1 Petero 2:21 - Baibuli Ekibono kya Katonda 2014

²¹ Ekyo kye mwayeterwa. Kuba Kurisito yeena yadaazibwadaazibwa ku lwaimwe, yaabalekera eky'okuboneraku kye mube mujiireku.

1 Petero 2:21 Iomraidhean Croise

Zabbuli 85:13

Obutuufu bwa Musengwa Katonda bumukulemberamu, bwaja nga bukubira ebigere bye engira.

Matayo 10:38

Oyo atabbeeda musalaba gwe n'annonereza, tangwanira.

Matayo 11:29

Mubbeede ekikoligo kyange, era mundhegereku kuba nze ndi muwombeefu era tyegulumiza agho emyoyo gyaimwe giribatereera

Matayo 16:24

Agho Yesu yaakoba Abeegeresebwa be ati: “Oba nga ghaligho ayenda okuunonereza, alobe kwefaaku naire, abbeede omusalaba gwe annonereze

Luka 24:26

Tikyali nti bino byali biri n'okutuuka ku Kurisito memale atuuke mu kitiisa kye?”

Yoanne 13:15

Kuba mbaghaire eky'okuboneraku, mwena mughange okukola nga nze bwe mbakoze.

Yoanne 16:33

Bino mbibakobeire mube miraala mu nze. Mu nsi muno mwidha kufuna ebizibu aye mugumenga, nze mpangwire ensi.”

Ebikolwa by'Abatume 14:22

Baagumya emyoyo gy'abeegeresebwa era nga babasikirira okunhweza okwikiriza, nga babakoba bati: “Tuli n'okubita mu bizibu kyodo okwingira mu Bwakyabazinga bwa Katonda.”

Ebikolwa by'Abatume 17:3

Yainhonholanga era yaalaga nga Kurisito bwe yali ateekwa okudaazibwadaazibwa era n'okuzuukira. Era yaabakoba ati: “Yesu ono ye mbakobera, ni Kurisito.”

Ebikolwa by'Abatume 9:16

Era ndimwoleka nga bw'aja okudaagadaaga einho ku lwange.”

Ab'e Roma 8:29

Kuba abo be yalonda yabaawula era yaabategeka okufaanana Omwana we, Omwana we oyo abe omuberi mu baganda be kamaala.

1 Ab'e Korintho 11:1

Mukolenga nga nze, era nga zeena bwe nkola nga Kurisito bye yakola.

Ab'Efeso 5:2

Era mugonzanienga nga Kurisito bwe yatugonza ni yeeghaayo ye Katonda ku lwaife ng'ekigheebwayo era ng'omusengo oguwunha akawoowo.

Ab'e Filippi 2:5

Mube n'omwoyo ng'oti ni Kurisito Yesu gwe yali nagwo:

1 Ab'e Thessalonika 3:3

ghalobe kubaagho awaamu maani olw'okukirigibwa. Mukiidhi bukalamu ng'ebyo bye tuli n'okubitamu.

1 Ab'e Thessalonika 4:2

kuba mwidhi bye twabagalagira ku lwa Musengwa Yesu.

2 Timotheo 3:12

Bwenebwene kyo kiri nti kiisi ayenda okuba mu bulamu obutya Katonda mu Kurisito Yesu wa kukirigibwa,

Abaheburayi 2:10

Kuba kyali kituufu Katonda eyatonda ebintu byonabyona era n'abibeesaagho, okuleeta abaana be kamaala mu kitiisa. Kye yava n'abona nga kigwaine oyo abakulembera okubatuusa ku bulokozi okumufuula atuukiriire, ng'amubisa mu kudaazibwadaazibwa.

1 Petero 1:20

Kurisito oyo yalondebwa nga n'ensi ekaali kutondebwa, aye yaaboneka mu biseera bino ebisembayo ku lwaimwe.

1 Petero 2:24

Yaganha okwetwika ebibi byaife ng'akomererwa ku musalaba, tube abafu eri ekibi, aye tube balamu eri obutuufu. Okudaazibwadaazibwa kwe n'okwabawonia imwe.

1 Petero 3:18

kuba ni Kurisito atyo bwe yafa olw'ebibi byaife omukuzi mulala guti era yaamala. Oyo aziraku kibi yaafiirira aboonooni, olwo atutuuse ye Katonda. Yaitibwa mu mubiri aye yairizibwa obulamu mu mwoyo.

1 Petero 3:9

Timwesasuuzanga nga mukoleibwa ekibi, oba okuvuma nga muvumiibwa, aye mubasabirenga bwa nkabi kuba kino Katonda kye yabeetera, olwo mufune enkabi.

1 Petero 4:1

Nga Kurisito bwe yadaazibwadaazibwa mu mubiri, mwena mwekuume n'ekyo mu myoyo gyaimwe mubenga beetegefu okudaazibwadaazibwa, kuba kiisi adaazibwadaazibwa mu mubiri aba takaafugibwa kibi.

1 Petero 4:13

Aye musangaale era musagambe olw'okubona nga mudaazibwadaazibwa ng'oti ni Kurisito, olwo mwidhule eisanhu, ekitiisa kye lwe kiriboneka.

1 Yoanne 2:6

Oyo akoba ati ali mu Kurisito awoomye okwebisa ng'oti ni Kurisito bwe yeebisa.

1 Yoanne 3:16

Ku kino kwe tumanhira okugonza. Nga Kurisito bwe yaghaayo obulamu bwe ku lwaife, twena tugwaine okughaayo obulamu bwaife ku lwa baganda baife.

Okwolekebwa 12:11

Abo baamughangula n'omusaayi ogw'Entaama Ento n'olwamazima ge badhulira, obulamu bwaibwe baaloba kubufaaku waire okutya okufa.