1 Petero 1:12 - Baibuli Ekibono kya Katonda 2014

¹² Katonda yayoleka abalanzi abo ng'ebyo tibaabikola ku lwaibwe beene, aye ku lwaimwe. Ebintu ebyo n'ebyo bye mwawulira nga bibakoberwa abo abaabakobera Amawulire Amalungi. Bwe baali nga babakobera Amawulire Amalungi ago, Katonda yasindika Mwoyo Mutukuvu okuva mu igulu, yaidha okubalamba. Ni bamalaika beegomba okubona ku bintu ebyo.

1 Petero 1:12 Iomraidhean Croise

Okuvaayo 25:20

Ebifaananie ebyo mubikole nga mubirinzagainia, aye nga amaiso gaabyo galingiriire ku kisandikiza, era nga byandhulwiza amaghagha gaabyo nga gaghemba ku kisandikiza ekyo.

Ensambo 1:23

Mufeeyo inho ku bye ndi kubanenia; nja kubakobera byonabyona ebindi ku mwoyo, era mbaghe ku magezi ge ndi nago.

Isaia 32:15

Aye ekiseera kirituuka, Katonda yaatuyughaku omwoyo gwe okuva ghaigulu. Olwo eribaire eirungu lyafuuka enimiro egimusa ebirime, ate ebaire enimiro egimusa ebirime yaatwalibwa okuba ng'ekibira.

Isaia 53:1

Abantu bairamu bati: “Naani asobola okwikiriza bye tuwuliire? Era naani asobola okwikiriza ati omukono gwa Musengwa Katonda n'ogwakola ekyo?

Danieli 10:1

Mu mwaka ogwokusatu nga kyabazinga Kuro n'afuga Perusia, Katonda yaayoleka Danieli, ye baamutuuma eriina Beluteshazzari, obukwenda. Obukwenda obwo bwali bwa mazima aye nga bukalangafu inho okubutegeera. Aye yaamala yaabutegeera nga babumwinhonhoire mu kubonekerwa.

Danieli 12:13

“Kale ni iwe Danieli, gema engira yo oje, osigale ng'oli mwesigwa okutuusa ku nkomerero. Era waire olifa, olimala waazuukira wagheebwa empeera yo mu kiseera eky'oluvainhuma.”

Danieli 12:9

Yandhiramu ati: “Danieli, gema engira yo oje, kuba ebintu ebyo biidha kukuumibwa nga bya kyama era bikwekebwe okutuusa ku kiseera eky'enkomerero.

Danieli 2:19

Obwire obwo Katonda yaayoleka Danieli ekyama ekyo mu kubonekerwa. Era Danieli oyo yaasaaka Katonda ow'eigulu,

Danieli 2:22

Ayoleka ebintu eby'ekyama ebitaboneka; yaamanha ebiri mu nzikiiza, era mwene gh'aba n'obutangaavu ghe buba.

Danieli 2:47

Kyabazinga yaakoba Danieli ati: “Bwenebwene Katonda waimwe n'asinga bakatonda boonaboona era ni Musengwa wa bakyabazinga boonaboona. Oyo n'ayoleka ebyama, kuba iwe osoboire okwinhonhola ekyama ekyo.”

Danieli 8:13

Agho naawulira omutukuvu mulala ng'ali kwogera. Era omutukuvu owundi yaabuuza ole eyayogera ati: “Ebyo ebiboneibwa mu kubonekerwa biribaagho kutuuka li? Ebigheebwayo ebyokebwa ebya buli lunaku birimala kiseera ki nga bikaali kwizibwagho? Okwonoona kulizikiriza ensi kutuuka li? Eigye ery'omu igulu n'eisinzizo birityankirirwa kutuuka li?”

Danieli 9:24

“Katonda yalagira ekiseera kya myaka nsanvu emikuzi musanvu ku bantu bo ni ku kibuga kyo ekitukuvu, memale okwonoona kukomezebwe, n'okukola ebibi kuweegho. Olwo ebyonoono bisoniyibwe, ghairegho okukola amazima ebyanda n'ebyanda, n'okubonekerwa n'obulanzi bituukirizibwe, era n'eisinzizo eitukuvu liiremu okutukuzibwa.

Yoeli 2:28

“Ebyo nga biwoire, ekiseera kirituuka naayugha omwoyo gwange ku bantu boonaboona. Batabane baimwe ni baghala baimwe baliranga ebiribaagho, abakaire mu imwe baaloota ebirooto, n'abaisuka baimwe baabonekerwa.

Amosi 3:7

Mu butuufu bwene, ghazira Musengwa Katonda ky'akola mu kyama nga takyoleike bagheereza be abalanzi.

Zekaria 12:10

“Era ndita mu baidhukulu ba Daudi ni mu bantu ab'omu Yerusalemu abandi boonaboona, omwoyo omusaasizi era ogwenda einho okusinza. Kale bwe baliringa ku ole ye baafumita, balimulira ng'oti n'omuntu alira omwana we y'abaire naye yenka ati. Baliwowoola ng'oti n'omuntu alira omwana we omuberi.

Matayo 11:25

Mu kiseera ekyo Yesu yaakoba ati: “Lata nkusaaka, Musengwa ow'eigulu n'ensi, kuba bino wabigisa abagezi n'abamanhi, waabimanhisa abato.

Matayo 11:27

“Byonabyona Lata wange yabingemya, era ghazira aidhi Mwana okutoolaku Lata, waire aidhi Lata okutoolaku Mwana, n'oyo Mwana y'aba asiimye okumumanhisa.

Matayo 16:17

Yesu yaamukoba ati: “Simoni mutabane wa Yona, oli wa nkabi, kuba ti muntu buntu eyakubwikulira ekyo, aye Lata wange ow'omu igulu.

Mariko 16:15

Agho yaabakoba ati: “Muje mu nsi yoonayoona mukobere ebitonde byonabyona Amawulire Amalungi.

Luka 15:10

Kale ka mbakobere: Ebaayo okusagamba mu bamalaika ba Katonda olw'omwonooni omulala eyeenenia.”

Luka 2:26

Mwoyo Mutukuvu yali amaze okumumanhisaaku ati talifa ng'akaali kubona ku Kurisito, omusiige wa Musengwa.

Luka 9:6

Agho baasimbuka baabitabita mu buli kyalo nga bakobera abantu Amawulire Amalungi woonawoona, era nga bawonia abalwaire.

Yoanne 15:26

“Aye Omubeezi bw'aliidha ye ndibatumira okuva eri Lata, Mwoyo ow'amazima ava mu Lata, oyo alindhulira.

Ebikolwa by'Abatume 10:44

Agho Petero yali akaayogera ebyo, Mwoyo Mutukuvu yaika ku boonaboona abaali bawulirisa bye yali ayogera.

Ebikolwa by'Abatume 16:10

Bwe yamala okubonekerwa, mangu ago twasala amagezi okuja e Makedonia nga tukakaisa tuti Katonda atwese okukobera abaayo Amawulire Amalungi.

Ebikolwa by'Abatume 2:33

Mperaano, bwe yamala okuniinisibwa ku mukono omusaadha ogwa Katonda, era n'okufuna Mwoyo Mutukuvu, eyamusuubizibwa Katonda Lata, n'okutugha ekirabo kino kye muli kubona era kye muli kuwulira.

Ebikolwa by'Abatume 4:31

Bwe baamala okusaba, ekifo ghe baali beesololeiza kyatengeesebwa, boonaboona baidhula Mwoyo Mutukuvu, baayogera ekibono kya Katonda nga bagumu.

Ebikolwa by'Abatume 4:8

Agho Petero ng'aidhwire Mwoyo Mutukuvu yaabairamu ati: “Imwe abafuzi ab'eighanga n'abakulu ab'ebika,

Ebikolwa by'Abatume 8:25

Bwe baamala okukakasa n'okukobera abantu ekibono kya Musengwa, bairayo e Yerusalemu, nga baja bakobera abantu ab'omu byalo kamaala eby'e Samaria Amawulire Amalungi.

Ab'e Roma 1:15

Kale ni mwena ab'e Roma, neegomba inho okubakobera Amawulire Amalungi.

Ab'e Roma 1:17

Kuba mu Mawulire ago obutuufu bwa Katonda mwe bubonekera. Obutuufu obwo Katonda abutugha lwa kwikiriza, era butoolerera mu kwikiriza bweyongerera mu kwikiriza. Era nga bwekyaghandiikibwa kiti: “Omutuufu anaabanga mulamu lwa kwikiriza.”

Ab'e Roma 10:15

Era balikoberwa batya, nga ghazira batumiibwa? Nga bwe kyaghandiikibwa kiti: “Okwidha kw'abo abaleeta Amawulire Amalungi nga kusangaaza!”

Ab'e Roma 15:19

mu maani ag'obumanhiso n'ebyewuunhio, ni mu maani aga Mwoyo Mutukuvu. Kale ntyo okuviira irala e Yerusalemu okutuukira irala mu Iluriko, nkobera abantu Amawulire Amalungi aga Kurisito.

1 Ab'e Korintho 2:10

Aye niife Katonda be yamanhisa ekyama kye ng'abita mu Mwoyo we. Kuba Mwoyo aidhi buli kintu, era n'entegeka dha Katonda edh'omunda.

2 Ab'e Korintho 1:22

Yatutaaku akamanhiso ke ng'ababe, era yatugha Mwoyo Mutukuvu mu myoyo gyaife ng'omusingo olw'ebyo by'atuterekera.

2 Ab'e Korintho 6:6

Era twoleka nga tuli bagheereza ba Katonda, mu bwamufu, mu kumanha, mu kuguminkiriza, mu kuba ab'ekisa, mu kuba ni Mwoyo Mutukuvu, era ni mu kugonza kwenekwene.

Ab'e Galatia 1:12

Ghazira muntu yagankobera oba okugandhegeresa; Yesu Kurisito mwene n'eyagandholeka.

Ab'e Galatia 1:16

Era bwe yasalagho okundholeka Omwana we nsobole okukobera abamaghanga agandi Amawulire Amalungi agamufaaku, tyebuuzaaku ku muntu yeenayeena,

Ab'Efeso 3:10

Mperaano ng'abita mu Kikunsu ky'Abaikiriza mu Kurisito, Katonda ayenda amanhise abafuzi n'ab'obukumu abali mu igulu amagezi ge agatakoma.

1 Ab'e Thessalonika 2:9

Aboluganda, mwidhukira bwe twakolanga nga tufaabiikana omusana n'obwire, tulobe kukaluubiriza muntu yeenayeena ku imwe nga tubakobera Amawulire Amalungi aga Katonda.

1 Timotheo 3:16

Bwenebwene ekyama eky'endhikiriza yaife kikologho: “Yaboneka nga muntu mwene, yaakakasibwa Mwoyo, yabonebwa bamalaika. Yaalangirirwa mu maghanga, yaikirizibwa mu nsi yoonayoona, era yaatwalibwa mu igulu mu kitiisa.”

Abaheburayi 11:13

Abo boonaboona baafiira mu kwikiriza nga bakaali kufuna ebyo Katonda bye yabasuubiza, aye nga babirengerera ghala era nga babisangaalira, era nga baatula nga bwe baali abavaghala era abanoonia obubudamo ku nsi kuno.

Abaheburayi 2:4

Ni Katonda mwene yeena yaakakasa ebibono byaibwe ng'akola obumanhiso, n'ebyewuunhio, n'ebyewuninkiriza eby'endhawulo, era ng'agaba n'ebirabo bya Mwoyo Mutukuvu nga bwe yayendanga.

Abaheburayi 4:2

Kuba twena twawulira Amawulire Amalungi ng'oti ni beene bwe baagawulira. Aye bye baawulira tibyabaganhula, kuba byabaagaana nga baziramu kwikiriza.

1 Petero 1:25

aye ekibono kya Musengwa kibaagho ebyanda n'ebyanda.” Ekibono kino n'Amawulire Amalungi agaabakoberwa.

1 Petero 4:6

Era Amawulire Amalungi kye gaava ni gakoberwa n'abafu, olwo waire nga baasalirwa omusango ng'abantu boonaboona bwe basalirwa, basobole okuba n'obulamu ng'oti ni Katonda mu mwoyo.

Okwolekebwa 5:11

Agho naabona era naawulira amamiro ga bamalaika, enkumi n'enkumi, obukaire n'obukaire, nga beezungulwire ekityamo eky'obwakyabazinga n'ebitonde ebiramu, n'abakulembeze.