1 Petero 4:7 - Baibuli Ekibono kya Katonda 2014

⁷ Enkomerero ey'ebintu byonabyona eri kumpi. Agho ni mubenga beetegefu era musabenga.

1 Petero 4:7 Iomraidhean Croise

Amainhama 19:35

Kale obwire obwo baatamiiza iseibwe, era omughala omuto yaaba naye. Era ni ku mukuzi guno Loti yaaloba kukimanha, kuba yali ng'atamiire inho.

Amainhama 6:13

Katonda yaakoba Noa ati: “Nsazeegho okuzikiriza abantu boonaboona, kuba baleeteire ensi okwidhula ebikolwa byaibwe eby'obukambwe.

Omulangirizi 7:2

Okuja mu ndhu omuli okulira omufu, kusinga okuja omuli embaga; kuba okufa n'enkomerero ya buli muntu, era abalamu bagwaine okukirowoozangaku.

Yeremia 5:31

Abalanzi balanga bya buguya, ni bakabona bafuga nga bajiira ku balanzi bye balagira, n'imwe abantu bange mwena mwaloba kukitakaniaku naire. Aye mulikola ki ng'enkomerero etuuse?”

Ezekieli 7:6

Bona, enkomerero etuuse. Bwenebwene ebaidhiire era yiiyo etuuse.

Matayo 24:42

“Kale ni mumoge, kuba timwidhi kiseera Musengwa waimwe ky'alituukiramu.

Matayo 25:13

“Agho ni, mumoge kuba timwidhi lunaku waire saawa.

Luka 21:34

“Mwekuume, ti kulwa nga mwemalira bwa mu binhumo, kutamiira na kweraliikirira bya bulamu buno, olunaku lule lwabagwaku nga timwidhi.

Luka 21:36

Mulingirire inho ebirigho era musabe, musobole okuwona ebyo ebija okubaagho era n'okwemerera mu maiso g'Omwana w'Omuntu.”

Luka 22:46

yaabakoba ati: “Musituke musabe mulobe kulebwa.”

Ab'e Roma 12:12

Okusuubira kwaimwe kubakuumenga nga musagamba, mubenga baguminkiriza mu bizibu byaimwe era musabenga buliidho.

1 Ab'e Korintho 15:24

Olwo enkomerero yaatuuka. Kurisito ng'amaze okughangula obufuzi bwonabwona, n'obukumu bwonabwona, era n'amaani goonagoona, aligemya Katonda Lata Obwakyabazinga.

1 Ab'e Korintho 7:29

Aboluganda, kye nkoba ni kino nti ekiseera kisigaireyo kitono, era okuva ni mperaano abali n'abakazi beebise ng'oti bazira

Ab'Efeso 6:18

Buliidho musabenga, nga Mwoyo bw'anaabanga abagalagiire. Mubenga beetegefu nga timwiririra, musabirenga abatuukirivu boonaboona.

Ab'e Filippi 4:5

Mutabanga baghaaghaavu ya muntu yeenayeena. Musengwa ali kumpi.

Ab'e Kolosai 4:2

Mwekalangulenga mu kusaba, era nga mwisangayo omwoyo ku bye musaba, era nga mweyanza.

2 Timotheo 4:5

Aye iwe banga mwetegefu buliidho, gumiranga okudaagadaaga, kolanga omulimo ogw'okukobera abantu Amawulire Amalungi ng'omugheereza wa Katonda.

Tito 2:12

Era kitwegeresa okutya Katonda n'okulekayo okwegomba okw'ensi eno, n'okuba abantu abasobola okwefuga, abeesimbu, era abatya Katonda mu nsi muno.

Abaheburayi 10:25

Tutagayaaliriranga kwesolozanga ng'abandi bwe bakola. Aye kiisi muntu agumyenga mwine n'okusingira irala nga mperaano bwe muli kubona ng'Olunaku lwa Musengwa luli kumpi okutuuka.

Abaheburayi 9:26

Kuba nguli kyali kityo, Kurisito yandibaire ng'ali n'okudaagadaaga emikuzi kamaala kasookanga ensi etondebwe. Aye mu byanda bino ebisembayo yaboneka omukuzi mulala guti nga gumala, atoolegho ekibi olw'okweghaayo mwene.

1 Petero 1:13

Kale ni mu myoyo gyaimwe mubenga beetegefu era mwefugenga. Eisuubi lyaimwe lyonalyona mulitenga mu kisa Katonda ky'aja okubagemerwa ku lunaku Yesu Kurisito lw'alibonekeraku.

1 Petero 3:7

Mu nsambo n'endala eyo abasaadha mubenga ni bakazi baimwe nga mwidhi muti mu kikula kyaibwe banafu. Mubatengamu ekinhagansi kuba mulifuna nabo obulamu obutawaagho. Mukole mutyo ghabule ekitabulatabula okusaba kwaimwe.

1 Petero 5:8

Mwefugenga era mubenga beetegefu kuba Sitaani omuzigu waimwe aja nga atambulatambula ng'oti mpologoma eja ng'ewologoma, ng'eyagala y'enaakaavuula.

Okwolekebwa 16:15

“Bona, ndidha kwidha ng'omwibi! Wa nkabi oyo asigala ng'ali kumoga, n'akuuma ebivaalo bye, alobe kutambula madu, na kuswala mu bantu.”