1 Petero 1:17 - Baibuli Ekibono kya Katonda 2014

¹⁷ Katonda mumweta Lata nga musaba era tasaliriza bw'asalira omuntu yeenayeena omusango, ajiira ku ebyo kiisi muntu by'akola. Kale ni mumutyenga enaku dhoonadhoona edh'obulamu bwaimwe nga muli mu nsi eno etali yaimwe.

1 Petero 1:17 Iomraidhean Croise

Amainhama 47:9

Yakobo yairamu ati: “Emyaka gye naakamala ku nsi, nga ntambulatambula ng'omusenze, giri kikumi n'asatu. Emyaka egyo gibaire mizibu era nga mitono, tigyaze na myaka emingi badhaadha bange gye baamala ku nsi nga batambulatambula ng'abasenze.”

1 Ebyomubyanda 29:15

Wo Musengwa Katonda, okiidhi bukalamu nga ku nsi kuno ife tuli ng'abatamanhiibwa y'oli, tuli basenze busenze abali mu lugendo, nga badhaadha baife boonaboona bwe baali. Enaku dhaife edh'oku nsi dhibitagho bubite ng'oti kinsense, tidhiraalagho naire.

2 Ebyomubyanda 19:7

Kale ni mutyenga Musengwa Katonda era mutenga omwoyo ku bye mukola, kuba Musengwa Katonda waife oyo aziramu kufuulaniafuulania nsonga, oba okusaliriza, waire okulya enguzi.”

Yobu 34:19

Katonda tiyeekubira ku luuyi lwa bafuzi, abisa bulala abakombe n'abaavu; kuba boonaboona bitonde bye.

Zabbuli 39:12

Wo Musengwa Katonda, ndhiraamu okusaba kwange era ofeeyo ku kulira kwange. Idha ombeere ng'oboine amaziga gange, kuba nze ndi musenze busenze, nga badhaadha bange boonaboona bwe baali.

Zabbuli 89:26

Daudi oyo aidha kundhetanga ati, ‘Niiwe Lata era niiwe Katonda wange; niiwe onkuuma era niiwe ondokola.’

Ensambo 14:16

Omugezi asooka kwekengeera era yeesamba ebizibu, aye omusiru aghalambuka bughalambuke nga tafaayo.

Ensambo 28:14

Wa nkabi ole atya Musengwa Katonda buliidho, aye ole akalangusa omwoyo gwe afuna ebizibu ebitaloodheka.

Yeremia 3:19

“Musengwa Katonda era akoba ati: ‘Imwe Abaisiraeli, nze nayenda inho okubatwala ng'abaana abange, mbaghe ensi esanhusa era esingira irala okuboneka obulungi mu maghanga goonagoona, ebe yaimwe ku bwaimwe. Era naalowooza nti munandhetanga, Lata, mulobe kukyuka kunvaaku.

Zefania 3:9

“Bwenebwene mu kiseera ekyo nja kukyusa abantu abamaghanga goonagoona basabenga nze zenka, era bampeerezenga n'omwoyo mulala.

Matayo 16:27

Omwana w'Omuntu aja kwidha mu kitiisa kya Ise, ni bamalaika be, era buli muntu amughe ekimugwana ng'ajiira ku bikolwa bye.

Matayo 22:16

Baamutumira abeegeresebwa baibwe, ni baine ba Herode, baakoba bati: “Mwegeresa twidhi oli wa mazima era oyegeresa mu mazima engira ya Katonda, ozira ye weeguya, kuba tojiira ku mboneka ya bantu.

Matayo 6:9

Agho ni musabanga muti: ‘Iseife ali mu igulu, eriina lyo litiibwe.

Ab'e Roma 11:20

Kino kituufu. Dhaawogolwaku olw'obutaikiriza bwadho era iwe kwikiriza n'okukubeesiisaagho. Kale oteesuuta, weekuume.

2 Ab'e Korintho 1:2

Enkabi n'emiraala ebya Katonda Lata waife, ni Musengwa Yesu Kurisito bibe n'imwe.

2 Ab'e Korintho 5:6

Kale ni buliidho tuba bagumu kuba twidhi nga bwe tuba mu mubiri guno, tituba ghalala ni Musengwa.

2 Ab'e Korintho 7:1

Bakagwa, nga bwe tuli n'ebisuubizo bino, ka twenaazeeku buli kintu kyonakyona ekyonoona omubiri n'omwoyo, tube mu bulamu obutuukiriire nga tutya Katonda.

2 Ab'e Korintho 7:11

Kale mwena mubone okulumwa kwaimwe nga Katonda bwe yayenda bye kwabaleetera: Mufuba inho okugondhoola ensonga, mwawulira enaku olw'okusobya kwaimwe, mutya inho, mwenda inho okumbonaku, munuyirira okugheereza Katonda, era mwamalirira okubonereza buli akola ekibi. Mu byonabyona mweyoleike nga muziraku musango gwonagwona.

Ab'e Galatia 2:6

Aye era abo abaaboneka ng'oti n'abakulu, oba bwenebwene bwe baali ekyo ku nze ti kya nsonga, kuba Katonda taboola mu bantu abakulu abo, nga bwe nkobye, mpaagho kiyaaka kye baanhongeraku.

Ab'Efeso 1:17

Katonda wa Musengwa waife Yesu Kurisito, Lata ow'ekitiisa, abaghe Mwoyo ow'amagezi era ayoleka, mumumanhe.

Ab'Efeso 3:14

Kyenva ni nkuba amakiryaivu mu maiso ga Lata,

Ab'Efeso 6:9

N'imwe basengwa b'abairu, mwena mubisenga mutyo abairu baimwe, nga timubeesoomera. Mumanhe muti oyo Musengwa waibwe era owaimwe, ali mu igulu era oyo tasaliriza.

Amateeka Agokubiri 10:17

kuba Musengwa Katonda waimwe, ni Katonda afuga bakatonda boonaboona, era ni Musengwa Katonda afuga basengwa boonaboona. Musengwa Katonda oyo, n'omukologho era ow'amaani ali n'okutiibwa. Tasaliriza era talya nguzi.

Ab'e Filippi 2:12

Agho ni bakagwa, nga bwe mwali abawulize buliidho nga ndi n'imwe, ni mperaano nga tiri n'imwe musingegho okuba abawulize, olwo mube nga mukolerera okulokolebwa kwaimwe nga mutya era nga mudhugumira.

Ab'e Kolosai 3:25

Omuntu yeenayeena akola ekibi alisasulwa olw'ekibi kye aghazira kusaliriza.

Abaheburayi 12:28

Kale twebazenga olw'okufuna Obwakyabazinga obutatengeesebwa, era tusinzenga Katonda mu nsambo emusiimya, nga tumutaamu ekitiisa era nga tumutya

Abaheburayi 4:1

Kale ni ng'ekisuubizo eky'okutuuka aghali okuwuumula bwe kikaaligho, tufengayo okubona nga tighabaagho muntu yeenayeena ku imwe alemwa kutuukagho.

1 Petero 2:11

Aboluganda, nga bwe muli ababise era abanoonia obubudamo mu nsi muno, mbeeghembye mulobere irala kujiira ku mubiri bye gwegomba ebirwanisa omwoyo.

1 Petero 3:15

aye mu myoyo gyaimwe mutyenga Kurisito nga ni Musengwa. Buli kaseera mubenga beetegefu okwiramu omuntu yeenayeena ababuuza ku kusuubira kwe muli nakwo mu imwe. Aye kino mukikolenga na idembe era na kitiisa.