1 Petero 5:10 - Baibuli Ekibono kya Katonda 2014

¹⁰ Aye olumaliira olw'okudaazibwadaazibwa akaseera akatono, Katonda ow'ekisa ekitakoma eyabeeta mube mu kitiisa kye ekitawaagho mu Kurisito, alibagoloza, yaabagha amaani era yaabagumya.

1 Petero 5:10 Iomraidhean Croise

Zabbuli 119:28

Nseeneine olw'enaku enhingi. Wo Musengwa Katonda, ndhizaamu amaani buyaaka nga bwe wansuubiza.

Zabbuli 138:7

Nze waire mba ghagati mu bizibu, iwe okuuma obulamu bwange, waalwanisa abazigu bange waabalobera okunkola obubi, wantoola ku bazigu bange olw'obukumu bwo.

Zabbuli 86:15

Aye iwe Musengwa Katonda, niiwe Katonda asaasira era agemerwa abantu ekivunika, olwagho okusungughala, ogonza abantu obutalekera era oli mwesigwa inho.

Zabbuli 86:5

Wo Musengwa Katonda iwe oli mulungi, onsonigha era tolekera kugonza abo abakusinza.

Zekaria 10:12

Ndireetera abantu bange okuba ab'amaani. Era baligheesanga eriina lyange ekitiisa.” Musengwa Katonda atyo bw'akobye.

Zekaria 10:6

Ndireetera abantu b'omu Buyudaaya okuba ab'amaani, era naawonia abantu b'omu Isiraeli abo okuzikirizibwa. Ndibagemerwa ekisa, naabaiza eka ewaibwe. Baliba ng'oti se tibalekulirangaku agho, kuba ninze Musengwa Katonda waibwe, era nze ndiiramu okusaba kwaibwe.

Luka 22:32

Aye nze nkusabiire okwikiriza kwo kulobe kukendeera, era bw'okyukanga ogumyanga baganda bo.”

Ab'e Roma 15:13

Katonda, ensimuko ey'okusuubira, abaidhuze eisanhu n'emiraala olw'okumwikiriza, mughange okweyongeranga okuba n'eisuubi olw'amaani ga Mwoyo Mutukuvu.

Ab'e Roma 15:5

Era Katonda ensimuko y'okuguminkiriza era atwizaamu amaani, abaghe okwisania nga Kurisito Yesu bw'asiima.

Ab'e Roma 16:25

Ka tusaake Katonda oyo asobola okubagha amaani mu kwikiriza agava mu Mawulire Amalungi agagema ku Yesu Kurisito ge nkobera abantu. Ekyo n'ekyama ekyagisibwa okuva eira n'eira.

Ab'e Roma 9:11

Waire baali nga bakaali na kuzaalibwa era nga bakaali na kukolaku kibi oba kikalamu, aye olw'okutuukiriza entegeka ya Katonda ey'okulondaku omwana omulala, nga tajiira ku bikolwa aye nga ajiira ku kweta kwe mwene,

Ab'e Roma 9:24

Kuba niife be yayeta, ti kuva mu Bayudaaya mwonka aye n'okuva mu bamaghanga agandi,

1 Ab'e Korintho 1:10

Aboluganda, mbeeghembye mu liina lya Musengwa waife Yesu Kurisito mwisanie, mulobe kweyawulayawulamu aye mube kitole mu kulowooza ni mu kukola.

1 Ab'e Korintho 1:9

Katonda mwesigwa, oyo eyabeeta okwisa ekirala n'Omwana we Yesu Kurisito Musengwa waife.

2 Ab'e Korintho 13:11

Ekisembayo aboluganda: Tukaali! Mufube okuba abatuukiriire, mujiire ku kugalaga kwange, mwisanie, mube n'emiraala, ni Katonda mwene kugonza era mwene miraala anaabanga n'imwe.

2 Ab'e Korintho 4:17

Okudaagadaaga kuno okutonioli era okw'akaseera, kuli kututegekera ekitiisa ekinene era ekitawaagho ekisinga ebintu byonabyona.

Ab'e Filippi 4:13

Nsobola okugumira byonabyona olw'amaani Kurisito g'ampa.

Ab'e Kolosai 2:7

Mwegemere irala ku oyo, era obulamu bwaimwe mubuzimbe ku oyo, era mwongeremu amaani mu kwikiriza kwaimwe, nga bwe mwayegeresebwa nga timukoogha kwebaza.

1 Ab'e Thessalonika 2:12

okuba mu bulamu Katonda bw'asiima, oyo abeeta okwingira mu Bwakyabazinga bwe era mu kitiisa kye.

2 Ab'e Thessalonika 2:14

Kino kye yabeetera ng'abita mu Mawulire Amalungi ge twabakobera, mufune ekitiisa kya Musengwa waife Yesu Kurisito.

2 Ab'e Thessalonika 2:17

abagumye emyoyo era abaghe amaani mu birungi byonabyona bye mukola ni bye mwogera.

2 Ab'e Thessalonika 3:3

Aye Musengwa mwesigwa, era alibagumya yaabawonia Omubi.

1 Timotheo 6:12

Lwana bukalamu olutalo olw'okwikiriza, ogheebwe obulamu obutawaagho, Katonda bwe yakwetera, lwe weeyatulira obukalamu mu maiso ag'abadhulizi abangi.

2 Timotheo 1:9

Ono yatulokola era yaatweta okuba ababe. Kino tiyakikola lwa bikolwa bye twakola, aye olw'ekigendererwa kye mwene era n'olw'ekisa, kye yatulaga mu Kurisito Yesu okuva eira n'eira.

2 Timotheo 2:10

Kyenva ngumira buli kintu olw'obulungi bw'abalonde, olwo bafune okulokolebwa n'ekitiisa ekitawaagho ebiri mu Kurisito Yesu.

Abaheburayi 9:15

Kale ni Kurisito n'akwania endagaano empyaka, abo abaasuubizibwa ebirungi ebitawaagho babifune. Kuba yafa, yaanunula abantu mu bibi byaibwe bye baakolanga nga bakaafugibwa endagaano eyasooka.

1 Petero 1:15

Aye ng'oyo eyabeeta bw'ali omutukuvu, n'imwe beene mwena mubenga batukuvu mu buli kye mukola.

1 Petero 4:10

Nga kiisi mulala ku imwe bwe yagheebwa ekitone, akikozesenga bukalamu baine baganhulwe. Kino akikolenga ng'omughanika ow'ebirungi bya Katonda ebya buli nsambo bwe yandikoze.

1 Petero 4:11

Oyo akobera abantu ekibono kya Katonda, akobere irala ekibono ekyo Katonda ky'amugha; oyo agheereza, agheerezenga n'amaani Katonda g'amugha. Olwo Katonda agheebwe ekitiisa mu byonabyona ku lwa Yesu Kurisito mwene kitiisa, n'obukumu, ebyanda n'ebyanda. Amiina.

2 Petero 1:3

Musengwa waife oyo, mu buyinza bwe nga Katonda, yatugha byonabyona bye twetaaga okuba abalamu n'okutya Katonda, nga tubita mu kumanha oyo eyatweta tube mu kitiisa kye ni mu bulungi bwe.

1 Yoanne 2:25

Era ekisuubizo kye yatusuubiza, n'obulamu obutawaagho.

Yuda 1:24

Katonda oyo ow'obusobozi obubakuuma ni mutagwa, ni bubatuusa mu maiso ge ag'ekitiisa nga muziraku musango gwonagwona era nga musagamba,