1 Petero 3:8 - Baibuli Ekibono kya Katonda 2014

⁸ Ekisembayo mwisanienga mwenamwena era nga mulumirwagana. Mugonzenga aboluganda era mubenga ba kisa era abawombeefu.

1 Petero 3:8 Iomraidhean Croise

Zabbuli 103:13

Ng'omuzaire bw'aghembeera abaana be, ni Musengwa Katonda atyo bw'aghembeera abo abamutya.

Ensambo 28:8

Omuntu afuuka omukombe ng'aseera afune amagoba, obukombe bwe bulija y'oyo agemerwa abaavu ekivunika.

Zekaria 7:9

“Nze Musengwa Katonda Afuga Amagye nagha ira abantu bange ebiragiro bino nti, ‘Musalenga emisango mu butuufu, buli muntu agemerwenga mwine ekivunika era amusaasirenga.

Matayo 18:33

kale iwe weena obaire togwaniire kusaasira mugheereza mwino nga nze zeena bwe nakusaasiire?’

Luka 10:33

Ghaabaagho Omusamaria eyali mu lugendo lwe, yaamutuukaku era bwe yamubona yaamugemerwa ekisa

Ebikolwa by'Abatume 2:1

Agho olunaku lwa Pentekote bwe lwatuuka, Abeegeresebwa boonaboona baali beesololeiza mu kifo kirala.

Ebikolwa by'Abatume 27:3

Ku lunaku olwairirira twatuuka e Sidoni. Yulio yaabisa bukalamu Paulo, yaamuganha okuja ye bakagwa be okumulabirira.

Ebikolwa by'Abatume 28:7

Okumpi n'ekifo ekyo, ghaaligho ebibandha by'omusaadha omwami w'ekizinga ekyo, ng'eriina lye ni Pubulio, eyatusangaaza era n'atulabirira obukalamu okumala enaku isatu.

Ebikolwa by'Abatume 4:32

Abo boonaboona abaali baikiriza, baali n'omutima n'omwoyo mulala. Era nga ghazira akoba ku ebyo bye yabanga nabyo ati kuliku ekikye ku bubwe. Aye nga byonabyona byaibwe ghalala.

Ab'e Roma 12:10

Mugonzanienga ng'aboluganda mu Kurisito. Kiisi mulala afubenga okugha mwine ekitiisa.

Ab'e Roma 15:5

Era Katonda ensimuko y'okuguminkiriza era atwizaamu amaani, abaghe okwisania nga Kurisito Yesu bw'asiima.

1 Ab'e Korintho 1:10

Aboluganda, mbeeghembye mu liina lya Musengwa waife Yesu Kurisito mwisanie, mulobe kweyawulayawulamu aye mube kitole mu kulowooza ni mu kukola.

1 Ab'e Korintho 12:26

Bwe ghabaagho ekitundu eky'omubiri ekirumizibwa, ebitundu ebindi birumizibwa ghalala nakyo. Era bweghabaagho ekitundu ekigheebwa ekitiisa, ebitundu ebindi bisagambira ghalala nakyo.

Ab'Efeso 4:2

Mube bawombeefu, abatali ba ikabyo era abaguminkiriza. Mulage okugonzania kwaimwe, nga buli muntu aguminkiriza mwine.

Ab'Efeso 4:31

Mulekeyo enge, ekiruyi, obusungu, okwereega, okuvumagana n'okukyaghagana kwonakwona.

Ab'Efeso 4:32

Aye mubenga ba kisa, buli muntu alumirwenga mwine, era musonighaganenga nga Katonda bwe yabasonigha mu Kurisito.

Ab'e Filippi 2:3

Timukolanga kintu kyonakyona nga mwefaaku mwenka oba olw'okwenda bababone babasaake. Aye mu kwefeebya buli muntu atwale abandi nga n'abamusinga.

Ab'e Filippi 3:16

Aye ekikulu tweyongere okujiira ku nkola ye tubairengaku okutuusa mperaano.

Ab'e Kolosai 3:12

Kale nga bwe muli abantu ba Katonda be yalondamu era abagonzi, mubenga n'omwoyo ogw'okusaasira, ekisa, obuteekulumbaza, obugonvu n'okuguminkiriza.

Abaheburayi 13:1

Mujenga mu maiso n'okugonzania ng'aboluganda mu Kurisito.

Yakobo 2:13

Mu kusala omusango Katonda taja kusaasira muntu oyo atasaasira ate okusaasira n'okusinga mu kusala emisango.

Yakobo 3:17

Aye okusookera irala, amagezi agava mu igulu maamufu, ga idembe, mawombeefu, gawulirisa ensonga, gaidhwire okusaasira, gavaamu bikalamu byereere, ganoonia ekituufu era tigabaamu buguya.

Yakobo 5:11

Abantu abo abaaguminkiriza tubeeta ba nkabi. Imwe mwawulira obuguminkiriza bwa Yobu era mwabona ni Musengwa bye yamukolera ku nkomerero, kuba Musengwa wa kisa era musaasizi.

1 Petero 1:22

Nga bwe mwamala okutukuza emyoyo gyaimwe nga mugondera amazima, ni mugonzania ng'aboluganda, mweyongere okugonzania n'omwoyo oguziramu buguya.

1 Petero 2:17

Buli muntu mumutengamu ekinhagansi. Mugonzenga aboluganda. Mutyenga Katonda, era ni Kyabazinga mumutengamu ekinhagansi.

1 Petero 5:5

Mu nsambo n'endala imwe abato mubenga bawulize eri abakulu mu myaka. Mwenamwena mubenga bawombeefu, nga kiisi mulala agheereza mwine. Kuba ebyaghandiikibwa bikoba biti: “Katonda atakania abeekudumbaza, aye abeewooya abooleka ekisa.”

2 Petero 1:7

ku kutya Katonda mwongereku okugonzania ng'aboluganda ku kugonzania ng'aboluganda mwongereku okugonza abantu boonaboona.

1 Yoanne 3:14

Twidhi nga twava mu kufa twangira mu bulamu, kuba tugonza baganda baife. Oyo atagonza baganda be aba akaali mu kufa.