1 Petero 3:4 - Baibuli Ekibono kya Katonda 2014

⁴ Aye bubenga mu mwoyo munda, n'omube mube eky'omughendo ekitayonooneka eky'obuwombeefu n'emiraala. Bino bya mughendo inho mu maiso ga Katonda.

1 Petero 3:4 Iomraidhean Croise

Zabbuli 131:2

Nze ndi muwolu era nsiriike. Ng'omwana ye basiriisaagho bw'aba ng'ali ku ibeere lya inhina, zeena ntyo bwensiriike.

Zabbuli 147:6

Musengwa Katonda asitusa abo abaniinirirwa, aye abakozi ab'ebibi yaabasuula ku itaka.

Zabbuli 149:4

Musengwa Katonda asangaalira abantu be; abo abawombeefu yaabatuusa ku kitiisa eky'obughanguzi.

Zabbuli 25:9

Abateekudumbaza abalagirira mu kusalagho okutuufu, era abamanhisa by'ayenda.

Zabbuli 45:13

abali n'obukombe obwa buli nsambo. Omumbeedha ali kwingira mu kisaagaati kya kyabazinga, aboneka bulungi inho, ebivaalo bye byakolebwa mu zaabu.

Zabbuli 51:6

Iwe oyenda okumanha amazima agali mu muntu, kale ni ndidhuza amagezi mu mwoyo gwange.

Isaia 11:4

Aye aidha kusalanga emisango gy'abaavu mu butuufu, era akolerenga abaziraku bwogereso ebyo bye bagwaniire okukolerwa. Aliragira bulagire, abantu mu nsi baabonerezebwa, era ababi baitibwa.

Isaia 29:19

Abawombeefu baliiramu kabiri okusagambiranga mu Musengwa Katonda, n'abaavu beesiimiranga mu Katonda oyo Omutukuvu wa Isiraeli.

Isaia 57:15

“Ninze Katonda Omutukuvu aligho ebyanda n'ebyanda, aswikiriire ebintu byonabyona. Mba mu kifo ekiri ghaigulu era ekitukuvu. Aye era mba ni mu bantu abawombeefu era abeenenia, nsobole okubaizaamu omwoyo n'eisuubi.

Isaia 61:1

Omwoyo gwa Musengwa Katonda gundiku, kuba yansiiga omuzigo, yantuma okukobera abadaazibwadaazibwa amawulire amalungi. Yantuma okugumya abaawaamu emyoyo, n'okulangirira eri abali mu bunhage nti baidha kulekulwa babe ba idembe, n'abasibe nti baidha kusibulwa mu ikomera.

Yeremia 51:59

Omugheereza wa kyabazinga Zedekia eyamulabiriranga nga tamuvaaku, baamwetanga Seraia, nga mutabane wa Neria era nga mwidhukulu wa Mahaseia. Mu mwaka ogwokuna nga Zedekia ni kyabazinga wa Buyudaaya, Seraia oyo bwe yali ng'ali kuja e Babilonia ni Zedekia oyo, nze Yeremia naabaaku bye namulagira.

Matayo 11:29

Mubbeede ekikoligo kyange, era mundhegereku kuba nze ndi muwombeefu era tyegulumiza agho emyoyo gyaimwe giribatereera

Matayo 21:5

“Mukobe abantu b'e Sioni muti: Mubone, Kyabazinga waimwe ali kwidha ye muli. Muwombeefu era ali kwidhira ku ndogoyi, atyaime ku ndogoyi ento.”

Matayo 23:26

Mufarisaayo iwe omutulu, sooka onaaze munda mu kikopo, memale onhirize ni ku ngulu.

Matayo 5:5

Ba nkabi abawombeefu, kuba baligheebwa ensi Katonda ye yasuubiza.

Luka 11:40

Abasiru imwe, eyakola ku ngulu ti n'eyakola ni munda?

Luka 16:15

Aye yaabakoba ati: “Niimwe abeerongoosa mu maiso ag'abantu aye Katonda aidhi emyoyo gyaimwe kuba abantu kye basuuta, Katonda akyenhinhala.

Ab'e Roma 1:23

Mu kifo eky'okusinza Katonda atawaagho, basinza ebifaananie eby'abantu obuntu, oba eby'enhonhi, oba eby'ensolo, oba ebyekulula.

Ab'e Roma 2:29

Aye Omuyudaaya mwene, n'Omuyudaaya munda eyafuna okukeketebwa okw'amazima okutali kwa ku ngulu ku mubiri aye okw'omu mwoyo. Omuntu ng'oyo tasiimibwa bantu aye asiimibwa Katonda.

Ab'e Roma 6:6

Twidhi ng'obulamu bwaife obw'eira bwakomererwa ghalala ni Kurisito ku musalaba, omubiri ogukola ebibi gusobole okuzikirizibwa, tulobe kwirayo kabiri kuba bairu ba kibi.

Ab'e Roma 7:22

Mu mwoyo gwange nsangaalira eiteeka lya Katonda.

2 Ab'e Korintho 10:1

Ninze Paulo mwene, abandi mu imwe ye bakoba okuba omugonvu nga ndi n'imwe, aye abakambughalira nga tiri n'imwe. Olw'obuguminkiriza n'obwikaikamu bwa Kurisito,

2 Ab'e Korintho 4:16

Kale ni tituwaamu maani. Kuba waire mu mubiri tuja nga tunafugha, mu mwoyo tuja nga twiramu amaani buli lunaku.

Ab'e Galatia 5:23

buwombeefu, na kwefuga. Ebyo biziraku iteeka libitakania.

Ab'Efeso 4:2

Mube bawombeefu, abatali ba ikabyo era abaguminkiriza. Mulage okugonzania kwaimwe, nga buli muntu aguminkiriza mwine.

Ab'e Kolosai 3:12

Kale nga bwe muli abantu ba Katonda be yalondamu era abagonzi, mubenga n'omwoyo ogw'okusaasira, ekisa, obuteekulumbaza, obugonvu n'okuguminkiriza.

Ab'e Kolosai 3:3

Kuba mwafa era obulamu bwaimwe bwagisibwa ghalala ni Kurisito mu Katonda.

1 Ab'e Thessalonika 4:11

Mufubenga okuba emiraala nga timwengiza mu bya bandi, era mufubenga okweyemerezaagho n'emikono gyaimwe nga bwe twabakoba.

2 Ab'e Thessalonika 3:12

Mu liina lya Musengwa Yesu Kurisito, abantu abali ng'oti n'abo tuli kubalagira era nga tubalamba bakolenga emirimo gyaibwe nga bwe bagwaine, beeyemerezeegho beene.

1 Timotheo 2:2

Era musabirenga abafuzi ni boonaboona abali mu buyinza, olwo tube bukalamu nga tuli miraala, nga tutya Katonda era nga twebisa bukalamu.

2 Timotheo 2:25

era agalagira abamutakania aghazira ikabyo, kuba tomanha Katonda bw'abagha kwenenia ni beiraku ni bamanha mazima.

Tito 3:2

Bakubirizenga balobenga kwogeranga ku muntu yeenayeena bubi, waire okusoolanga n'omuntu yeenayeena, aye babenga ba idembe era abazira ikabyo

Yakobo 1:21

Kale mulekeyo emize n'empisa embi dhoonadhoona, mwikirize n'obuwombeefu ekibono Katonda ky'asiga mu myoyo gyaimwe era ekisobola okubawonia.

1 Petero 1:23

Kuba mwazaalibwa omukuzi ogwokubiri. Aye ku luno timwazaalibwa muzaire oyo afa, aye mwazaalibwa oyo atafa, nga mubita mu kibono kya Katonda ekiramu era ekitawaagho.

1 Petero 3:15

aye mu myoyo gyaimwe mutyenga Kurisito nga ni Musengwa. Buli kaseera mubenga beetegefu okwiramu omuntu yeenayeena ababuuza ku kusuubira kwe muli nakwo mu imwe. Aye kino mukikolenga na idembe era na kitiisa.

1 Samueli 16:7

Aye Musengwa Katonda yaakoba Samueli ati: “Otalingirira mboneka ye oba buleeyi bwe, kuba oyo mmulobye. Musengwa Katonda tabona ng'oti n'abantu bwe babona, kuba abantu balingirira mboneka ya ku ngulu, aye Musengwa Katonda alingirira mwoyo.”