1 Petero 1:21 - Baibuli Ekibono kya Katonda 2014

²¹ Mu oyo mwe mubita okwikiriza Katonda eyamuzuukiza okuva mu bafu, naamugha ekitiisa, olwo okwikiriza kwaimwe n'okusuubira byaba nga biri mu Katonda.

1 Petero 1:21 Iomraidhean Croise

Zabbuli 42:5

Aye neebuuza nti: “Lwaki omwoyo gungwa mu bigere? Era lwaki mbula emiraala? Ka nsuubire mu Katonda, luliba lulala nairamu okumusaaka,

Yeremia 17:7

Aye wa nkabi oyo aneesiga nze Musengwa Katonda era n'asuubirira mu nze.

Matayo 28:18

Yesu yaaseeta yaayogera nabo ati: “Nagheebwa obuyinza bwonabwona mu igulu ni mu nsi.

Yoanne 12:44

Yesu yaayogerera ghaigulu ati: “Oyo andhikiriza taikiriza nze, aye aikiriza n'oyo eyantuma,

Yoanne 14:1

Yesu yaabakoba ati: “Mutabanga beeraliikirivu mu myoyo gyaimwe. Mwikirize Katonda, zeena mundhikirize.

Yoanne 14:6

Yesu yaamwiramu ati: “Ninze engira, ninze amazima, era ninze obulamu. Ezira atuuka ye Lata okutoolaku ng'abise mu nze.

Yoanne 17:1

Yesu bwe yamala okukoba ebyo, yaalinga ghaigulu yaakoba ati: “Lata, ekiseera kituuse. Yoleka abantu ekitiisa ky'Omwana wo, n'Omwana asobole okubooleka ekitiisa kyo.

Yoanne 17:24

Lata, kye neegomba n'okuba n'abo be wampa ghe ndi, babone ekitiisa kyange kye wampa, kuba wangonza nga n'ensi ekaali kutondebwa.

Yoanne 17:5

Era mperaano Lata, yoleka ekitiisa kyange mu maiso go, n'ekitiisa kye nali nakyo n'iwe ng'ensi ekaali kubaagho.

Yoanne 3:34

Oyo Katonda ye yatuma ayogera ebibono bya Katonda, kuba Katonda tagaba Mwoyo we mu bipimo.

Ebikolwa by'Abatume 2:24

Aye oyo Katonda yamuzuukiza yaamutoola mu bulumi obw'okufa, nga tikisoboka oyo kusigala mu maani ga kufa

Ebikolwa by'Abatume 3:13

Katonda wa Aburahamu, Katonda wa Isaaka, Katonda wa Yakobo, Katonda wa badhaadha baife, n'agulumiiza Omwana we Yesu, oyo ye mwaghaayo era ni mumwegaana mu maiso ga Pilato, bwe yali asazeegho okumulekula.

Ebikolwa by'Abatume 3:15

Mwaita mwene bulamu, oyo Katonda ye yazuukiza mu bafu, era ife tuli badhulizi b'ekyo.

Ebikolwa by'Abatume 4:10

imwe mwenamwena n'abantu ba Isiraeli boonaboona, kino mugwaine mukimanhe nga mu liina lya Yesu Kurisito Omunazarethi, ye mwakomerera ku musalaba, Katonda yamuzuukiza mu bafu, ono n'okwemerera ghano mu maiso gaimwe nga mulamu yeenayeena.

Ab'e Roma 10:9

Kuba bw'oyatula n'omunwa gwo oti Yesu ni Musengwa, n'oikiriza mu mwoyo gwo nga Katonda yamuzuukiza, olirokolwa.

Ab'e Roma 4:24

aye era ni ku lwaife abaikiriza mu oyo eyazuukiza Yesu Musengwa waife, tulibalibwa okuba abatuukirivu.

2 Ab'e Korintho 6:15

Kurisito aisania atya ni Beliali? Oba omwikiriza aisania atya n'atali mwikiriza?

Ab'Efeso 1:15

Olw'ebyo, zeena okuva bwe nawulira nga bwe mwikiriza Musengwa Yesu, era nga bwe mugonza abatuukirivu boonaboona,

Ab'e Kolosai 1:27

Abo Katonda be yasiima okumanhisa obukombe obw'ekitiisa obuli mu kyama ekyo, mu bamaghanga agandi. Ekyama ekyo ni Kurisito ali mu imwe era eisuubi ery'ekitiisa ekiri kwidha.

1 Timotheo 1:1

Ninze Paulo omutume wa Kurisito Yesu, olw'ekiragiro kya Katonda Omulokozi waife, n'ekya Kurisito Yesu ye tulimu n'eisuubi.

1 Timotheo 3:16

Bwenebwene ekyama eky'endhikiriza yaife kikologho: “Yaboneka nga muntu mwene, yaakakasibwa Mwoyo, yabonebwa bamalaika. Yaalangirirwa mu maghanga, yaikirizibwa mu nsi yoonayoona, era yaatwalibwa mu igulu mu kitiisa.”

Abaheburayi 2:9

Aye tubona Yesu eyafuulibwa okubaaku ghansi gha bamalaika akaseera, olw'ekisa kya Katonda aghange okufiirira abantu boonaboona. Mperaano tumubona nga yavaazibwa engule ey'ekitiisa era yaagheebwa okutiibwa olw'okufa kwe.

Abaheburayi 6:1

Kale ni ka tuleke ebyo bye twasookeraku okwega ebigema ku Kurisito, tuje mu maiso n'ebikulu. Titugwaine kabiri kwiramu kutaagho musingi buyaaka nga tubeegeresa okusooka okulekayo ebyo ebiziramu muganhulo bye mwakolanga, memale mutoolere okwikiriza Katonda.

Abaheburayi 7:25

Era olw'ensonga eno, kyava asobola okulokolera irala ekiseera kyonakyona abo abaidha ye Katonda nga babita mu mwene, kuba mulamu enaku dhoonadhoona okuboogererayo.

1 Petero 1:11

Baagezaaku okunoonereza okumanha ekiseera okulokoka okwo kye kuliidhiramu, era n'ensambo ye kuliidhamu, nga bajiira ku Mwoyo wa Kurisito eyabalimu, baalanga okudaagadaaga okwali kuli n'okutuuka ku Kurisito, era n'ekitiisa ekyali kiri n'okukuvaamu.

1 Petero 1:3

Katonda Lata wa Musengwa waife Yesu Kurisito asaakibwe, kuba olw'okusaasira kwe okungi twazaalibwa buyaaka okufuna okusuubira okulamu, lwe yazuukiza Yesu Kurisito okuva mu bafu!

1 Petero 3:22

Kurisito oyo yaja mu igulu era atyaime ku luuyi olw'omukono omusaadha ogwa Katonda. Era afuga bamalaika, n'ab'obukumu, n'ab'amaani ab'omu igulu.