1 Ebyomubyanda 9:19 - Baibuli Ekibono kya Katonda 2014

¹⁹ Shallumu mutabane wa Kore, era mwidhukulu wa Abiasafu eyali mutabane wa Kora, ghalala n'ab'oku nda ye abaasimuka mu dhaadha we Kora, n'abaakolanga ogw'okukuuma emiryango gy'Eweema nga badhaadha baibwe bwe baakuumanga emiryango gy'ekifo ghe baasimbanga Weema ya Musengwa Katonda.

1 Ebyomubyanda 9:19 Iomraidhean Croise

2 Bakyabazinga 11:15

Yehoiada tiyayenda Athalia bamwitire mu isinzizo lya Musengwa Katonda. Kale yaalagira abaduumizi b'eigye, ati: “Mumufulumye nga mumubikiza mu nhiriri dh'abaisirukale, era omuntu yeenayeena agezaaku okumutoola mu nhiriri, mumwite bwite.”

2 Bakyabazinga 11:9

Abaduumizi baakola byonabyona Yehoiada kabona bye yalagira: buli muduumizi yaaleeta eri Yehoiada oyo abasaadha be abaali baja okukuuma ku Sabbato, ghalala n'abo abaali bamaze okukuuma.

2 Bakyabazinga 12:10

Bwe baabonanga nga mu sanduuku mughezeemu empiiya kamaala, omughandiisi wa kyabazinga n'Omukulu wa Bakabona baidhanga, baabala empiiya edho dhe baagaine mu isinzizo, baadhisiba mu bisawo.

1 Ebyomubyanda 9:18

Abo n'abaakuumanga omulyango ogw'e buvandhuba ogwetebwa Omulyango gwa Kyabazinga. Era n'abaakuumanga emiryango mu kifo Abalevi ghe baasimbanga weema dhaibwe.

1 Ebyomubyanda 9:20

Finehasi mutabane wa Eleazari n'eyakuliranga abakuumi abo mu biseera eby'eira, Musengwa Katonda ng'aba ghalala naye.

Zabbuli 42:1

Ng'empongo bweyeegomba okutuuka ku mwiga ogw'amaadhi amainhogovu, zeena ntyo bweneegomba okutuuka gh'oli, iwe Katonda wange.

Zabbuli 44:1

Wo Katonda waife, twawulira n'amatu gaife nga badhaadha baife batukobera ebyo bye wakolanga mu nnaku dhaibwe, mu biseera ebyabita.

Zabbuli 49:1

Imwe abantu mwenamwena muwulire bino! Mutege kutu imwe mwenamwena ab'oku nsi,

Zabbuli 84:10

Okumala olunaku olulala mu isinzizo lyo, kusinga okumala enaku olukumi aghantu aghandi woonawoona. Mmala gaba mukuumi ku mulyango gw'endhu ya Katonda wange, ntabaire munda mwa ndhu dha bakozi ba bibi;

Yeremia 35:4

naabatwala mu isinzizo. Agho naabaingiza mu kisenge ky'abeegeresebwa ab'omulanzi ayetebwa Hanani mutabane wa Igadalia. Ekisenge ekyo kyali ghaigulu gh'ekisenge kya Maaseia mutabane wa Shallumu eyakuumanga omulyango gw'eisinzizo. Era nga kiri kumpi n'ebisenge eby'abakungu abandi ab'omu isinzizo.

Yeremia 52:24

Nebuzaradani omuduumizi w'abakuumi ba kyabazinga w'e Babilonia, era yaagema Seraia Kabona Omukulu, ni Zefania kabona amwiririra, n'abakuumi b'omulyango ogwingira mu isinzizo abasatu.