1 Petero 2:8 - Baibuli Ekibono kya Katonda 2014

⁸ Era biti: “Lino n'eibaale abantu kwe beekontola ni bagangalima, olubaale lwe beeguunhaku ni bagwa.” Bagangalima kuba tibaikiriza kibono, kye kikoba era atyo Katonda bwe yabategekera.

1 Petero 2:8 Iomraidhean Croise

Yobu 23:14

Aidha kutuukiriza ekyo ky'antegekeire, era ali n'ebindi kamaala ebiri ng'oti n'ekyo by'ategeike.

Okuvaayo 9:16

Aye ekyakulesaagho ng'oli mulamu lwa kwenda nkwoleke amaani gange, eriina lyange lisaakibwe mu nsi yoonayoona.

Isaia 37:26

Towulirangaku ng'ebyo byonabyona nabitegeka ira nga byakubaagho? Ebyo bye ndeeteire okubaagho mpegaano, nabyekoota ira mu biseera ebyabita. Kyewava n'ozikiriza ebibuga ebyezungulwirwa ebimante ebigumu, ni bifuuka bwa mmungo ya bimunku.

Isaia 57:14

Musengwa Katonda era akoba ati: “Muteegho oluguudo, muteegho oluguudo mangu, mutegeke abantu bange ghe banaabita. Mutoole ebitimuguunha byonabyona mu ngira y'abantu bange.

Isaia 8:14

Ninze ekifo ekitukuvu mwe muliwonera. Aye ab'omu bwakyabazinga bwombi, obwa Isiraeli n'obwa Buyudaaya, nga kw'otaire n'abatyamye b'omu Yerusalemu, ndibafuukira eibaale kwe beekontola n'ekitimuguunha kwe beeguunha ni bagwa, era naabafuukira olutuula olubagemya.

Luka 2:34

Simeoni yaabasabira enkabi, ate yaakoba Maria inhina ati: “Ono omwana ateereibwagho olw'okuzikirira n'okuzuukira okw'abangi mu Isiraeli, era abe akamanhiso ak'okutakania.

Ab'e Roma 9:22

N'ekyo Katonda kye yakola kifaananaku ni kino. Yayenda okwoleka obusungu bwe n'okumanhisa obukumu bwe. Kyeyava n'aguminkiriza einho abo be yasungughalira abaali bateegereire okuzikirira.

1 Ab'e Korintho 1:23

Aye ife tubakobera ku Kurisito ye baakomerera, eyafuuka ekitimuguunha eri Abayudaaya, ate ekizira makulu eri abamaghanga agandi.

2 Ab'e Korintho 2:16

Eri abo ab'okuzikirira tuli kivundu ekiita, aye eri abo ab'okulokolebwa tuli kawoowo akaleeta obulamu. Kale naani asobola omulimo oti ni guno?

Ab'e Galatia 5:11

Aye aboluganda, oba nga mu kwegeresa kwange nkaakoba abantu okukeketebwa, lwaki bakankiriga? Era nguli ekyo kityo bwekiri, nguli bye ndhegeresa ku musalaba tibikaali kitimuguunha.

1 Ab'e Thessalonika 5:9

Kuba Katonda tiyatutaagho kutumaliraku kiruyi kye; yatutaagho kulokolwa nga tubita mu Musengwa waife Yesu Kurisito.

1 Petero 2:6

Kuba ebyaghandiikibwa bikoba biti: “Bona, ndi kuta mu Sioni eibaale, eibaale ery'oku nsonda lye nalonda era ery'omughendo einho, era oyo amwikiriza taliswazibwa.”

1 Petero 2:7

Kyava n'aba ow'omughendo einho ye imwe abamwikiriza, aye y'abo abatamwikiriza, ebyaghandiikibwa bikoba biti: “Eibaale abazimbi lye baasuula bati lizira mugaso, n'eryafuuka empango ey'omusingi mu nsonda.”

2 Petero 2:3

Era olw'amairu gaibwe ag'okufuna, balifuna mu imwe amagoba nga bakozesa ebibono eby'obuguya. Katonda yamala ira okubasalira omusango, era aja kubazikiriza nga bwe yategeka.

Yuda 1:4

Kuba ghaligho abantu abatatya Katonda era abaatonderwa okusingibwa omusango, abeibirira ni batweyimbamu. Abantu abo bakiidhamya obukwenda obw'ekisa kya Katonda nga benda bwisanie n'obudankaanu bwaibwe. Era beegaana Yesu Kurisito Omukulu waife era Musengwa waife yenka ati.