24

Aye titwala bulamu bwange ng'ekintu eky'omughendo ye ndi. Ekikulu n'okutuukiriza olugendo lwange n'omulimo Yesu gwe yangemya ogw'okukobera abantu Amawulire Amalungi ag'ekisa kya Katonda.

Ab'e Roma 5:2

Ku lulwe twafuna okusaasirwa kwa Katonda kuno kwe tulimu, era tusagamba nga twesunga okugabana ku kitiisa kya Katonda.

1 Ab'e Korintho 15:1

Aboluganda, nhenda okubaidhusa Amawulire Amalungi ge nabakobera ni mugaikiriza, era okwikiriza kwaimwe kwe kwemereire.

2 Ab'e Korintho 1:19

Kuba Yesu Kurisito Omwana wa Katonda, Siluvano, Timotheo, ninze ye twabakobera, tiyali “Yii” ni “Busa”, aye oyo buliidho ni “Yii.” wa Katonda.

2 Ab'e Korintho 1:24

Ti twenda kubalagira bulagire bye muteekwa kwikiriza kuba twidhi nga muli bagumu mu kwikiriza, aye twenda tukolere ghalala memale musangaale.

Ab'Efeso 3:3

Katonda yandholeka naamanha ekyama kye nga bwe nabaghandiikira mu bumpimpi.

Ab'Efeso 6:21

Tukiko, owoluganda omugonzi era omugheereza omwesigwa mu Musengwa, aidha kubakobera byonabyona, mumanhe ebinfaaku ni bye ndi kukola.

Ab'e Kolosai 1:7

Mwakyega okuva ku Epafura mugheereza munaife era ye tugonza einho, omugheereza wa Kurisito omwesigwa ku lwaife.

Ab'e Kolosai 4:7

Tukiko owoluganda waife omugonzi, omukozi wa Kurisito omwesigwa era mugheereza munaife mu mirimo gya Musengwa, aidha kubakobera byonabyona ebinfaaku.

Ab'e Kolosai 4:9

Ali kwidha ni Onesimo, owoluganda omugonzi era omwesigwa, ate nga era w'eyo ewaimwe. Baidha kubakobera byonabyona ebifa eno.

1 Ab'e Thessalonika 1:1

Ninze Paulo, ni Siluvano ni Timotheo. Tughandiikira Ekikunsu eky'Abaikiriza mu Kurisito abali e Thessalonika, aba Katonda Lata ni mu Musengwa Yesu Kurisito. Katonda abaghe enkabi n'emiraala.

2 Ab'e Thessalonika 1:1

Ninze Paulo, ni Siluvano, ni Timotheo. Tughandiikira Ekikunsu eky'Abaikiriza mu Kurisito abali e Thessalonika, aba Katonda Lata ni Musengwa Yesu Kurisito.

Abaheburayi 13:22

Aboluganda, mbeeghemba muguminkirize ebibono byange ebyo eby'okubalamba, kuba mbaghandiikiire mu bumpi.

1 Petero 1:13

Kale ni mu myoyo gyaimwe mubenga beetegefu era mwefugenga. Eisuubi lyaimwe lyonalyona mulitenga mu kisa Katonda ky'aja okubagemerwa ku lunaku Yesu Kurisito lw'alibonekeraku.

1 Petero 4:10

Nga kiisi mulala ku imwe bwe yagheebwa ekitone, akikozesenga bukalamu baine baganhulwe. Kino akikolenga ng'omughanika ow'ebirungi bya Katonda ebya buli nsambo bwe yandikoze.

2 Petero 1:12

Kale ndidha kubaidhusanga ebintu ebyo, waire nga mubiidhi era waire nga mwekalanguliire ku mazima ge mwafuna.

2 Petero 2:15

Baaleka engira entuufu, baadaaliima, baagema engira ya Balaamu omulanzi, omwana wa Beori eyagonza einho eby'obufuni ni bimukoza n'ebisobu.

3 Yoanne 1:12

Abantu boonaboona boogera bikalamu ku Demetirio era nga kya mazima. N'ife twena tumwogeraku bikalamu ate era oidhi nga bye tukoba bya mazima.

Yuda 1:3

Bakagwa, mbairenga nhenda inho okubaghandiikira ku kulokolebwa kwaife kwe tugabanaku, aye nkyagaine nga kigwaine okubaghandiikira mbakubirize okulwanirira endhikiriza Katonda ye yagha abatuukirivu omukuzi omulala guti nga gumala.