1 Ebyomubyanda 9:23 - Baibuli Ekibono kya Katonda 2014

²³ Kale abantu abo ghalala n'abaana, ni baidhukulu baibwe, baajanga nga bakuuma emiryango gy'eisinzizo.

1 Ebyomubyanda 9:23 Iomraidhean Croise

1 Ebyomubyanda 23:32

Era baagheebwa ogw'okulabiriranga Eweema ey'Okwagaananirangamu ni Musengwa Katonda, n'Ekifo Ekitukuvu, nga babeeraku baganda baibwe bakabona ab'olulyo lwa Aaroni okugheerezanga mu isinzizo lya Musengwa Katonda.

1 Ebyomubyanda 26:12

Abakuumi b'emiryango baabagaba mu bikunsu bikunsu, baabata mu ngobo edh'okugheereza mu isinzizo lya Musengwa Katonda nga bajiira ku bakulu b'enda dha baiseibwe, ng'oti bwe kyalinga ku Balevi banaibwe abandi.

1 Ebyomubyanda 9:22

Abo boonaboona abaalondebwa okuba abakuumi b'emiryango, baali ebikumi bibiri na ikumi na babiri (212). Baabaghandiika mu nkalala edh'obuzaale bwaibwe, nga bajiira ku byalo byaibwe bye baabangamu. Kyabazinga Daudi n'omulanzi Samueli, n'abaataagho abantu abo okukolanga mu butongole.

1 Ebyomubyanda 9:24

Abakuumi abo baabanga ku ndhuyi dhoonadhoona edh'eisinzizo: e buvandhuba, e bugwandhuba, ku luuyi olw'omukono omugooda olw'e buvandhuba, ni ku luuyi olw'omukono omusaadha olw'e buvandhuba.

2 Ebyomubyanda 23:19

Yehoiada era yaataagho abakuumi ku miryango gy'eisinzizo, lirobenga kwingirwamu atali mulongoofu.

Nehemia 12:45

nga baakola emikolo egy'okwetukuza, n'emikolo egindi, ng'oti n'abembi boona bwe baakolanga ogw'okwemba, n'abakuumi b'emiryango ni baakola ogw'okukuuma, bajiira ku kiragiro kya Daudi ni mutabane we Solomoni.

Ezekieli 40:45

Omusaadha ole yankobera ati ekisenge ekiringiriire ku luuyi olw'omukono omusaadha olw'e buvandhuba kya bakabona abalabirira eisinzizo.

Ezekieli 44:14

Aye ate nja kubagha ogw'okulabirira eisinzizo n'okukola emirimo gyamu gyonagyona.”