1 Ebyomubyanda 5:1 - Baibuli Ekibono kya Katonda 2014

¹ Bano n'abaana n'abaidhukulu aba Reubeni omwana omuberi owa Isiraeli. Aye waire nga Reubeni oyo n'eyali omwana omuberi, omugabo gwe ogw'omwana omuberi baagumutoolaku, baagugha abaana ba Yosefu muganda we kuba Reubeni oyo yaba n'owundi ku baka lata we Yakobo mu buliri. Kale mu lukalala olw'obuzaale tiyaghandiikibwa ghe yandibaire ng'omwana omuberi.

1 Ebyomubyanda 5:1 Iomraidhean Croise

Amainhama 25:23

Musengwa Katonda yaamukoba ati: “Amaghanga abiri gali mu nda yo; olizaala ebika bibiri ebyawukaine. Ekindi kinaasinzanga kiinaakyo amaani; omukulu n'anaagheerezanga omuto.”

Amainhama 25:31

Yakobo yairamu ati: “Mpaamu obukulu bwo obw'okuba omwana omuberi memale mbikughe.”

Amainhama 29:32

Leeya yaatoola enda, yazaala omwana mulenzi, yaamutuuma eriina Reubeni, kuba yakoba ati: “Musengwa Katonda aboine okudaazibwadaazibwa kwange, mpegaano baze aidha kuunhenda.”

Amainhama 35:22

Agho Isiraeli bweyali ng'akaali mu nsi eyo, Reubeni yaaja, yaaba ni Biliha omukazi wa ise ow'embali. Isiraeli yaakimanha. Batabane ba Yakobo baali ikumi na babiri.

Amainhama 46:8

Gano n'amaina g'eizaire lya Yakobo ni batabane be abaaja e Misiri: Reubeni omwana omuberi owa Yakobo

Amainhama 48:5

Era mpegaano batabane bo bombi, abaakuzaalirwa eno mu nsi y'e Misiri, nga nkaali kwidha y'oli, bange. Efuraimu ni Manasse baidha kubanga batabane bange, ng'oti ni Reubeni ni Simeoni bwe bali.

1 Ebyomubyanda 2:1

Bano n'abaana Yakobo be yazaala: Reubeni, Simeoni, Levi, Yuda, Issakari, Zebuluni,

1 Ebyomubyanda 26:10

Mu Balevi abaasimuka mu Merari, mwalimu Hosa eyazaala abaana abalenzi bano: Shimuri, ise ye yafuula omukulu waire nga ti n'eyali omwana omuberi.

Okuvaayo 6:14

Reubeni mutabane wa Yakobo omukulu yali n'abaana bano: Hamoki, Pallu, Hezironi, ni Karumi. Buli muntu ku abo yavaamu ekika. Edho n'enda edhaasimuka mu Reubeni.

Abalevi 18:8

Otawemulanga lata wo ng'oba n'owundi ku bakazi be mu buliri.

Abalevi 20:11

Omusaadha bw'anaabanga n'owundi ku baka ise mu buliri, anaabanga ng'awemwire ise. Era bombi, omusaadha oyo n'omukazi, banaitibwanga. Beene n'abanaabanga nga beereeteire okwitibwa.

Okubala 1:5

Gano n'amaina ag'abantu abo be muja okukola nabo: Ow'omu kika eky'Abareubeni, ni Elizuri mutabane wa Shedeura.

Okubala 16:1

Agho Kora mutabane wa Izahara era nga mwidhukulu wa Kohathi ow'ekika kya Levi, ghalala ni Dathani ni Abiramu batabane ba Eliabu, era ni Oni mutabane wa Pelethi, ow'ekika kya Reubeni,

Okubala 26:5

Ekika kya Reubeni, eyali omwana omuberi owa Yakobo, kyalimu enda dhino: eya Hanoka, n'eya Pallu,

1 Ab'e Korintho 5:1

Bakoba mbu mu imwe mulimu obwenzi obubi einho obutaagaanibwa na mu bataikiriza Katonda ng'omuntu okweiriza muka ise!

Amateeka Agokubiri 21:17

Aye aidha kuganhanga okutwala omwana ow'omukazi omunobe, nga n'omuberi. Olwo aghenga omwana oyo omugabo gwe ogw'emikuzi ebiri, ku bintu bye byonabyona by'ali nabyo. Kuba oyo n'omwana we eyasooka okuva mu maani ge. N'olw'ekyo oyo n'agwaniire ebintu ebiri n'okugheebwa omwana omuberi.”

Amateeka Agokubiri 27:20

“ ‘Omusaadha yeenayeena anaawemulanga ise, ng'aba n'owundi ku baka ise oyo mu buliri, akolimirwenga!’ “Olwo abantu boonaboona baliiramu bati, ‘Amiina.’

Amateeka Agokubiri 33:17

Yosefu ali n'amaani ng'oti ga nte nume, n'amayiga ng'oti ga mbogo. Amayiga ago, n'enkumi n'enkumi edh'abalwani Abamanasse, era n'emitwalo n'emitwalo egy'abalwani Abaefuraimu. Amayiga ago aligakozesa okufula amaghanga, yaagasindiikiriza okugatuusa ensi y'ekoma.”

Ab'e Kolosai 1:15

Kurisito ye tuboneramu Katonda ataboneka, omwana omuberi akulira ebitonde byonabyona.

Yoshua 14:6

Lulala, abantu ab'ekika ekya Yuda baidha ye Yoshua nga bakaali e Giligali. Owundi ku bantu abo ye baayetanga Kalebu mutabane wa Yefunne ow'oku nda ya Kenizzi yaamukoba ati: “Oidhi Musengwa Katonda kye yakoba Musa omusaadha we, ekigema ku iwe ni ku nze, nga tuli e Kadeshi Barinea.