1 Petero 2:23 - Baibuli Ekibono kya Katonda 2014

²³ Bwe yavumibwa, mwene tiyavuma. Bwe yadaazibwadaazibwa, tiyeesoomera abo abaamudaazadaaza. Aye yata obwesige mu Katonda oyo asala omusango nga tasaliriza.

1 Petero 2:23 Iomraidhean Croise

Amainhama 18:25

Ekyo tikikoleka! Okwitira abantu abatuufu ghalala n'aboonooni olwo abatuufu ni baba nga baagayaga n'aboonooni! Ekyo tikikoleka! Omulamuzi ow'ensi yoonayoona ali n'okusala omusango mu butuufu.”

Zabbuli 10:14

Aye iwe obona, yii, weetegereza abali mu buzibu n'abadaazibwadaazibwa, era weetegeike okukozesa omukono gwo ogw'amaani. Oyo azira amubeera yeeta mu ngalo dho, kuba buliidho niiwe obeera abaghafu.

Zabbuli 31:5

Ntaire obulamu bwange mu ngalo dho, kuba onnunwire, niiwe Musengwa Katonda omwesigwa.

Zabbuli 37:5

Eneebisa yo gigemye Musengwa Katonda, omwesige aidha kukubeera.

Zabbuli 7:11

Katonda asala omusango mu butuufu, era abakozi b'ebibi abasalira omusango okubasinga.

Zabbuli 96:13

byonabyona nga biri mu maiso ga Musengwa Katonda ali kwidha. Aidha kusalira ensi omusango mu butuufu, ni mu mazima nga tasaliriza.

Isaia 53:7

Baamudaazadaaza era baamukiriga, aye yaaba mugonvu yaakigumira, yaaloba waire okubumbula omunwa. Yaaba ng'oti n'entaama ye batwala okwita, era ng'oti n'entaama ye basalaku ebiviiri, n'etaliraku naire. Tiyabumbula munwa naire.

Luka 23:41

Ife tuli kusasulwa olw'ebyo bye twakola, aye mwene azira kibi kye yaali akoze.”

Luka 23:46

Yesu yaaleekaana ati: “Lata, nta omwoyo gwange mu ngalo dho!” Bwe yamala okwogera atyo yaisa omuuka ogusembayo.

Luka 23:9

Kale yaamubuuza ebibuuzo kamaala inho aye yaaloba kwiramu.

Ebikolwa by'Abatume 17:31

kuba yataagho olunaku, lw'aja okusaliraku ensi yoonayoona omusango mu mazima ng'abita mu muntu ye yalonda, era kino yakikakasa abantu boonaboona bwe yazuukiza omuntu oyo.”

Ebikolwa by'Abatume 4:29

Mperaano ni, Musengwa, bona okutiisatiisa kwaibwe, era gha abagheereza bo okwogera ekibono kyo n'obugumu bwonabwona.

Ebikolwa by'Abatume 7:59

Bwe baali nga bamukuba amabaale, Sitefano yaasaba ati: “Musengwa Yesu, twala omwoyo gwange.”

Ebikolwa by'Abatume 9:1

Aye Saulo yali ng'ali kutuubatuuba n'obusungu obw'okwita abeegeresebwa ba Musengwa. Yaaja ew'Omukulu wa Bakabona,

Ab'e Roma 2:5

Aye nga bw'oli n'omwoyo omukalangufu ogutenda kwenenia, weereeteire mwene omusango n'obukambwe ku lunaku Katonda lw'aliragiraku obusungu bwe, nga asala omusango aghazira kusaliriza.

Ab'Efeso 6:9

N'imwe basengwa b'abairu, mwena mubisenga mutyo abairu baimwe, nga timubeesoomera. Mumanhe muti oyo Musengwa waibwe era owaimwe, ali mu igulu era oyo tasaliriza.

2 Ab'e Thessalonika 1:5

Kino kyoleka nga Katonda bw'asalira abantu omusango mu butuufu. Ng'era olumaliira muligwanira okuba mu Bwakyabazinga bwa Katonda bwe muli kudaagirira.

2 Timotheo 1:12

era kyenva ni ndaagadaaga nti. Aye ekyo tikingemya nsoni kuba ndidhi bukalamu oyo ye naikiriza, era nkakasa nti asobola bukalamu okukuuma ekyo kye yanteresa okutuusa ku lunaku lule.

2 Timotheo 4:8

Era mperaano Katonda ambiikiire eyo obutuufu ng'ekirabo eky'obughanguzi, Musengwa era omulamuzi omutuufu ky'alimpa ku Lunaku lule. Taligha nze zenka aye aligha abo boonaboona abeesunga okwira kwe.

Abaheburayi 12:3

Mwidhukire bwe yagumira okutakana n'obukyayi obw'aboonooni, olwo mulobenga kuwaamu maani;

1 Petero 3:9

Timwesasuuzanga nga mukoleibwa ekibi, oba okuvuma nga muvumiibwa, aye mubasabirenga bwa nkabi kuba kino Katonda kye yabeetera, olwo mufune enkabi.

1 Petero 4:19

Kale ni abo abadaazibwadaazibwa nga Katonda bw'ayenda bakolenga bukalamu, bagemye Omutonzi waibwe oyo omwesigwa emyoyo gyaibwe.

Okwolekebwa 19:11

Agho naabona eigulu nga liigule, era okuja okulinga nti nga mbona embalaasi endheru! Eyali ali kugivuga nga ayetebwa Mwesigwa, Owamazima, asala emisango era n'alwana entalo mu butuufu.