1 Petero 1:5 - Baibuli Ekibono kya Katonda 2014

⁵ Era olw'okwikiriza kwaimwe, Katonda abakuuma n'amaani ge era alibalokola ku nkomerero nga bwe yategeka.

1 Petero 1:5 Iomraidhean Croise

Yobu 19:25

Aye ndidhi ng'Omununuzi wange mulamu, era n'alisalagho eky'enkomerero ku nsi.

Zabbuli 37:28

Kuba Musengwa Katonda ayenda inho ekituufu kikolebwe, era taja kulekulira agho abo abamutya. Taja kuganha kibi kutuuka ku bantu batuufu ebyanda n'ebyanda aye eizaire ly'ababi lija kuwaagho.

Ensambo 2:8

Akubiriza abantu be okusalanga mu obutuufu, era yaalabirira abo abamutya.

Isaia 45:17

Aye Musengwa Katonda buliidho aidha kulokolanga Isiraeli. Imwe Abaisiraeli ensoni tidhiribagema waire okuswazibwaswazibwa ebyanda n'ebyanda.’ ”

Isaia 51:6

Mulinge ku igulu, mulinge ni ku nsi. Eigulu eryo liriwaagho ng'oti n'omwosi bwegubulagho, ensi yaakairigha ng'oti kivaalo, n'abagibaamu baafa ng'oti nsowera. Aye obulokozi bwange bwe ndeeta bwidha kubangagho byanda na byanda, mbawonienga aghazira kukoma.

Isaia 54:17

Aye tighalibaagho bya kulwanisa bye baligheesa birisobola kukulumya. Era kiisi aliwoza n'iwe olimusinga. Ndidha kulwaniriranga abagheereza bange, era mbaleeterenga okughangula.” Musengwa Katonda atyo bw'akoba.

Isaia 66:22

“Ng'eigulu eiyaaka n'ensi empyaka bye ndikola bwe birisigalagho mu maiso gange, n'eizaire lyaimwe lityo bwe lirisigalagho era n'eriina lyaimwe lyona lyasigalagho.

Yeremia 23:4

Ndibateeragho abakulembeze okubalabiriranga, abantu bange abo baalekera agho okutya n'okweraliikirira, era ghaaloba kubaagho waire omulala ati abula. Nze Musengwa Katonda, ninze nkobye.”

Yeremia 32:40

Ndikola nabo endagaano etaliwaagho. Tirirekeranga kubakolera birungi. Ndibaleetera okuntangamu ekitiisa n'omwoyo gwaibwe gwonagwona, babe nga tibakairayo kunvaaku.

Yoanne 12:48

Oyo aloba nze era n'asambaadha ebibono byange, ali n'amusalira omusango. Ebibono bye ndhogera n'ebirimusalira omusango ku lunaku olw'ensembo.

Yoanne 17:15

Tiri kukusaba kubatoola mu nsi aye ndi kukusaba obawonie Omubi.

Yoanne 4:14

aye kiisi anhwa ku maadhi ge mmugha, taliirayo kuba ndiwo. Amaadhi ago ge ndimugha, mu oyo galifuuka ensulo ey'amaadhi agagha obulamu era gaamugha obulamu obutawaagho.”

Yoanne 5:24

“Bwenebwene mbakobera nti: Kiisi awulira kibono kyange n'aikiriza oyo eyantuma, ali n'obulamu obutawaagho era taja kusalirwa musango, aba amaze okusomoka okuva mu kufa okungira mu bulamu.

Ab'e Roma 11:20

Kino kituufu. Dhaawogolwaku olw'obutaikiriza bwadho era iwe kwikiriza n'okukubeesiisaagho. Kale oteesuuta, weekuume.

Ab'e Roma 8:18

Tidhuuba nga okudaagadaaga buti kwe tulimu kughanga okwagayaga n'ekitiisa ekiritwolekebwa.

1 Ab'e Korintho 1:21

kuba Katonda mu magezi ge yalemesa abantu okumumanha mu magezi gaibwe beene. Era yaasalagho okulokola abo abamwikiriza ng'abita mu kibono kye tubakobera, abandi kye beeta “obusiru”.

2 Ab'e Korintho 1:24

Ti twenda kubalagira bulagire bye muteekwa kwikiriza kuba twidhi nga muli bagumu mu kwikiriza, aye twenda tukolere ghalala memale musangaale.

Ab'e Galatia 2:20

era tiri mulamu ku bwange aye Kurisito n'omulamu mu nze. Obulamu buno bwe ndi nabwo mperaano mu mubiri, ndi nabwo lwa kwikiriza Mwana wa Katonda eyangonza n'aghaayo obulamu bwe ku lwange.

Ab'Efeso 2:8

Mwalokolebwa lwa kisa kya Katonda mu kwikiriza tikyava mu maani gaimwe, aye kyali kirabo kya Katonda.

Ab'Efeso 3:17

Kurisito abe mu myoyo gyaimwe olw'okwikiriza kwaimwe. Musimbire irala emizi mu kugonza era mukalangukiremu.

Ab'e Filippi 1:6

Era nkakasa bukalamu ng'oyo eyatoolera omulimo guno omukalamu mu imwe aligutuusa ku kumalirizibwa ku lunaku lwa Yesu Kurisito.

Ab'e Filippi 4:7

Era n'emiraala gya Katonda egiswikiriire okumanha kwonakwona gikuume emyoyo n'amagezi gaimwe mu Kurisito Yesu.

2 Timotheo 3:15

Era oidhukira ng'okuva mu buto bwo obaire oyegeresebwa Ebyaghandiikibwa Ebitukuvu ebisobola okukugalagira okukutuusa ku kulokolebwa olw'okuba n'okwikiriza mu Kurisito Yesu.

Tito 2:13

Era tube nga tuteegerera olunaku olw'enkabi lwe tusuubira, era nga tuteegerera okuboneka okw'ekitiisa kya Katonda waife omukologho era Omulokozi waife Yesu Kurisito.

Abaheburayi 6:12

Ti twenda mube bagayaavu, aye mube ng'oti n'abo abaikiriza, era ni baguminkiriza, ni bafuna ebyasuubizibwa.

Abaheburayi 9:28

ni Kurisito atyo bwe yagheebwayo omukuzi mulala olw'okutoolagho ebibi eby'abantu kamaala. Aliboneka omukuzi ogwokubiri, ti lwa kibi aye lwa kulokola abo abamulindirira.

1 Petero 1:13

Kale ni mu myoyo gyaimwe mubenga beetegefu era mwefugenga. Eisuubi lyaimwe lyonalyona mulitenga mu kisa Katonda ky'aja okubagemerwa ku lunaku Yesu Kurisito lw'alibonekeraku.

1 Petero 4:13

Aye musangaale era musagambe olw'okubona nga mudaazibwadaazibwa ng'oti ni Kurisito, olwo mwidhule eisanhu, ekitiisa kye lwe kiriboneka.

1 Petero 5:1

Nhenda okukubiriza abo abakulembeze b'abaikiriza abali mu imwe. Zeena nga bwendi mukulembeze munaibwe eyaboneraku irala okudaazibwadaazibwa kwa Kurisito, era aja okugabana ku kitiisa ekija okwolekebwa, mbakubiriza

2 Petero 1:3

Musengwa waife oyo, mu buyinza bwe nga Katonda, yatugha byonabyona bye twetaaga okuba abalamu n'okutya Katonda, nga tubita mu kumanha oyo eyatweta tube mu kitiisa kye ni mu bulungi bwe.

1 Yoanne 3:2

Bakagwa, mperaano tuli baana ba Katonda. Kye tuja okuba kikaali kumanhika, aye kye twidhi ni kino nti Kurisito bw'aliboneka tuliba oti ni mwene, kuba tulimubona nga bw'ali.

Yuda 1:1

Ninze Yuda omugheereza wa Yesu Kurisito era muganda wa Yakobo. Mpandiikira abo abaayetebwa abagonzi ba Katonda Lata, era abakuumibwa Yesu Kurisito.

Yuda 1:24

Katonda oyo ow'obusobozi obubakuuma ni mutagwa, ni bubatuusa mu maiso ge ag'ekitiisa nga muziraku musango gwonagwona era nga musagamba,

1 Samueli 2:9

Aidha kukuumanga ebigere by'abo abeesigwa y'ali, aye ababi aidha kubaleeteranga okufiira mu nzikiiza; kuba omuntu taghangula lwa maani g'ali nago.