1 Ebyomubyanda 5:20 - Baibuli Ekibono kya Katonda 2014

²⁰ Baata obwesige mu Musengwa Katonda nga bamusaba ababeere, era yaababeera yaabaleetera okughangula Abahagari ghalala ni boonaboona abaali nabo.

1 Ebyomubyanda 5:20 Iomraidhean Croise

Amainhama 25:21

Isaaka yaasabira mukazi we, eyali omugumba. Musengwa Katonda yairamu okusaba kwe, Rebekka yaatoola enda.

Amainhama 49:19

Gadi alirumbibwa abanhazi, aye alibairirizaayo yaababingirira.

1 Bakyabazinga 22:32

Agho abaduumizi b'ebigaali eby'omu lutalo abo bwe baabona kyabazinga Yehoshafati, baadhuuba bati ni kyabazinga wa Isiraeli, era baakyuka okumulwanisa. Aye Yehoshafati oyo bwe yayana einho,

1 Ebyomubyanda 5:21

Baanhaga ku bazigu abo engamiya emitwalo etaanu (50,000), entaama emitwalo amakumi abiri n'etaanu (250,000), n'endogoyi enkumi ibiri (2,000), era baatwala n'abasibe emitwalo ikumi (100,000).

1 Ebyomubyanda 5:22

Era baita mu bazigu abo abantu kamaala, kuba Katonda n'eyalwana olutalo olwo. Baaba mu biketezo ebyo nga babyefuze, okutuusa lwe baatwalibwa mu bunhage.

2 Ebyomubyanda 13:18

Kale Abaisiraeli baaghangulwa batyo ku mukuzi ogwo, ate Abayudaaya baaba baghanguzi, kuba Abayudaaya abo beesiga Musengwa Katonda, oyo Katonda wa badhaadha baibwe.

2 Ebyomubyanda 18:31

Agho abaduumizi b'ebigaali eby'omu lutalo abo bwe baabona kyabazinga Yehoshafati, baadhuuba bati ni kyabazinga wa Isiraeli, era baakyuka okumulwanisa. Aye Yehoshafati oyo bwe yayana einho, Musengwa Katonda yaamubeera, yaamubawonia.

2 Ebyomubyanda 20:12

Wo Katonda waife, babonereze, kuba ife tuzira maani ga kulwanisa igye inene lino eritulumbye. Titwidhi kya kukola, aye tulingiriire ku iwe.”

2 Ebyomubyanda 26:7

Katonda yaamubeeraku okughangula Abafilisiti, n'Abawarabu abaabanga e Gurubaali, n'Abameuni.

2 Ebyomubyanda 33:13

Yaasaba Katonda, era Katonda oyo yaikiriza okwegayirira kwe, n'okusaba kwe yaakuwulirisa, yaamwiza e Yerusalemu ku bwakyabazinga bwe. Olwo Manasse yaamanha nga Musengwa Katonda ni Katonda.

Ezera 8:23

Kale twasiiba era twasaba Katonda waife oyo okutukuuma, era yaawulira okusaba kwaife.

Zabbuli 37:39

Musengwa Katonda alokola abo abatuufu, era abakuuma mu biseera ebizibu.

Zabbuli 37:40

Ababeera era yaabawonia ng'abatoola mu ngalo dh'ababi, kuba bamwesiga.

Zabbuli 46:1

Katonda n'omukuumi waife, era oyo n'amaani gaife, buliidho abaagho era nga mwetegefu okutubeera nga tuli mu buzibu.

Zabbuli 9:10

Abo abakwidhi, obwesige bwaibwe babuta mu iwe, kuba Musengwa Katonda tiweerabira abo abatakabana okwidha y'oli.

Okuvaayo 17:11

Kiisi Musa lwe yaghanikanga omukono ng'Abaisiraeli banhigiriza Abamaleki, ate kiisi lwe yagwisanga ng'Abamaleki n'abanhigiriza Abaisiraeli.

Ensambo 29:25

Omuntu ali n'okutya aba mu kabi, aye ole eyeesiga Musengwa Katonda, Katonda oyo amuwonia ebizibu.

Yeremia 39:18

Bwenebwene ndikuwonia baaloba kukwita, waawoniagho obulamu bwo olw'okuneesiga. Nze Musengwa Katonda, ninze nkobye.’ ”

Danieli 6:23

Agho kyabazinga yaasangaala ebitaloodheka era yaalagira batoole Danieli mu kiina omwali empologoma. Kale baamutoolayo mu kiina ekyo nga ghazira kabi koonakoona kamutuuseeku, kuba yeesiga Katonda we.

Nahumu 1:7

Musengwa Katonda mulungi, oyo n'ekifo eky'okwewogomamu mu biseera ebizibu; alabirira abo abamwesiga.

Ab'Efeso 1:12

mwe yatulondera. Ife abaasooka okuba n'eisuubi mu Kurisito, tubeegho nga tusaaka ekitiisa kya Katonda.

Yoshua 10:14

Einhuma ere yali tebangayooku lunaku luli ng'oti n'olwo, era kasookanga olwo lubita, kabiri tebangayooku luli ng'oti n'olwo Musengwa Katonda lwe yagondera ekibono eky'omuntu kuba ku olwo Musengwa Katonda yalwanirira Isiraeli.

Yoshua 10:42

Yoshua n'abasaadha be, baaghangula mu lulwana lulala bakyabazinga abo boonaboona, era baabatoolaku ebiketezo byaibwe. Kuba Musengwa Katonda wa Isiraeli, yalwanirira Isiraeli.

Yoshua 23:10

Omuntu yeenayeena ku imwe, asobola okuleetera abantu olukumi (1,000) okulumukagho. Kuba Musengwa Katonda waimwe n'abalwaniragho entalo dhaimwe, nga bwe yabasuubiza.

1 Samueli 19:15

Agho Saulo yaatuma abakwenda baireyo bamuboneku beene. Yaabakoba ati: “Muje mumubbeedere ku buliri bwe, mumuleete ghano, mmwite.”

1 Samueli 7:12

Agho Samueli yatoola eibaale yaalisimba ghagati wa Mizipa ni Sheni, yaalituuma eriina Ebenezeri ng'akoba ati: “Musengwa Katonda atuyambye okutuusa mperaano.”