1 Ebyomubyanda 5:2 - Baibuli Ekibono kya Katonda 2014

² Mu butuufu, waire nga Yuda yafuuka ow'amaani mu baganda be boonaboona, era waire nga mu kika kye mwavaamu omukulembeze, aye era obukulu obw'okuzaalibwa bwasigala nga bwa Yosefu.

1 Ebyomubyanda 5:2 Iomraidhean Croise

Amainhama 25:31

Yakobo yairamu ati: “Mpaamu obukulu bwo obw'okuba omwana omuberi memale mbikughe.”

Amainhama 35:23

Batabane ba Leeya ni bano: Reubeni omwana wa Yakobo omuberi, ni Simeoni, ni Levi, ni Yuda, ni Issakari, ni Zebuluni.

Amainhama 48:5

Era mpegaano batabane bo bombi, abaakuzaalirwa eno mu nsi y'e Misiri, nga nkaali kwidha y'oli, bange. Efuraimu ni Manasse baidha kubanga batabane bange, ng'oti ni Reubeni ni Simeoni bwe bali.

Amainhama 49:26

Enkabi dha lata wo dhisingira irala enkabi edh'oku nsozi edh'olubeerera, n'ebirungi eby'oku busozi obutawaagho. Enkabi edho dhibenga ku mutwe gwa Yosefu, ku bisige by'oyo eyayawulwa ku baganda be.

2 Samueli 8:15

Kale atyo Daudi yaafuga Isiraeli yoonayoona, yaakoleranga abantu be ebintu mu butuufu ni mu mazima.

1 Ebyomubyanda 28:4

Aye ate mu b'oku nda ya lata wange boonaboona, Musengwa Katonda, Katonda wa Isiraeli ninze ye yalondamu okuba kyabazinga wa Isiraeli oyo ebyanda n'ebyanda. Mu nda edh'abaasimuka mu Yuda, yalondamu enda ya lata wange. Ate mu baana ba lata wange, yaasiimamu nze okunfuula kyabazinga wa Isiraeli yoonayoona.

Zabbuli 108:8

Ensi Gileadi yange, n'eighanga ery'Abamanasse lyange, ate ery'Abaefuraimu n'enkoofiira yange ey'ekyuma, olwo ery'Abayudaaya lyaba omwigo gwange ogw'obwakyabazinga.

Zabbuli 60:7

Ensi ya Gileadi yange, n'eighanga ery'Abamanasse lyange; ate ery'Abaefuraimu n'enkoofiira yange ey'ekyuma; ery'Abayudaaya lyaba omwigo gwange ogw'obwakyabazinga.

Mika 5:2

Musengwa Katonda akoba ati: “Bethelehemu Efuratha, waire oli katono mu bibuga bya Buyudaaya, nja kukutoolamu omufuzi alifuga Isiraeli, ng'ali ku lulyo olw'abantu ab'eira einho abataja kwerabirwa.”

Okubala 2:3

Abanaasimbanga weema dhaibwe ku luuyi olw'e buvandhuba, baidha kubanga ab'ekika kya Yuda nga bali mu bikunsu byaibwe. Omukulembeze ow'ab'ekika kya Yuda, ni Nahashoni mutabane wa Amminadabu,

Okubala 7:12

Omukulembeze eyaghaayo ekigheebwayo kye olunaku olwasooka yali Nahashoni mutabane wa Amminadabu, nga n'akulira ekika kya Yuda.

Matayo 2:6

‘Iwe Bethelehemu mu nsi ya Yuda, toli mutene mu bwami obw'omu Yuda, kuba mu iwe n'omwidha okusimuka omufuzi, anaalabirira abantu bange Abaisiraeli.’ ”

Ab'e Roma 8:29

Kuba abo be yalonda yabaawula era yaabategeka okufaanana Omwana we, Omwana we oyo abe omuberi mu baganda be kamaala.

Amateeka Agokubiri 21:17

Aye aidha kuganhanga okutwala omwana ow'omukazi omunobe, nga n'omuberi. Olwo aghenga omwana oyo omugabo gwe ogw'emikuzi ebiri, ku bintu bye byonabyona by'ali nabyo. Kuba oyo n'omwana we eyasooka okuva mu maani ge. N'olw'ekyo oyo n'agwaniire ebintu ebiri n'okugheebwa omwana omuberi.”

Amateeka Agokubiri 33:17

Yosefu ali n'amaani ng'oti ga nte nume, n'amayiga ng'oti ga mbogo. Amayiga ago, n'enkumi n'enkumi edh'abalwani Abamanasse, era n'emitwalo n'emitwalo egy'abalwani Abaefuraimu. Amayiga ago aligakozesa okufula amaghanga, yaagasindiikiriza okugatuusa ensi y'ekoma.”

Abaheburayi 7:14

Kimanhiibwa bukalamu nga Musengwa waife yali wa mu kika kya Yuda, Musa ky'ataayogeraku nga kirivaamu bakabona.

Yoshua 14:6

Lulala, abantu ab'ekika ekya Yuda baidha ye Yoshua nga bakaali e Giligali. Owundi ku bantu abo ye baayetanga Kalebu mutabane wa Yefunne ow'oku nda ya Kenizzi yaamukoba ati: “Oidhi Musengwa Katonda kye yakoba Musa omusaadha we, ekigema ku iwe ni ku nze, nga tuli e Kadeshi Barinea.

Okwolekebwa 5:5

Agho owundi ku bakulembeze yankoba ati: “Otalira. Bona, oyo ayetebwa Empologoma, ow'omu ighanga lya Yuda, mwidhukulu wa Daudi yaghangula, era asobola okukakampula obumanhiso omusanvu, n'okuzingulula enzingo ey'ekitabo.”

Abalamuzi 1:2

Musengwa Katonda yairamu ati: “Ekika kya Yuda n'ekibe kisooke okuja. Nkighaire okufuga ensi eyo.”

1 Samueli 16:1

Musengwa Katonda yaakoba Samueli ati: “Olituusa li okunakughala, olw'okuba nga nabinga Saulo ku bwakyabazinga bwa Isiraeli? Gema eiyiga lyo ly'otaamu omuzigo ogw'ebibala eby'emiti emyoliva oliidhuze omuzigo, oje. Ndidha kukutuma ewa Yesse Omubethelehemu, kuba nonze owundi ku batabane be okuba kyabazinga.”

1 Samueli 16:10

Yesse yaaleetera Samueli batabane be musanvu. Aye Samueli yaamukoba ati: “Musengwa Katonda talonze ku abo.”

1 Samueli 16:12

Era yaatuma omuntu yaamuleeta. Yali anhirira, ng'ali n'amaiso amalungi era ng'aboneka bulungi. Agho Musengwa Katonda yaakoba Saulo ati: “Situka omusiige omuzigo, kuba n'oyo.”