1 Petero 2:25 - Baibuli Ekibono kya Katonda 2014

²⁵ Mwali ng'oti n'entaama edhibuze, aye mperaano mwiziibwa y'Omwayi era Omukuumi w'emyoyo gyaimwe.

1 Petero 2:25 Iomraidhean Croise

Zabbuli 119:176

Nadaaliima ng'oti n'entaama eyabula, nkusaba onnoonie ye ndi kuba tyerabiranga biragiro byo.

Zabbuli 80:1

Wo Katonda tukusaba otuwulirise, iwe alabirira abantu ba Isiraeli ng'oti n'omwayi ow'entaama, era n'okuuma aba Yosefu ng'oti byayo byo. Iwe ali ku kityamo kyo eky'obwakyabazinga ekiri ku bitonde eby'amaghagha ebyetebwa bikerubi,

Isaia 13:14

Olunaku olwo bwe lulituuka, abasenze abaliba mu Babiloni balirumuka okwirayo ewaibwe, ng'oti n'empuli dhe bali kuyiiga, era baasansaana ng'oti n'entaama edhiziraku mwayi, buli muntu yaira mu bantu be.

Isaia 40:11

Aidha kulabirira entaama dhe ng'oti n'omwayi bw'akola: asoloze edhikaali ento adhibbeedere mu kifuba, ate enzaire edhiyonsa adhitambuze mpola n'obwegendereza.

Isaia 53:5

Aye olw'ensobi dhaife baamufumita baamutaaku ebibwa, era olw'ebibi byaife baamunuubulanuubula. Baamudaazadaaza ife tuwonezebwe, era baamukuba emiigo ife tube abalamu.

Isaia 53:6

Ife twenatwena twabula ng'oti ntaama, buli muntu yaagema njira ye. Aye Musengwa Katonda yaatoola ekibonerezo ekyali kitugwaniire olw'ebibi byaife, yaakita ku mugheereza we oyo.

Yeremia 23:2

Kale ni, Musengwa Katonda, Katonda wa Isiraeli bino by'akoba ebigema ku bakulembeze abalabirira abantu be, ati: “Imwe timwafaayo naire kulabirira bantu bange. Mwababinga era mwabasansaania. Aye bona eno, nze ndidha kufaayo inho okubona nga imwe mbabonereza olw'ebibi bye mwakola.

Ezekieli 34:6

Entaama dhange edho dhaaja nga dhitambulatambula eyo dhityo, ku nsozi enene ni ku busozi obutono. Dhaasansaanira mu nsi yoonayoona aghazira adhinonerezaaku oba adhinooniaku.

Ezekieli 37:24

Kyabazinga ali ng'oti n'omugheereza wange Daudi, n'aja okubafuganga boonaboona, nga bali ng'oti ntaama edhiriku omwayi omulala. Baidha kukuumanga ebiragiro byange era bajiirenga ku mateeka gange.

Zekaria 13:7

Musengwa Katonda Afuga Amagye akoba ati: “Iwe empiima yange situkiramu, ja olumbe omwayi wange andhayira entaama. Ita omwayi oyo entaama dhisansaane. Nze mwene ndirumba abantu bange.

Matayo 18:12

“Imwe mukibona mutya? Omuntu bw'aba n'entaama dhe ekikumi, memale endala n'ebula, taleka kyenda na mwenda eyo ku nsozi, n'aja n'ayagala eyo ebuze?

Matayo 9:36

Bwe yabona abantu kamaala batyo, yaabagemerwa ekisa, kuba baali beinhamiire era nga babundaire ng'oti n'entaama edhiziraku mwayi.

Ebikolwa by'Abatume 20:28

Mwekuume imwe beene, mukuume n'abantu boonaboona Mwoyo Mutukuvu be yabagemya. Mulabirirenga Ekikunsu ky'Abaikiriza mu Kurisito, Katonda kye yeefunira olw'okufa kw'Omwana we.

Abaheburayi 13:20

Nsaba Katonda ow'emiraala, eyazuukiza Musengwa waife Yesu, eyafuuka Omwayi w'entaama omukulu, olw'okuyugha omusaayi gwe ogwataagho endagaano etawaagho,

Abaheburayi 3:1

Kale ni aboluganda abatukuvu, nga mwena bwemwayetebwa n'okwetebwa okuva mu igulu, mulowooze ku Yesu omutume era Omukulu wa Bakabona mu kwikiriza kwaife.

Abaheburayi 5:2

Asobola okugema empola abo abadaaliima olw'obutamanha, kuba yeena mwene munafu mu bintu kamaala.

1 Petero 3:20

Egyo n'emyoyo egy'abo abaaloba okuwulira Katonda eyabaguminkiriza mu biseera Noa bye yazimbiramu eryato. Mu lyato omwo n'omwawonera abantu abatono bati omunaana, abaawonagho mu maadhi.

1 Petero 5:4

Olwo omwayi omukulu mwene bw'aliboneka, mulifuna engule ey'ekitiisa etawaagho.