1 Petero 1:7 - Baibuli Ekibono kya Katonda 2014

⁷ Bino birigho lwa kukakasa ng'okwikiriza kwaimwe kwa mazima. Oba nga ni zaabu ow'ekiseera obuseera ateebwa mu muliro yaakenenulwa, n'okwikiriza kwona okw'omughendo okusinga ni zaabu, kuteekwa okulebwa n'okukakasibwa. Olwo ni mwasaakibwa, mwagheebwa ekitiisa n'ekinhagansi ku lunaku Yesu Kurisito lw'alibonekeraku.

1 Petero 1:7 Iomraidhean Croise

Yobu 23:10

Aye mwene aidhi engira ye ngema. Bw'alimala okundeba, alindhagaana nga ndi mutukuvu ng'oti ni zaabu omukenenule.

Yobu 28:1

“Bwenebwene eriyo ekirombe omusimibwa feeza, yaabaayo n'ekifo ye bakenenulira zaabu.

Zabbuli 17:3

Oidhi omwoyo gwange, oidha waagukyalira obwire, waaneekebeedha wankenenula, aye ghaabula ekibi ky'ondhagaanamu. Tyogera bya buguya

Ensambo 16:16

Okuba n'amagezi kuwula okuba ni zaabu, era ole okulondagho okuba omutegeevu kiwula okulondagho feeza.

Ensambo 17:3

Omuliro n'ogukozesebwa okukenenula feeza ni zaabu okubona obulungi bwabyo, aye Musengwa Katonda n'aleba emyoyo gy'abantu okubona obutukuvu bwagyo.

Ensambo 8:19

Bye ngaba biwula zaabu, ni bw'aba omulungi einho, era byawula ni feeza omukenenule.

Omulangirizi 5:14

aye eby'obukombe ebyo yaabifiirwa bubi inho, yaaloba kusigazaagho kantu ate ng'aliku abaana.

Isaia 48:10

Mubone eno, nabaleba nga mbabisa mu kudaazibwadaazibwa, ng'oti ni feeza bwe bamukenenula mu muliro. Era naakizuula nga ghazira kye mugasa.

Yeremia 48:36

“Kyenva ni ndira amaziga olw'abantu ab'e Moabu, era naalira olw'abantu ab'e Kiriheresi, nga ndi ng'oti n'ole afuuwa olwembo olw'enaku ku ndere. Ndira, kuba buli kintu kye baali nakyo kizikiriire.

Yeremia 9:7

Kale ni Musengwa Katonda oyo Afuga Amagye akoba ati: “Bona eno, ndidha kubasaanuusa ng'omuntu bw'asaanuusa ekyuma, era mbeekebeedhe; kuba nzira kindi kya kukolera bantu bange abo.

Zekaria 13:9

Era abo abaliba mu kitundu ekyo ekirala ndibatukuza ng'oti ni feeza bwe bamukenenula mu muliro, era naabagezesa ng'oti ni zaabu bwe bamugezesa. Balinsaba, era zeena naabairamu. Ndibeeta bantu bange, era boona bandheta Katonda waibwe.”

Malaki 3:3

Alityama okusala omusango ng'omufumbi w'ebyuma bw'akenenula feeza. Alisengeedha bakabona baidhukulu ba Levi yaabakenenula, ng'ole bw'akenenula zaabu ni feeza, okutuusa lwe balitoolera okughaayo ebigheebwayo ebituufu eri Musengwa Katonda.

Okubala 5:28

Aye bw'anaabanga nga tiyeeyonoona era nga mulongoofu, amaadhi ago tigaamukolenga kabi koonakoona, era aidha kusobolanga okuzaala abaana.

Matayo 19:28

Yesu yaabakoba ati: “Bwenebwene ka mbakobere mu kiseera eky'okwiza byonabyona obuyaaka, ng'Omwana w'Omuntu atyaime ku kityamo kye eky'ekitiisa, imwe abaanonereza mwena mulityama ku bityamo ikumi n'abiri mwafuga ebika eikumi n'ebibiri ebya Isiraeli.

Matayo 25:21

Musengwa we yaamukoba ati, ‘Weekaza, omugheereza omulungi era omwesigwa obaire mwesigwa mu bitono, ndidha kukugemya ebingi ingira mu isanhu lya Musengwa wo.’

Matayo 25:23

Musengwa we yaamukoba ati, ‘Weekaza, omugheereza omulungi era omwesigwa obaire mwesigwa mu bitono, ndidha kukugemya ebingi ingira mu isanhu lya musengwa wo.’

Luka 12:33

Mutunde ebyaimwe, mugabire abaavu, mwetungire ensawo edhitakairigha mufune n'obukombe obutawaagho mu igulu omwibi y'atatuuka waire ensiiriri okubwonoona.

Luka 17:30

Kityo bwe kiriba ku lunaku Omwana w'Omuntu lw'alibonekeraku.

Yoanne 12:26

Kiisi ayenda okumpeereza annonerezenga. Ghe mba n'omugheereza wange gh'anaabanga. Era Lata alita oyo yeenayeena ampeereza mu kifo eky'ekitiisa.

Yoanne 5:44

Memale katyo mughanga mutya okwikiriza, imwe abagonza okusaakagana ni mutanoonia kusaakibwa oyo Katonda yenka?

Ebikolwa by'Abatume 8:20

Aye Petero yaamwiramu ati: “Zikirira n'empiiya dho, kuba odhuuba okufuna ekirabo kya Katonda ng'okigula n'empiiya dho!

Ab'e Roma 2:10

Aye abo abakola obukalamu Katonda alibagha ekitiisa, okusaakibwa n'emiraala, okwinhamira ku Bayudaaya memale kwireku abamaghanga agandi

Ab'e Roma 2:29

Aye Omuyudaaya mwene, n'Omuyudaaya munda eyafuna okukeketebwa okw'amazima okutali kwa ku ngulu ku mubiri aye okw'omu mwoyo. Omuntu ng'oyo tasiimibwa bantu aye asiimibwa Katonda.

Ab'e Roma 2:7

Abo abanoonia ekitiisa, okusaakibwa n'obutafa nga banhiinkiira okukola obukalamu, alibagha obulamu obutawaagho

Ab'e Roma 8:19

Ebitonde byonabyona birindirira nga byesumba okubona Katonda ng'ayoleka abaana be.

1 Ab'e Korintho 3:13

Aye omulimo gwa buli muntu guliboneka ku lunaku lwa Kurisito, kuba olwo gulyolekebwa mu muliro, era mu muliro omwo, obulungi obwa buli mulimo gwa muntu, bwamanhika.

1 Ab'e Korintho 4:5

Kale mutasaliranga muntu yeenayeena musango nga ekiseera kikaali kutuuka ekya Musengwa waife okwidha. Oyo alita mu butangaavu ebintu ebigise mu nzikiiza, era alitoolayo ebidhuubo ebigise mu myoyo gy'abantu byamanhibwa. Olwo ni buli muntu yaasiimibwa Katonda.

Yakobo 1:12

Omuntu agumira okulebwa wa nkabi, kuba bw'abita mu kugezesebwa okwo, aligheebwa obulamu ng'ekirabo Katonda kye yasuubiza abo abamugonza.

1 Petero 1:13

Kale ni mu myoyo gyaimwe mubenga beetegefu era mwefugenga. Eisuubi lyaimwe lyonalyona mulitenga mu kisa Katonda ky'aja okubagemerwa ku lunaku Yesu Kurisito lw'alibonekeraku.

1 Petero 1:5

Era olw'okwikiriza kwaimwe, Katonda abakuuma n'amaani ge era alibalokola ku nkomerero nga bwe yategeka.

1 Petero 2:4

Mwidhe y'ali. Oyo n'eibaale eiramu abantu lye baaloba bati lizira mugaso, aye eryalondebwa Katonda era ery'omughendo einho.

1 Petero 2:7

Kyava n'aba ow'omughendo einho ye imwe abamwikiriza, aye y'abo abatamwikiriza, ebyaghandiikibwa bikoba biti: “Eibaale abazimbi lye baasuula bati lizira mugaso, n'eryafuuka empango ey'omusingi mu nsonda.”

1 Petero 4:12

Aboluganda, okudaazibwadaazibwa okuzibu kwe mulimu kulobe kubeewuunhisa inho ng'oti tikubangaghooku, kuba kuligho lwa kubaleba bulebe.

1 Petero 4:13

Aye musangaale era musagambe olw'okubona nga mudaazibwadaazibwa ng'oti ni Kurisito, olwo mwidhule eisanhu, ekitiisa kye lwe kiriboneka.

1 Petero 5:1

Nhenda okukubiriza abo abakulembeze b'abaikiriza abali mu imwe. Zeena nga bwendi mukulembeze munaibwe eyaboneraku irala okudaazibwadaazibwa kwa Kurisito, era aja okugabana ku kitiisa ekija okwolekebwa, mbakubiriza

2 Petero 1:1

Ninze Simoni Petero omugheereza era omutume wa Yesu Kurisito. Mpandiikira abo abaafuna okwikiriza okuli ng'oti n'okwaife, olw'obutuufu bwa Katonda waife era Omulokozi waife Yesu Kurisito.

2 Petero 1:4

Muno mwe yatugheera emikisa gye emingi era egy'omughendo gye yasuubiza, olwo imwe musobole okuwona okuzikirira okuva mu kwegomba okw'omubiri nga mubita mu mikisa egyo, era mugabane ku bwakatonda bwe.

2 Petero 3:14

Agho ni nga bwe muli kuteegerera ebintu bino bakagwa, mwekalangule mwagaanibwe nga muli miraala, nga muziraku kamyamya oba kamogo koonakoona.

Yuda 1:24

Katonda oyo ow'obusobozi obubakuuma ni mutagwa, ni bubatuusa mu maiso ge ag'ekitiisa nga muziraku musango gwonagwona era nga musagamba,

Okwolekebwa 1:7

Bona, wuuyo aliidhira ku bireri! Abantu boonaboona balimubona, era n'abo abaamufumita balimubona. Abantu boonaboona ku nsi baligegenga ku lulwe. N'ekyo. Amiina.

Okwolekebwa 2:10

Otatya ebyo ebizibu ebiri okumpi okukutuukaku. Bona, Sitaani aidha kusuula abandi ku imwe mu ikomera okubaleba, era mulidaagadaaga okumala enaku ikumi. Weekalangulire mu kwikiriza okutuusa okufa, ndikugha obulamu ng'ekirabo eky'obughanguzi.

Okwolekebwa 3:10

Olw'okuba waguminkiriza mu kudaazibwadaazibwa nga bwe nakulagira, ndidha kukuwonia ekiseera eky'okulebwa ekija okwidhira ensi yoonayoona okuleba abo abali ku nsi.

Okwolekebwa 3:18

“Kale nkugha amagezi onguleku zaabu alongooseibwa mu muliro osobole okuba omukombe, onguleku ebivaalo ebyeru ovaale owone ensoni edh'okubita ekidu, era onguleku obulezi obw'okusiiga ku maiso go oghange okubona.

1 Samueli 2:30

Nze Musengwa Katonda wa Isiraeli kyenva ni nkoba nti, nasuubiza ng'ab'endhu yo n'ab'endhu ya dhaadha wo banampeerezanga ekiseera kyonakyona. Aye mpegaano nze Musengwa Katonda nkoba nti ekyo nkimenhiegho, kuba abo abantaamu ekitiisa, be ndidha okutangamu ekitiisa, ate abo abaanhooma, tibaateebwengamu kanhagansi.