1 Petero 3:3 - Baibuli Ekibono kya Katonda 2014

³ Obulungi bwaimwe bulobe kubanga ku bya ku ngulu, nga mulanga enviiri, nga mwetimbatimba ebya zaabu, n'okuvaala ebivaalo ebyamadholobera.

1 Petero 3:3 Iomraidhean Croise

Amainhama 24:22

Engamiya bwe dhaamala okunhwa, omusaadha yaatoolayo empeta eya zaabu ey'omughendo einho, n'obukomo bubiri obwa zaabu obw'omughendo omungi obw'okuvaala ku mikono.

Amainhama 24:47

Naamubuuza nti, ‘Oli mughala w'ani?’ Yairamu ati, ‘Ndi mughala wa Bethueli mutabane wa Nahori ni mukazi we Milika.’ Kale naamuta empeta ku nhindo, n'obukomo ku mikono.

Amainhama 24:53

Agho yaatoolayo ebintu ebyakolebwa mu feeza ni mu zaabu, yaatoolayo n'ebivaalo, yaabigha Rebekka. Era yaagha mwanhina Rebekka ni mukaire we ebirabo eby'omughendo einho.

2 Bakyabazinga 9:30

Agho Yehu yatuuka mu Yezireeli. Yezebeli yaategeera ebibairegho, yeetonatona amaiso era yaawoomya enviiri ku mutwe gwe, yaalingirira kuliya ng'ali mu idinisa.

Zabbuli 45:9

Abandi ku bakazi ab'ebitiisa abali mu luya lwo, baana ba bakyabazinga, ku luuyi lw'omukono gwo omusaadha n'aghali inhebantu, ng'avaire ebya zaabu ole mwene ava mu Ofiri.

Okuvaayo 3:22

Kiisi mukazi Muisiraeli alisaba muliraanwa we Omumisiri, na kiisi mukazi aliba ng'asula mu ndhu eyo, baamugha ebintu ebyakolebwa mu feeza, ni mu zaabu, era n'ebivaalo. Ebintu ebyo mulibitwika batabane baimwe ni baghala baimwe. Mu nsambo ng'oti n'eyo, mulitwala eby'obukombe eby'Abamisiri mu magezi.”

Okuvaayo 32:2

Agho Aaroni n'okubakoba ati: “Kale mutoole ku matu ga bakazi baimwe, ni ku ga batabane baimwe, ni ku ga baghala baimwe, empeta edha zaabu mudhindeetere.”

Okuvaayo 33:4

Abantu bwe baawulira amawulire ago amabi baatoolera okulira, era baaloba kuvaala byamadholobera byaibwe;

Okuvaayo 35:22

Abasaadha n'abakazi baidha beene nga benda aghazira kukakibwa, baaleeta ebintu bya zaabu bye batunga ku ngoye, empeta edh'oku matu, ebinhere eby'omu nkoto, n'ebyamadholobera ebindi ebya zaabu. Buli muntu eyaghangayo, ng'aghaayo ekintu kya zaabu eri Musengwa Katonda.

Okuvaayo 38:8

Yaakola ekyogero n'ekityamo kyakyo mu kyuma eky'ekikomo. Ekikomo ekyo, kyava mu mbonerwamu edh'abakazi abaagheerezanga ku mulyango ogw'Eweema ey'Okwagaananirangamu ni Musengwa Katonda.

Isaia 52:1

Iwe Sioni situka, situka oiremu obe wa maani. Iwe Yerusalemu ekibuga ekitukuvu, vaala ebivaalo byo ebiboneka obulungi; kuba bale abatatya Katonda n'abatali balongoofu tibakairayo kwingira mu iwe.

Isaia 61:10

Ekibuga Yerusalemu kikoba kiti: “Ndisagamba inho olwa Musengwa Katonda era naasangaala olwa Katonda wange oyo; kuba anvaaziiza obulokozi n'obutuufu ng'oti bivaalo. Ndi ng'oti n'omugole omusaadha ye bavaaziiza engule ku mutwe, era ng'oti n'omugole omukazi ye badholiige n'ebyamadholobera.”

Yeremia 2:32

Omughala asobola okwerabira ebyamadholobera bye by'avaala? Oba omugole okwerabira ebivaalo bye eby'obugole? Aye abantu bange baneerabiire enaku kamaala edhitabalika!

Yeremia 4:30

Iwe Yerusalemu ye balekuliire obwagho, obwo bwene okuvaala ebivaalo eby'ebitiibwa ebya kasaayisaayi oba otegeeza ki, era n'okuvaala amadholobera aga zaabu oba otegeeza ki? Lwaki osiiga amaiso go langi okugalungiya? Weewoomeza bwereere! Abo be weegonzanga nabo buti bakunhooma bunhoome, era benda na kukwita.

Ezekieli 23:40

“Era baatumanga n'abakwenda baaja mu biketezo eby'eghala baayetayo abasaadha, era abasaadha baidhanga. Olwo ng'aboluganda abo bombi banaaba, nga basiiga amaiso gaibwe kalaamu, era nga beewoomya n'ebyamadholobera.

Ab'e Roma 12:2

Muteebisanga ng'abantu ab'ensi eno bwe beebisa, aye mukyuse ebirowoozo byaimwe musobolenga okumanha ebyo Katonda by'ayenda ebikalamu, ebiikirizibwa era ebituufu.

1 Petero 3:2

Kuba baja kubona empisa dhaimwe enkalamu edhibagheesa ekitiisa.