1 Petero 2:12 - Baibuli Ekibono kya Katonda 2014

¹² Mwebisenga bukalamu nga muli mu bamaghanga agandi. Olwo balobe kuboogeraku bati muli bakozi ba bibi, aye babone nga bye mukola bikalamu era basaake Katonda ku lunaku lw'aliidha.

1 Petero 2:12 Iomraidhean Croise

Zabbuli 37:14

Ababi basowolayo empiima dhaibwe, era baadhuumuula obulaso bwaibwe okusuula abanaku n'abaavu, n'okwita abo abagondera ebiragiro bya Katonda.

Zabbuli 50:23

Ole bw'asiima, aba aghaireyo omusengo ogumpeesa ekitiisa, era nja kulokola oyo atambulira mu ngira entuufu.”

Isaia 10:3

Mulikola mutya ku lunaku Musengwa Katonda lw'alibabonerezaaku, n'abatuusaaku akabi akaliva mu nsi ey'eghala? Mulirumukira y'ani okubayamba? Era mulikweka gha obukombe bwaimwe?

Danieli 6:4

Bakungu baine bale ab'oku ntwiko ababiri, ghalala n'abafuzi ab'amasaza, baanoonia bazuuleyo ekintu eky'okwemuluguunhia ku Danieli ku bigemagana n'obwakyabazinga. Aye baalemwa okufuna kye banaavaaku okumwemuluguunhiaku, kuba yali mwesigwa, ng'azira nsobi y'akola waire okuba n'ekikyamu ky'akola.

Matayo 10:25

Kimala ayegeresebwa okuba ng'omwegeresa we, n'omugheereza okuba nga Musengwa we. Kale oba nga mwenemu bamweta Beelezebulu, memale leero balyaza gha okubiiya ab'omu maka ge!

Matayo 5:11

“Muli ba nkabi bwe banaabavumanga, ni babakiriga, era ni baboogeraku buli kibi kyonakyona olw'okuba nze, nga basubagha.

Matayo 5:16

Ekimulika kyaimwe kyakire abantu kityo, babone ebikolwa byaimwe ebikalamu, baghe Iseimwe ow'omu igulu ekitiisa.

Matayo 9:8

Abantu bwe baabona, baatya era baagha Katonda ekitiisa eyagha abantu obukumu obwaga agho.

Luka 1:68

“Musengwa Katonda wa Isiraeli asaakibwe, kuba akyaliire abantu be era yaabanunula.

Luka 19:44

Balikusaaniagho iwe n'abantu bo abakulimu era tibalireka ibaale ku liinaalyo kuba tiwamanha lunaku lwa kukukyalira.”

Luka 6:22

“Muli ba nkabi abantu bwe banaabakyaghanga, bwe banaabeeyawulangaku, bwe banaabavumanga, bwe baneenhinhalanga eriina lyaimwe bati ibi, nga babalanga Omwana ow'Omuntu.

Yoanne 13:31

Yuda bwe yamala okufuluma, Yesu yaakoba ati: “Mperaano Omwana w'Omuntu agheereibwa ekitiisa era mu oyo Katonda agheereibwa ekitiisa.

Ebikolwa by'Abatume 15:14

Simoni ainhonhoire nga Katonda bwe yasooka okwoleka ng'alumirwa abamaghanga agandi, yaabalondamu abantu ab'okuba ababe.

Ebikolwa by'Abatume 24:13

Waire ni mperaano, tibaghanga kukugha bukakafu bw'ebyo bye bampaghabira.

Ebikolwa by'Abatume 25:7

Bwe baamuleeta, Abayudaaya abaava e Yerusalemu baamwezungulula, baamutaaku emisango eminene kamaala egiziraku budhulizi.

Ebikolwa by'Abatume 28:22

Aye twandyenze okumanha iwe ky'odhuuba ku kikunsu ekyo, kuba twidhi nga kiisi ghantu woonawoona, bakitakania.”

Ab'e Roma 12:17

Mutasasulanga kibi na kibi, aye mukolenga ekyo abantu kye babona nga kikalamu.

Ab'e Roma 13:13

Twebise bukalamu ng'abaana abali mu butangaavu. Tutaja mu binhumo ni mu kutamiira waire mu bwenzi, oba obukaba. Tutasoola oba okuba n'ensaalwa.

Ab'e Roma 14:18

Kiisi agheereza Kurisito atyo, asanhusa ni Katonda, era n'abantu bamusiima.

Ab'e Roma 15:9

era abamaghanga agandi basobole okusaaka Katonda olw'okusaasira kwe. Nga bwe kyaghandiikibwa kiti: “Kale ni nnaakwebazanga mu bamaghanga agandi; nnaayemba nga nsaaka eriina lyo.”

1 Ab'e Korintho 14:25

Ebyo by'adhuuba mu mwoyo gwe eby'engiso byerulwa, yaakuba amakiryaivu, yaasinza Katonda ng'akoba ati: “Bwenebwene Katonda ali mu imwe.”

2 Ab'e Korintho 1:12

Ensonga etwesiimisa n'eno nti munda mule twekakasa nga mu nsi muno, n'okusingira irala mu imwe, twebisiiza bukalamu mu mazima ni mu butuukirivu, ti lwa magezi ga bantu aye lwa kisa kya Katonda.

2 Ab'e Korintho 13:7

Aye tusaba Katonda mulobe kukola kikyamu, ti lwa kwoleka nga bwe tutaagwa, lwe twalebwa, aye mukole ekituufu, ni bwe tuba nga tunaaboneka ng'abaagwa.

2 Ab'e Korintho 8:21

Ekiruubirirwa kyaife n'okukola ekituufu, ti mu maiso ga Katonda gonka aye ni mu maiso g'abantu.

Ab'Efeso 2:3

N'ife twenatwena twebisanga oti n'abo, mu kwegomba okw'omubiri nga tujiira ku kwenda okw'omubiri n'omwoyo, era okufaanana abantu boonaboona nga tuteekwa okubonerezebwa Katonda.

Ab'Efeso 4:22

Kale mwesambe obulamu obw'eira bwe mwalimu, obwayoneka n'okwegomba kwabwo okuguya.

Ab'e Filippi 1:27

Ekikulu kiri nti mu bulamu bwaimwe mwebise nga bwe kigwaniire ababunia Amawulire Amalungi aga Kurisito. Agho ni oba ndidha okubabona oba tiidha, mbe nga mpulira nti mwekalangwire, muli muntu mulala, era nga kye munuyirira kiri kirala okulwanirira okwikiriza Amawulire Amalungi

Ab'e Filippi 4:8

Ekisembayo, aboluganda, ebidhuubo byaimwe mubite ku bintu ebikalamu era ebigwaine okusaakibwa bino: ebituufu, ebigwaine okugheebwa ekitiisa, ebigwaine okukolebwa, ebitukuvu, ebigonzebwa era ebyegombebwa.

1 Ab'e Thessalonika 4:12

Olwo abatali baikiriza balibataamu ekinhagansi, era timulyetaaga muntu yeenayeena kubeemerezaagho.

1 Timotheo 2:2

Era musabirenga abafuzi ni boonaboona abali mu buyinza, olwo tube bukalamu nga tuli miraala, nga tutya Katonda era nga twebisa bukalamu.

1 Timotheo 4:12

Ole atakufuginkirizanga lwa buto bwo, aye oba nga kya kuboneraku eri abaikiriza, mu ndhogera, mu kwebisa, mu kugonza, mu kwikiriza, ni mu bwamufu.

1 Timotheo 5:10

Namwandu oyo ateekwa okuba nga amanhiibwa olw'ebikolwa ebikalamu: nga yakuza bukalamu abaana be, nga yasangaaliranga abageni, nga yanaazanga ebigere eby'abantu ba Katonda, nga yayambanga abali mu buzibu, era nga yeeghaayo inho okukola obukalamu mu buli nsambo.

Abaheburayi 13:18

Mutusabirenga, kuba tukakasa nga tuli n'omwoyo omunaabuufu era nga twenda okukola obukalamu mu buli kintu.

Abaheburayi 13:5

Mulobenga kugonza mpiiya, aye bye muli nabyo bibamalenga. Katonda yakoba ati: “Tirikuvaaku naire era tirikulekulira agho naire.”

Yakobo 3:13

Ghaligho mu imwe ali n'amagezi n'okumanha? Kale akakase ekyo nga yeebisa bukalamu mu bulamu bwe, mu bikolwa ebikalamu eby'okwewombeeka n'amagezi.

1 Petero 2:15

Katonda ayenda inho musirise obutamanha obw'abasiru, nga mukola ebikalamu.

1 Petero 3:16

Mubenga baamufu mu myoyo gyaimwe, olwo muswazenga abo ababavuma n'ababoogeraku obubi ku mpisa dhaimwe enkalamu edh'Obukurisito.

1 Petero 4:11

Oyo akobera abantu ekibono kya Katonda, akobere irala ekibono ekyo Katonda ky'amugha; oyo agheereza, agheerezenga n'amaani Katonda g'amugha. Olwo Katonda agheebwe ekitiisa mu byonabyona ku lwa Yesu Kurisito mwene kitiisa, n'obukumu, ebyanda n'ebyanda. Amiina.

2 Petero 3:11

Oba nga ebintu bino bija kuzikirizibwa bityo, imwe mugwaine kuba mutya? Mugwaine kuba batukuvu era abatya Katonda mu bulamu bwaimwe.

Ruthi 3:14

Kale yaalambaala agho gha bigere bya Boazi, aye yasitukagho mangu nga bukaali kukyera irala, muntu kughanga kwetegereza mwine kuba Boazi tiyayenda bamanhe nga Ruthi yajaaku ghe bakubira sayiri.