1 Ebyomubyanda 7:29 - Baibuli Ekibono kya Katonda 2014

²⁹ Baidhukulu ba Manasse baali mu Bethi Sheani n'ebibuga ebikyezungulwire, ni mu Taanaki n'ebibuga ebikyezungulwire, ni mu Megiddo n'ebibuga ebikyezungulwire, ni mu Dori n'ebibuga ebikyezungulwire. Ebifo ebyo byonabyona, n'ebyasengamu baidhukulu ba Yosefu mutabane wa Isiraeli.

1 Ebyomubyanda 7:29 Iomraidhean Croise

1 Bakyabazinga 4:12

Baana mutabane wa Ahiludi yaalabirira ebibuga Taanaki ni Megiddo, ghalala n'ekiketezo kyonakyona eky'e Bethi Sheani ekiriiraine ekibuga Zarethani, eifo gh'ekibuga Yezireeli. Baana oyo era yaalabirira n'ekiketezo ekiva e Bethi Sheani okutuuka ku kibuga Abeli Mehola, n'okutuukira irala ku luuyi lule olw'ekibuga Yokimeamu.

1 Bakyabazinga 9:15

Bino n'ebintu kyabazinga Solomoni bye yakola ng'akozesa abantu be yakakanga obukake: Yazimba eisinzizo n'ekisaagaati kye eky'obwakyabazinga; yaazimba ekifo kye baidhuzaamu eitaka ekyetebwa Millo; yaazimba ekimante ku kibuga Yerusalemu okukyezunguluza; yaazimba n'ebibuga, Hazori, Megiddo ni Gezeri.

2 Bakyabazinga 23:29

Mu biseera bye ng'akaali kyabazinga, kyabazinga Neko ow'e Misiri yaidha n'eigye okubeeraku kyabazinga w'e Assiria kumpi n'omwiga Eufurate. Agho kyabazinga Yosia yaaja okumulwanisa. Neko bwe yabona Yosia, yaamwitira e Megiddo.

2 Bakyabazinga 9:27

Ahazia kyabazinga wa Buyudaaya bwe yabona ebibairegho, yaalumukira mu kigaali kye eky'omu lutalo ng'agemye engira eja e Bethi Haggani. Yehu yaamubingirira, era yaakoba abasaadha be ati: “N'oyo yeena mumufumite.” Baamufumitira mu kigaali kye eky'omu lutalo, ere ng'oniinaniina Guri ekiri okumpi ni Ibuleamu. Yaalumukira e Megiddo yaafiira eyo.

2 Ebyomubyanda 35:22

Aye era Yosia yaaloba kubivaaku naire, yaaloba kuwulirisa Katonda bye yayogera ng'abita mu Neko. Kale yeefuusafuusa era yaaja okulwana olutalo mu kiketezo eky'oku museetwe e Megiddo.

Zekaria 12:11

Mu kiseera ekyo, okulira mu Yerusalemu kuliba kwa maani ng'oti bwe baalira Hadadi Rimmoni mu kiketezo eky'oku museetwe e Megiddo.

Okwolekebwa 16:16

Emizimu emibi egyo gyasololeza bakyabazinga mu kifo ekyetebwa Arimageddo mu Luheburayi.

Abalamuzi 5:19

Bakyabazinga baidha baalwana, bakyabazinga ab'e Kanaani baalwanira e Tanaka ku maadhi g'e Megiddo, aye baaloba kufunayo munhago gwa mpiiya.

1 Samueli 31:10

Baata eby'okulwanisa bya Saulo mu isabo ly'omusambwa omukazi Ashitarothi, era baakomerera omulambo gwe ku kimante ky'ekibuga Bethi Shani.