1 Ebyomubyanda 4:9 - Baibuli Ekibono kya Katonda 2014

⁹ Ghaaligho omusaadha nga ni Yabezi, eyali ow'ekitiibwa okusinga baganda be. Inhina yamutuuma eriina eryo Yabezi, kuba yamuluma inho ng'amuzaala.

1 Ebyomubyanda 4:9 Iomraidhean Croise

Amainhama 3:16

Yaakoba omukazi ati: “Ndidha kwongeranga obulumi bungi mu biseera byo ng'oli nda; mu bulumi mw'onaazaaliranga abaana. Ate nga oidha kwendanga inho okuba aghali balo, era aidhanga kukufuga.”

Amainhama 34:19

Era omwisuka yaayangugha okukola ekyo, kuba yali ng'ayenda inho mughala wa Yakobo. Omwisuka oyo yali wa kitiibwa okusinga abandi boonaboona ab'endhu ya ise.

Amainhama 35:18

Bwe yali ng'ali kumpi okufa, kuba yali ali kufa, yaatuuma omwana eriina Benoni, ekitegeeza, “Omwana ye nzaaliire mu bulumi.” Aye ise w'omwana yaamutuuma eriina Benjamini, ekitegeeza, “Omwana aliba ow'enkabi.”

1 Ebyomubyanda 4:10

Yabezi yaasaba Katonda ati: “Wo Katonda, mpa enkabi, ogaziye ekiketezo kyange, era banga ghalala ninze okumponia buli kabi, kalobenga kuntuukaku.” Era Katonda yaamugha kye yasaba.

1 Ebyomubyanda 4:8

Kozi yaazaala Anubu, ni Zobeba, era yaaba dhaadha w'enda edhaasimuka mu Ahariheli mutabane wa Harumu.

1 Ebyomubyanda 7:23

Agho Efuraimu oyo yaaba ni mukazi we mu buliri, omukazi oyo yaatoola enda, yaazaala omwana mulenzi. Efuraimu yaamutuuma eriina Beria, kuba akabi kaagwira amaka ge.

Ensambo 23:25

Leka lata wo n'inhoko basangaale leka omukazi eyakuzaala asagambe.

Isaia 43:4

Ndighaayo abantu kamaala olw'okukuzaawula, era naaghaayo amaghanga mangi ku lw'obulamu bwo; kuba nkugonza inho era nkutwala ng'oli wa mughendo era wa kitiibwa ye ndi.

Ebikolwa by'Abatume 17:11

Abayudaaya baayo baali bakalamu okusinga ab'e Thessalonika, kuba baayangugha okwikiriza ekibono kya Katonda. Era buliidho nga beekebeedha Ebyaghandiikibwa okubona oba nga bityo bwe biri.

1 Samueli 4:21

Yaatuuma omwana eriina Ikabodi, ng'akoba ati: “Ekitiibwa kiviire ku Isiraeli”, olw'okuba Esanduuku ya Katonda baaginhaga, n'olw'okuba nhazaala we yafa, era n'iba baamwita.