1 Petero 4:8 - Baibuli Ekibono kya Katonda 2014

⁸ Ekisinga byonabyona obukulu, mugonzanienga mu mazima, kuba okugonzania kusonighisa ebibi kamaala.

1 Petero 4:8 Iomraidhean Croise

Ensambo 10:12

Okukyagha kusiikuula entalo, aye okugonza kusonigha ebisobyo byonabyona.

Ensambo 12:16

Omusiru bw'asungughala kimanhikiragho, aye omugezi amanha okughemba ku busungu.

Ensambo 17:9

Ole anoonia okwendebwa asonigha abasobya, aye ole adeeberera ebisobyo ayawukania ab'omukago.

Ensambo 18:13

Omuntu airamu ekintu nga tamaze kuwulirisa bukalamu, aba musiru era aswala.

1 Ab'e Korintho 13:1

Ni bwe ndhogera enimi edh'abantu n'edha bamalaika, aye nga tigonza bantu banange, mba ng'oti n'endege edhiwoloma, oba endongo edhiwaala.

1 Ab'e Korintho 13:4

Omuntu agonza baine aba n'okuguminkiriza, n'ekisa, taba na nsaalwa, tiyeebona yenka era tiyeesaaka mwene,

Ab'e Kolosai 3:14

Ku ebyo muteereku okugonza nga n'okusiba byonabyona aghalala, ni biisania obukalamu.

1 Ab'e Thessalonika 3:12

Era Musengwa abongeremu okugonzanianga beene na beene, n'okugonzanga abantu boonaboona oti niife bwe tubagonza.

2 Ab'e Thessalonika 1:3

Aboluganda, tuli n'okusiima Katonda buli kaseera olwa imwe, era nga bwe tugwaine kuba okwikiriza kwaimwe kuli kweyongera inho. Era n'okugonza kiisi mulala ku imwe kw'agonzaamu abandi kwona kweyongera inho.

1 Timotheo 1:5

Mu kiragiro kino tugendereramu okuleetagho okugonza okusimuka mu mwoyo omunaabuufu ogutansalira musango, n'okwikiriza okuziramu buguya.

Abaheburayi 13:1

Mujenga mu maiso n'okugonzania ng'aboluganda mu Kurisito.

Yakobo 5:12

Aye ekikulu ekisinga byonabyona, aboluganda, mutalayiranga igulu, waire ensi, oba ekintu ekindi kyonakyona. Bwe mukobanga muti “Yii” kibenga yii era bwe mukobanga muti “Busa” kibenga busa Katonda alobe kubasalira musango kubasinga.

Yakobo 5:20

oyo amwiziiza ali n'okumanha ati: kiisi atoola mukozi wa bibi mu ngira ye ensobu, aja kuwonia omwoyo ogw'omukozi ow'ebibi oyo okufa era ebibi bye olukunkumuli bisoniyibwe.

1 Petero 1:22

Nga bwe mwamala okutukuza emyoyo gyaimwe nga mugondera amazima, ni mugonzania ng'aboluganda, mweyongere okugonzania n'omwoyo oguziramu buguya.

3 Yoanne 1:2

Mukagwa, nkusabira byonabyona bikujiire bukalamu era obe mulamu mu mubiri nga bw'oli mu mwoyo.