1 Ebyomubyanda 9:22 - Baibuli Ekibono kya Katonda 2014

²² Abo boonaboona abaalondebwa okuba abakuumi b'emiryango, baali ebikumi bibiri na ikumi na babiri (212). Baabaghandiika mu nkalala edh'obuzaale bwaibwe, nga bajiira ku byalo byaibwe bye baabangamu. Kyabazinga Daudi n'omulanzi Samueli, n'abaataagho abantu abo okukolanga mu butongole.

1 Ebyomubyanda 9:22 Iomraidhean Croise

1 Ebyomubyanda 28:13

Era yaamugha entegeka yoonayoona ey'engobo dha bakabona n'Abalevi, n'entegeka ey'omulimo gwonagwona ogw'okugheereza mu isinzizo lya Musengwa Katonda, n'ey'ebintu byonabyona eby'okukozesanga mu isinzizo eryo.

1 Ebyomubyanda 28:21

Bakabona n'Abalevi baabo bamaze okugheebwa emirimo gyonagyona gye banaakolanga mu ngobo mu isinzizo. Abakozi abali n'obumanhirivu obw'okukola kiisi mulimo baligho era beetegefu okukola. N'abakulembeze boona, ghalala n'abantu boonaboona baidha kugonderanga by'onaabalagiranga.”

1 Ebyomubyanda 29:29

Byonabyona kyabazinga Daudi bye yakola, okuviira irala ku kyasooka okutuukira irala ku kyasembayo, biri mu bighandiiko by'abalanzi, Samueli, ni Nathani, ni Gadi.

1 Ebyomubyanda 9:16

Era ghaabaagho n'Abalevi abandi bano: Obadia mutabane wa Shemaia era mwidhukulu wa Galali ni Yeduthuni ni Berekia mutabane wa Asa era mwidhukulu wa Elukana eyabanga mu byalo by'Abanetofa.

1 Ebyomubyanda 9:23

Kale abantu abo ghalala n'abaana, ni baidhukulu baibwe, baajanga nga bakuuma emiryango gy'eisinzizo.

1 Ebyomubyanda 9:31

Owundi ku Balevi abo ye baayetanga Mattithia, nga n'omwana omuberi owa Shallumu eyasimuka mu Kora, n'eyakolanga ogw'okufumba emigaati emitono.

2 Ebyomubyanda 23:19

Yehoiada era yaataagho abakuumi ku miryango gy'eisinzizo, lirobenga kwingirwamu atali mulongoofu.

2 Ebyomubyanda 31:15

Abaamuyambangaku baali, Edeni, ni Miniaminu, ni Yeshua, ni Shemaia, ni Amaria, ni Shekania. Baamuyambangaku n'obwesigwa mu bibuga bya bakabona, okugabira Balevi banaibwe ebintu, abakulu n'abato, mu bikunsu byaibwe

2 Ebyomubyanda 31:18

Bakabona baaghandiikibwanga ghalala ni bakazi baibwe, n'abaana baibwe abalenzi n'abaghala, n'ab'omu maka gaibwe boonaboona kuba kyabeetaagisanga okwekuuma nga batukuvu okukola omulimo gwaibwe ekiseera kyonakyona.

Nehemia 11:36

Ghaligho ebikunsu eby'Abalevi ebyabanga mu kiketezo kya Yuda, ebyasengulwa ni biizibwa mu kiketezo kya Benjamini.

Nehemia 12:44

Ku lunaku olwo baataagho abantu ab'okulabiriranga amaterekero omwateebwanga ebigheebwayo eby'eisinzizo bino: ebirime ebisooka okukungulwa, n'ekintu ekirala ekirala ku buli bintu ikumi omuntu by'afuna. Era mu materekero omwo, mwe baasololezanga emigabo egyagheebwanga bakabona n'Abalevi okuva mu misiri egya buli kibuga, ng'Amateeka bwe galagira. Abayudaaya baakola batyo kuba baasanhukira inho ensambo bakabona n'Abalevi ye baagheerezangamu Katonda,

1 Samueli 9:9

(Eira mu Isiraeli, omuntu bwe yajanga okwebuuza ye Katonda, ng'akoba ati: “Kola tuje y'omuboni.” Mu biseera ebyo omulanzi baamwetanga muboni.)