1 Petero 1:10 - Baibuli Ekibono kya Katonda 2014

¹⁰ Abalanzi abalanga ekisa kino Katonda kye yali ow'okubagemerwa, beefumintiriza era baanoonereza ebigema ku kulokolwa kuno.

1 Petero 1:10 Iomraidhean Croise

Amainhama 49:10

Yuda n'anaagemanga omwigo ogw'obwakyabazinga, era baidhukulu be n'abanaafuganga, okutuusa mwene bwakyabazinga lw'aliidha. Era oyo abantu ye banaawuliranga.

Ensambo 2:4

Noonianga woonawoona amagezi ng'oti n'ole anoonia feeza, era ogaagalenga buli ghantu ng'oti n'ayagala eky'obukombe kye baagisa.

Danieli 2:44

Mu biseera eby'abafuzi abo, Katonda ow'eigulu alitaagho obwakyabazinga nga ghazira kisobola kubuzikiriza, era ng'ezira ighanga lisobola kubaghangula. Aye bulimaniangula obwakyabazinga obundi bwonabwona bwabusaaniagho, bwene bwabaagho ebyanda n'ebyanda.

Danieli 9:3

Agho naakyukira eri Musengwa Katonda wange, naamusaba nga mweghemba, naasiiba, naavaala ekutiya, era naatyama mu ivu.

Haggai 2:7

Nja kutengeesa amaghanga goonagoona, eby'obukombe byago byonabyona bireetebwe ghano, olwo ndidhuze eisinzizo lino eby'obukombe.

Zekaria 6:12

Omukobe oti Musengwa Katonda Afuga Amagye akoba ati, ‘Bona eno, omuntu ayetebwa eriina Olusaga aja kukulira gheene agho mwene gh'ali, era aja kuzimba eisinzizo lya Musengwa Katonda.

Matayo 13:17

Bwenebwene mbakobera nti, abalanzi kamaala n'abantu abatuufu beegomba okubona bye mubona, aye tibaabibona era n'okuwulira bye muwulira aye tibaabiwulira.

Matayo 26:24

Kale Omwana w'Omuntu aja kufa nga bwe kyamughandiikibwaku, aye akagwireku oyo anaaghaayo Omwana w'Omuntu! Omuntu oyo kyandimubeereire kikalamu nguli tiyazaalibwa.”

Luka 10:24

Kuba ka mbakobere: Abalanzi kamaala ni bakyabazinga beegomba okubona bye mubona, aye tibaabibona, era n'okuwulira bye muwulira aye tibaabiwulira.”

Luka 24:44

Olumaliira yaabakoba ati: “Bino n'ebibono byange bye nabakoberanga nga nkaali n'imwe, nti buli kintu kyonakyona ekyampandiikibwaku mu Mateeka ga Musa n'abalanzi, ni mu Zabbuli kiri n'okutuukirizibwa.”

Yoanne 5:39

“Mwagaaza mu Byaghandiikibwa nga mudhuuba muti mu ebyo mwe munaafunira obulamu obutawaagho, ate nga Ebyaghandiikibwa byene ebyo bindhulira,

Yoanne 7:52

Baamwiramu bati: “Iwe weena oli wa Galilaaya? Kinoonereze mu byaghandiikibwa, oidha kubona oti e Galilaaya tesobola kuva mulanzi.” [

Ebikolwa by'Abatume 10:43

Oyo abalanzi boonaboona ye boogeraku nga bakoba bati, ‘Kiisi amwikiriza asoniyibwa ebibi olw'amaani ag'eriina lye.’ ”

Ebikolwa by'Abatume 17:11

Abayudaaya baayo baali bakalamu okusinga ab'e Thessalonika, kuba baayangugha okwikiriza ekibono kya Katonda. Era buliidho nga beekebeedha Ebyaghandiikibwa okubona oba nga bityo bwe biri.

Ebikolwa by'Abatume 28:23

Baamulaga olunaku era ku olwo baidha kamaala mu ndhu mwe yasulanga. Era okuva enkyo okutuusa eigulo yaabainhonholanga era ng'abakobera eby'Obwakyabazinga bwa Katonda. Yaafubanga okubaikirizisa Yesu nga adhuliza eby'omu Mateeka ga Musa n'ebyaghandiikibwa abalanzi.

Ebikolwa by'Abatume 7:52

Mulanzi ki badhaadha baimwe ye bataakiriga? Baita abo abaalanga okwidha kw'omugheereza we omutuufu, imwe ye mwalyamu olukwe ni mumwita.

Abaheburayi 11:13

Abo boonaboona baafiira mu kwikiriza nga bakaali kufuna ebyo Katonda bye yabasuubiza, aye nga babirengerera ghala era nga babisangaalira, era nga baatula nga bwe baali abavaghala era abanoonia obubudamo ku nsi kuno.

Abaheburayi 11:40

Kuba Katonda yatutegekera ekisinga obukalamu, abo balobe kufuulibwa batuukiriire okutuusa nga twena tubeeyimbyeku.

1 Petero 1:11

Baagezaaku okunoonereza okumanha ekiseera okulokoka okwo kye kuliidhiramu, era n'ensambo ye kuliidhamu, nga bajiira ku Mwoyo wa Kurisito eyabalimu, baalanga okudaagadaaga okwali kuli n'okutuuka ku Kurisito, era n'ekitiisa ekyali kiri n'okukuvaamu.

1 Petero 1:13

Kale ni mu myoyo gyaimwe mubenga beetegefu era mwefugenga. Eisuubi lyaimwe lyonalyona mulitenga mu kisa Katonda ky'aja okubagemerwa ku lunaku Yesu Kurisito lw'alibonekeraku.