1 Petero 3:7 - Baibuli Ekibono kya Katonda 2014

⁷ Mu nsambo n'endala eyo abasaadha mubenga ni bakazi baimwe nga mwidhi muti mu kikula kyaibwe banafu. Mubatengamu ekinhagansi kuba mulifuna nabo obulamu obutawaagho. Mukole mutyo ghabule ekitabulatabula okusaba kwaimwe.

1 Petero 3:7 Iomraidhean Croise

Yobu 42:8

Kale ni, mpegaano mutwale ente enume musanvu, n'entaama enume musanvu eri omugheereza wange Yobu, mugheeyo ku lwaimwe ekigheebwayo ekyokebwa. Omugheereza wange Yobu aidha kubasabira, era ndidha kuganha by'anaabasabira, ndobe kubakolaku ng'obusirusiru bwaimwe bwebubagwaniza. Kuba timundhogeireeku bituufu ng'oti n'omugheereza wange Yobu bw'ayogeire.”

Matayo 18:19

“Era ka mbakobere: Ababiri ku imwe bwe baisania ku kintu kye basaba, Lata wange ali mu igulu alikibakolera

1 Ab'e Korintho 7:3

Omusaadha atuukirizenga ebimusabibwa mu bufumbo era n'omukazi akolenga atyo.

Ab'Efeso 3:6

Ekyama ni kino: olw'Amawulire Amalungi, abamaghanga agandi boona baagabana ku birungi ebyo Katonda by'agha Abayudaaya. Baafuuka omuntu mulala mu Kurisito Yesu, era baagabana ku ebyo Katonda bye yabasuubiza mu Kurisito oyo.

Ab'Efeso 4:30

Era mutanakughazanga Mwoyo Mutukuvu wa Katonda, kuba Mwoyo n'akamanhiso ke mwateebwaku okutuuka ku lunaku olw'okununulibwa.

Ab'Efeso 5:33

Aye n'imwe mwena, buli musaadha agonzenga mukazi we, nga bwe yeegonza mwene, era n'omukazi atenga mu iba ekinhagansi.

Ab'Efeso 6:18

Buliidho musabenga, nga Mwoyo bw'anaabanga abagalagiire. Mubenga beetegefu nga timwiririra, musabirenga abatuukirivu boonaboona.

Ab'e Kolosai 3:19

Abasaadha, mugonzenga bakazi baimwe era ti mubakambughaliranga.

1 Ab'e Thessalonika 4:4

Kiisi mulala ku imwe amanhe okwebisanga mu butukuvu era ni mu kitiisa ye mukazi we.

Tito 3:7

Ekyo yakikola okutugheesa obutuukirivu olw'ekisa kye, tusuubire okugheebwa obulamu obutawaagho.

Abaheburayi 1:14

Kale bamalaika ti n'emyoyo egigheereza Katonda, gy'atuma olw'abo ab'okulokolebwa?

1 Petero 3:1

Mu nsambo n'endala, abakazi muwulirenga baibaimwe. Olwo, abandi ku abo waire mperaano tibaikiriza kibono, basobole okuleetebwa mu kwikiriza olw'empisa dhaimwe enkalamu nga ghazira ni kye mubakobyeku.