1 Ebyomubyanda 8:40 - Baibuli Ekibono kya Katonda 2014

⁴⁰ Batabane ba Ulamu baali balwani ba maani, abakugu mu kulasa obusaale. Baaliku abaana n'abaidhukulu kamaala, nga boonaboona aghalala baghera kikumi n'ataanu. Abo boonaboona n'abaali mu kika kya Benjamini.

1 Ebyomubyanda 8:40 Iomraidhean Croise

1 Ebyomubyanda 12:2

Baali ba mu kika kya Benjamini nga Saulo bweyali, era nga baghanga okukozesa omukono gwonagwona, ka gube omusaadha oba omugooda, okulasa obusaale n'okuwoloba amabaale mu nsuumulo.

1 Ebyomubyanda 8:39

Esheki muganda wa Azeli oyo yaazaala abaana bano: Ulamu nga n'omuberi, yaizaaku Yeushi, ate yaizaaku Elifeleti.

1 Ebyomubyanda 9:1

Abaisiraeli boonaboona baaghandiikibwa mu nkalala edh'obuzaale bwaibwe. Enkalala edho dhaaghandiikibwa mu Kitabo kya Bakyabazinga ba Isiraeli. Agho abantu b'omu kika kya Yuda baali nga bamaze okutwalibwa e Babilonia mu bunhage, ng'ekibonerezo olw'ebibi byaibwe.

2 Ebyomubyanda 14:8

Kyabazinga Asa yali n'eigye ly'abalwani emitwalo amakumi asatu (300,000) abaava mu kika kya Yuda, abaalwanisanga engabo n'amafumo. Era yaaba n'abalwani emitwalo abiri na munaana (280,000) abaava mu kika kya Benjamini, abaalwanisanga engabo n'obulaso. Abo boonaboona baali balwani ba maani abaziramu ntete.