1 Petero 4:11 - Baibuli Ekibono kya Katonda 2014

¹¹ Oyo akobera abantu ekibono kya Katonda, akobere irala ekibono ekyo Katonda ky'amugha; oyo agheereza, agheerezenga n'amaani Katonda g'amugha. Olwo Katonda agheebwe ekitiisa mu byonabyona ku lwa Yesu Kurisito mwene kitiisa, n'obukumu, ebyanda n'ebyanda. Amiina.

1 Petero 4:11 Iomraidhean Croise

Zabbuli 145:13

Obwakyabazinga bwo bwa byanda na byanda, era oja kufuga abantu ense n'ense. Musengwa Katonda mwesigwa mu by'akoba byonabyona era asaasira mu by'akola.

Isaia 8:20

Mubairangamu muti: “Ka twekalangulire ku ebyo Musengwa Katonda bye yatusikirira ni bye yatwegeresa.” Bwenebwene abo abatajiira ku ebyo nga bwe biri, tibalikyesa bwire nga bakaali kufa.

Yeremia 23:22

Nguli baali bamanhie bye ndowooza mule, bandikobeire abantu bange obukwenda bwange, era baabakyusa baava mu bikolwa byaibwe ebibi ni mu mpisa dhaibwe embi.

Danieli 4:3

Obumanhiso bwe nga bukologho! Ebyewuunhio bye nga bya maani! Obwakyabazinga bwe bwa kubaagho byanda na byanda, era aja kufuganga abantu ense n'ense.

Danieli 4:34

Agho kyabazinga Nebukadinezzari yaakoba ati: “Ekiseera ekyo nga kiwoireku, nze Nebukadinezzari nalinga ghaigulu ku igulu, nairamu okutegeera obukalamu. Agho neebaza oyo Ali Ghaigulu Yeene, naamusaaka era naamugha ekitiisa, oyo omulamu ebyanda n'ebyanda. Kuba obwakyabazinga bwe bwa byanda na byanda, era obufuzi bwe bulibaagho ense n'ense.

Danieli 7:14

Era baamugha obukumu, ekitiisa, n'obwakyabazinga. Olwo abantu boonaboona abava mu maghanga goonagoona, era aboogera enimi dhoonadhoona, basobole okumugheerezanga. Obufuzi bwe tibukoma, bubaagho byanda na byanda, era obwakyabazinga bwe tibalibuzikiriza.

Matayo 6:13

Totutwala mu kulebwa, aye tulokole mu bubi.’

Yoanne 13:31

Yuda bwe yamala okufuluma, Yesu yaakoba ati: “Mperaano Omwana w'Omuntu agheereibwa ekitiisa era mu oyo Katonda agheereibwa ekitiisa.

Ebikolwa by'Abatume 7:38

N'oyo eyali n'Abaisiraeli nga beesoloiza mu irungu. Yali ni malaika yaayogera naye ku lusozi Sinai. Yali ni badhaadha baife era n'eyafuna ebibono bya Katonda eby'obulamu asobole okubitukobera.

Ab'e Roma 11:36

Kuba byonabyona n'eyabitonda, n'abibeesaagho, era bibaagho ku lulwe. Agheebwe ekitiisa ebyanda n'ebyanda. Amiina.

Ab'e Roma 12:3

Olw'ekisa Katonda kye yampa, nkoba kiisi mulala ku imwe obuteetwala nga wa kitalo. Aye yeebisenga bukalamu ng'ajiira ku kigero eky'okwikiriza Katonda kye yamugha.

Ab'e Roma 16:27

Kale Katonda oyo omulala yenka, ate omugezi, agheebwenga ekitiisa mu Yesu Kurisito ebyanda n'ebyanda. Amiina.

Ab'e Roma 3:2

Kugasa inho mu buli nsambo. Ekisooka, Abayudaaya Katonda be yasooka okugemya ekibono kye.

1 Ab'e Korintho 10:31

Kale buli kye mukolanga, oba kulya oba kunhwa, mukikolenga olw'okugheesa Katonda ekitiisa.

1 Ab'e Korintho 12:4

Ghaligho ebika kamaala eby'ebitone, aye Mwoyo ali mulala abigaba.

1 Ab'e Korintho 3:10

Nga nkozesa ekirabo Katonda kye yampa, nataagho omusingi ng'omuzimbi omukugu, era omuntu owundi kw'ali kuzimbira. Kale buli azimbaku yeegendereze ensambo y'azimbiraku.

1 Ab'e Korintho 6:20

Katonda yamala okubagula, kale mugheese Katonda ekitiisa n'emibiri gyaimwe.

2 Ab'e Korintho 2:17

Tituli oti n'abantu abandi kamaala abakozesa ekibono kya Katonda okufunamu kye banaalya, aye tuli bantu Katonda be yatuma, era twogera mazima mu maiso ge, ng'abagheereza mu Kurisito.

2 Ab'e Korintho 9:13

Okugheereza kwaimwe kuno kukakasa abantu nga bwe muli. Olwo abantu kamaala baagha Katonda ekitiisa olw'okwikiriza n'okwatula Amawulire Amalungi aga Kurisito, era n'olw'obugabi bwaimwe eri abantu abo, era n'eri abandi boonaboona.

Ab'Efeso 1:19

Era mumanhe amaani ge agataloodheka agakolera mu ife abaikiriza. Amaani ago

Ab'Efeso 4:29

Eminwa gyaimwe girobenga kwogera bibono bitasaana, aye gyogerenga ebyo byonka ebikalamu ebizimba era ebisaine, bisobole okuleetera ababiwulira emikisa.

Ab'Efeso 5:20

Buliidho mweyanzenga Katonda Iseife olwa byonabyona, nga mubita mu Musengwa waife Yesu Kurisito.

Ab'Efeso 6:10

Ekisembayo, mube bagumu mu Musengwa, n'obuyinza bwe obw'amaani.

Ab'e Filippi 1:11

Obulamu bwaimwe bwidhule ebikolwa ebikalamu ebiidha nga bibita mu Yesu Kurisito olw'okugheesa Katonda ekitiisa n'olw'okumusaaka.

Ab'e Filippi 2:11

Era kiisi lulimi lwatule luti: Yesu Kurisito ni Musengwa. Olwo Katonda era Lata agheebwe ekitiisa.”

Ab'e Kolosai 4:6

Mu kwogera mukozesenga ebibono ebiwooma era ebigwaine, nga kiisi abuuza mwidhi eky'okumwiramu.

1 Ab'e Thessalonika 2:4

Aye nga Katonda bwe yatwesiga n'atugemya Amawulire Amalungi, era twena tugakobera abantu nga bw'ayenda. Titugezaaku kusiimya bantu aye tusiimya Katonda akebera emyoyo gyaife,

1 Timotheo 1:17

Kyabazinga oyo atakoma, atafa era ataboneka, Katonda omulala yenka, asaakibwenga era agheebwenga ekitiisa ebyanda n'ebyanda. Amiina.

1 Timotheo 6:16

Ni yenka atafa era aba mu butangaavu obutaseetekaku, ghazira yaali amuboine, era ghazira aghanga kumubona. Aisibwengamu ekitiisa era afugenga ebyanda n'ebyanda. Amiina.

Tito 2:1

Aye iwe yegeresanga ebyo ebiisania n'endhegeresa entuufu.

Tito 2:15

Yegeresanga ebintu bino ng'olamba era ng'onenianga abantu bo n'obuyinza bwonabwona. Ghatabangagho muntu yeenayeena akunhoomanga.

Abaheburayi 13:7

Mwidhukirenga abakulembeze baimwe abaabakobera ekibono kya Katonda. Mwidhukirenga eby'obulamu bwaibwe, era mubenga n'okwikiriza ng'oti n'okwaibwe.

Abaheburayi 5:12

Waire nga buti mwandibaire nga muli beegeresa, aye ate mukaayenda omuntu okubeegeresa ebyo ebiinhamirwaku mu kwega ekibono kya Katonda. Mukaayenda mata buta ng'oti n'abaana abato, mu kifo ky'emere yeene.

Yakobo 1:19

Aboluganda abagonzi, nhenda mumanhe kino: Buli muntu abenga mwangu okuwulira, aye alwengagho okwogera n'okusungughala,

Yakobo 1:26

Ole bw'alowooza ati aikiriza, aye n'atafuga lulimi lwe, yeesubagha era n'okwikiriza kwe muzira.

1 Petero 2:12

Mwebisenga bukalamu nga muli mu bamaghanga agandi. Olwo balobe kuboogeraku bati muli bakozi ba bibi, aye babone nga bye mukola bikalamu era basaake Katonda ku lunaku lw'aliidha.

1 Petero 2:5

Mwidhe y'ali nga muli ng'oti n'amabaale amalamu, abazimbemu endhu ey'omwoyo. Mube bakabona abatukuvu abagheereza emisengo egy'omwoyo egisiimibwa Katonda, nga mubita mu Yesu Kurisito.

1 Petero 4:10

Nga kiisi mulala ku imwe bwe yagheebwa ekitone, akikozesenga bukalamu baine baganhulwe. Kino akikolenga ng'omughanika ow'ebirungi bya Katonda ebya buli nsambo bwe yandikoze.

1 Petero 4:16

Aye ole bw'adaazibwadaazibwa olw'okuba Omukurisito, alobenga kuwulira nsoni mu liina lya Kurisito, aye aghenga bwa Katonda kitiisa.

1 Petero 5:11

Katonda oyo afugenga ebyanda n'ebyanda. Amiina.

Yuda 1:25

Katonda omulala ati Omulokozi waife ng'abita mu Yesu Kurisito Musengwa waife, agheebwe ekitiisa, obufuzi, amaani n'obuyinza okuva ku ntoolo, na buti, n'okutuusa ebyanda n'ebyanda. Amiina.