1 Petero 1:4 - Baibuli Ekibono kya Katonda 2014

⁴ Era n'okufuna omugabo ku birungi bya Katonda ebitawaagho, ebitayonooneka era ebitasiiwuuka, ebyabaterekerwa mu igulu.

1 Petero 1:4 Iomraidhean Croise

Zabbuli 31:19

Bwenebwene ebirungi biri kamaala, by'oterekeire abo abakutya. Abantu boonaboona babona by'okolera abo abakwesiga.

Zabbuli 47:4

Yatulondera ensi mwe tuli, mwe twesiimira ife abantu be b'agonza.

Isaia 66:22

“Ng'eigulu eiyaaka n'ensi empyaka bye ndikola bwe birisigalagho mu maiso gange, n'eizaire lyaimwe lityo bwe lirisigalagho era n'eriina lyaimwe lyona lyasigalagho.

Ezekieli 47:12

Ku mbali ni ku mbali okw'omwiga ogwo kulimeraku emiti egya buli nsambo, nga gibalaku ebibala ebiriibwa. Amakaba g'emiti egyo tigalinialanga, era emiti egyo tigirirekeranga kutaaku bibala. Giidha kutangaku ebibala ebiyaaka buli mwezi, olw'okuba ginhwa amaadhi agava mu isinzizo. Ebibala byagyo binaabanga mere, n'amakaba gaagyo gaabanga bulezi obuwonia.”

Matayo 25:34

Agho Kyabazinga alikoba abo abaliba ku luuyi olw'omukono gwe omusaadha ati, ‘Mwidhe imwe Lata wange be yagha enkabi, mube mu Bwakyabazinga obwabategekerwa okuva ensi lwe yatondebwa.

Mariko 10:17

Yesu olwagwa mu ngira ati, ghaabaagho eyamulumuukirira yaakuba amakiryaivu, yaamubuuza ati: “Mwegeresa omulungi, nkole ki okufuna obulamu obutawaagho?”

Ebikolwa by'Abatume 20:32

“Era mperaano, mbagemya Katonda n'ekibono eky'ekisa kye, ekisobola okubazimba n'okubafunisa omugabo aghalala n'abo boonaboona abatukuzibwa.

Ebikolwa by'Abatume 26:18

Olibazibula amaiso, bagaluke okuva mu nzikiiza baire mu butangaavu, era bave mu buyinza bwa Sitaani baire ye Katonda, basoniyibwe ebibi byaibwe era bafune omugabo n'abo abatukuzibwa olw'okundhikiriza.’

Ab'e Roma 8:17

Nga bwe tuli abaana be, tulifuna ebirungi bye yasuubiza abantu be, era tuligabanira ghalala ni Kurisito ebyo Katonda bye yamuterekera. Kuba bwe tudaagiradaagira aghalala ni Kurisito, tulifunira ghalala naye ekitiisa.

1 Ab'e Korintho 9:25

Buli muzaanhi azaanha emizaanho egy'entaka, yeegendereza inho asobole okufuna ekirabo eky'ekiseera obuseera, aye ife twegendereza inho tufune ekirabo ekitawaagho.

Ab'e Galatia 3:18

Kale oba Katonda agha omuntu ekirabo lwa kutuusa Mateeka, agho kiba nga tikikaali kisuubizo aye ekirabo Katonda kye yagha Aburahamu kyava mu kisuubizo.

Ab'Efeso 1:11

Katonda akola byonabyona nga bw'ayenda ng'ajiira ku ntegeka ye, mu Kurisito oyo

Ab'Efeso 1:14

Mwoyo Mutukuvu oyo n'omusingo okukakasa nga tulifuna ebyo Katonda bye yatusuubiza, tusaake ekitiisa kye.

Ab'Efeso 1:18

Abazibule amaiso ag'omwoyo mubone ebyo bye yasuubiza bwe yabeeta, mumanhe obukombe obuli mu ebyo eby'ekitiisa by'abiikira abatuukirivu.

Ab'e Kolosai 1:12

Mweyanzenga Lata eyatugwaniza okuba aghalala n'abatuukirivu mu butangaavu.

Ab'e Kolosai 1:5

olw'ebyo bye musuubira, ebyabakuumirwa mu igulu. Bino mwabiwuliraku mu bibono eby'amazima, Amawulire Amalungi.

Ab'e Kolosai 3:24

nga mwidhi muti Musengwa n'alibagha empeera, kuba Kurisito ni Musengwa ye mugheereza.

2 Timotheo 4:8

Era mperaano Katonda ambiikiire eyo obutuufu ng'ekirabo eky'obughanguzi, Musengwa era omulamuzi omutuufu ky'alimpa ku Lunaku lule. Taligha nze zenka aye aligha abo boonaboona abeesunga okwira kwe.

Abaheburayi 10:34

Mwalumirwa ghalala n'abasibe era bwe mwanhagibwaku ebyaimwe mwaguminkiriza n'eisanhu, nga mwidhi muti muli n'ekibisinga obukalamu era eky'olubeerera.

Abaheburayi 9:15

Kale ni Kurisito n'akwania endagaano empyaka, abo abaasuubizibwa ebirungi ebitawaagho babifune. Kuba yafa, yaanunula abantu mu bibi byaibwe bye baakolanga nga bakaafugibwa endagaano eyasooka.

Yakobo 1:11

Endhuba bw'evaayo n'omusana gwayo ogw'amaani, eniaza ekimera ekimuli kyakyo kyagwa n'obulungi bwakyo bwawaagho. N'omukombe atyo bw'aliwaagho mu ebyo by'akola.

1 Petero 3:9

Timwesasuuzanga nga mukoleibwa ekibi, oba okuvuma nga muvumiibwa, aye mubasabirenga bwa nkabi kuba kino Katonda kye yabeetera, olwo mufune enkabi.

1 Petero 5:4

Olwo omwayi omukulu mwene bw'aliboneka, mulifuna engule ey'ekitiisa etawaagho.

Okwolekebwa 21:27

Aye tikiringiramu kintu kitali kirongoofu, waire omuntu akola ebyenhinhalwa oba omuguya, okutoolaku abo bonka abaaghandiikibwa mu kitabo eky'obulamu eky'Entaama Ento.