1 Petero 1:6 - Baibuli Ekibono kya Katonda 2014

⁶ Musagambe olwa kino, waire nga mperaano musobola okumala akaseera nga mudaagadaaga olw'okulebwa mu kino ni mu kire.

1 Petero 1:6 Iomraidhean Croise

Zabbuli 119:28

Nseeneine olw'enaku enhingi. Wo Musengwa Katonda, ndhizaamu amaani buyaaka nga bwe wansuubiza.

Zabbuli 119:75

Wo Musengwa Katonda, ndidhi ng'ensala yo ntuufu eziramu kwekubira, era ndidhi nga wankangaivula kuba oli mwesigwa mu by'osuubiza.

Zabbuli 34:19

Ebizibu ebigwa ku batuufu biri kamaala, aye Musengwa Katonda abawonia yaatoolagho ebizibu byaibwe byonabyona.

Zabbuli 35:10

Ndisaaka Musengwa Katonda n'amaani gange goonagoona, nti: “Wo Musengwa Katonda, naani ali ng'oti niiwe? Iwe atoola omunafu n'omuwonia ow'amaani amuswikirira, era atoola omwavu n'omuwonia amunhagaku ebibye?”

Zabbuli 69:20

Banvumye bankutula n'omwoyo, buti n'eisuubi nzira. Nanoonia anansaasiraku yambula; naanoonia anandhizaamu amaani, yambula.

Zabbuli 9:14

nsobole okwemerera mu maiso g'abantu ab'e Yerusalemu, mbakobere byonabyona ebindeetera okukusaaka. Ndidha kusagamba olw'okundokola.

Zabbuli 95:1

Mwenamwena mwidhe twembere Musengwa Katonda, mwidhe tumukubire emizira oyo omukuumi era omulokozi waife!

Isaia 61:10

Ekibuga Yerusalemu kikoba kiti: “Ndisagamba inho olwa Musengwa Katonda era naasangaala olwa Katonda wange oyo; kuba anvaaziiza obulokozi n'obutuufu ng'oti bivaalo. Ndi ng'oti n'omugole omusaadha ye bavaaziiza engule ku mutwe, era ng'oti n'omugole omukazi ye badholiige n'ebyamadholobera.”

Isaia 61:3

Era yantuma eri abo abali mu Sioni, mbavaaze engule ku mitwe gyaibwe mu kifo ky'eivu lye beebbaase. Era mbaleetere okusangaala mu kifo eky'okunakughala, mbaleetere n'olwembo olw'okusaaka mu kifo eky'okuba mu bughafu. Olwo babe ng'oti n'emiti emikologho Musengwa Katonda mwene gye yeesimbira; era bakolenga ebituufu ebireetera Musengwa Katonda oyo okugheebwa ekitiisa.

Matayo 11:28

“Mwidhe ye ndi imwe mwenamwena abadaaga n'abali n'ebibavuna, ndidha kubawuumuza.

Matayo 26:37

Yaatoola Petero ni batabane ba Zebedaayo bombiriri yaaja nabo yaawulira enaku n'okweraliikirira.

Matayo 5:12

Musangaale era musagambe, kuba empeera yaimwe eri mu igulu nnene. Kuba batyo bwe baakiriga abalanzi abaabasooka.

Luka 1:47

Omwoyo gwange gusangaaliire mu Katonda omununuzi wange.

Luka 10:20

Aye mutasangaala olw'okuba emizimu gibawulira, musangaale olw'okuba amaina gaimwe gaaghandiikibwa mu igulu.”

Luka 2:10

Aye malaika yaabakoba ati: “Mutatya, mubone eno, mbaleeteire Amawulire Amalungi era agasangaaza eri abantu boonaboona

Yoanne 16:22

Mperaano mwena muwulira, enaku aye ndidha kabiri kubabona era emyoyo gyaimwe gisagambe. Era okusagamba okwo ghazira muntu yeenayeena alikubatoolaku.

Yoanne 16:33

Bino mbibakobeire mube miraala mu nze. Mu nsi muno mwidha kufuna ebizibu aye mugumenga, nze mpangwire ensi.”

Ebikolwa by'Abatume 14:22

Baagumya emyoyo gy'abeegeresebwa era nga babasikirira okunhweza okwikiriza, nga babakoba bati: “Tuli n'okubita mu bizibu kyodo okwingira mu Bwakyabazinga bwa Katonda.”

Ab'e Roma 12:12

Okusuubira kwaimwe kubakuumenga nga musagamba, mubenga baguminkiriza mu bizibu byaimwe era musabenga buliidho.

Ab'e Roma 5:11

Aye ti ekyo kyonka, aye tusagambira mu Katonda ku lwa Musengwa waife Yesu Kurisito atusobozeisa okwisania ni Katonda.

Ab'e Roma 5:2

Ku lulwe twafuna okusaasirwa kwa Katonda kuno kwe tulimu, era tusagamba nga twesunga okugabana ku kitiisa kya Katonda.

Ab'e Roma 9:2

Ndi n'enaku nnene n'okulumwa kunene mu mwoyo gwange.

2 Ab'e Korintho 4:17

Okudaagadaaga kuno okutonioli era okw'akaseera, kuli kututegekera ekitiisa ekinene era ekitawaagho ekisinga ebintu byonabyona.

2 Ab'e Korintho 6:10

Tunakughazibwa aye tuba basangaavu buliidho, tuboneka ng'abaavu ate nga tukombaghaza abantu kamaala, tutwalibwa ng'abazira kantu ate nga bwenebwene byonabyona tuli nabyo.

Ab'e Galatia 5:22

Aye Mwoyo aleeta kugonzania, kusagamba, kwisania, kuguminkiriza, kisa, kubisa bandi bukalamu, kwesigibwa,

Ab'e Filippi 2:26

Kuba omwoyo gubaire gumuluma inho okubabonaku mwenamwena, era abairenga n'enaku ku mwoyo olw'okuba mwawulira bwe yalwala.

Ab'e Filippi 3:3

Kuba niife abaafuna okukeketebwa okutuufu, abasinza Katonda nga Mwoyo we bw'atugalagira, abasagambira mu kwisa ekirala mu Kurisito Yesu, era abatata bwesige mu bya mubiri.

Ab'e Filippi 4:4

Buliidho musagambirenga mu Musengwa. Era kabiri nkiiramu nti Musagambe!

1 Ab'e Thessalonika 1:6

Era n'imwe bwemwebisanga nga mubonera ku ife ni ku Musengwa, kuba waire mwadaazibwadaazibwa inho olw'ekibono, mwakiikiriza n'eisanhu eriva mu Mwoyo Mutukuvu.

Yakobo 1:2

Aboluganda, bwe mutuukibwangaku ebizibu ebya buli nsambo, musangaalenga.

Yakobo 1:9

Owoluganda omughafu yeesiimenga nga Katonda amutoire mu bughafu.

Yakobo 4:9

Munakughale era mulire; enseko dhifuuke maziga, okusagamba kufuuke kuwuubaala.

1 Petero 3:17

Ekisinga bukalamu n'okudaazibwadaazibwa olw'okukola ekituufu, bwe kuba nga n'okwenda kwa Katonda, mu kifo eky'okudaazibwadaazibwa olw'okukola obubi

1 Petero 4:7

Enkomerero ey'ebintu byonabyona eri kumpi. Agho ni mubenga beetegefu era musabenga.

1 Petero 5:10

Aye olumaliira olw'okudaazibwadaazibwa akaseera akatono, Katonda ow'ekisa ekitakoma eyabeeta mube mu kitiisa kye ekitawaagho mu Kurisito, alibagoloza, yaabagha amaani era yaabagumya.

1 Samueli 2:1

Hanna yaasaba ng'akoba ati: “Ndi kusagamba olwa Musengwa Katonda ky'ankoleire, Musengwa Katonda andhiziizaamu amaani. Nsekerera abazigu bange, naasagamba kuba iwe Musengwa Katonda omponiiza.