1 Ebyomubyanda 4:43 - Baibuli Ekibono kya Katonda 2014

⁴³ Eyo baitirayo Abamaleki abaali bawoniegho nga balumukiireyo, beene baasengayo ni ye buli eno.

1 Ebyomubyanda 4:43 Iomraidhean Croise

2 Samueli 8:12

Edomu, Moabu, Ammoni, Filisitia, ni Amaleki. N'omunhago gwe yatoola ku kyabazinga Hadadezeri ow'e Zoba mutabane wa Rehobu, gwona yaagughaayo gwaba gwa Musengwa Katonda.

2 Ebyomubyanda 5:9

Emiti egyo gyali mireeyi inho, ng'omuntu ali mu isinzizo ng'ali mu maiso g'Ekifo Ekitukuvu aghanga okubona enkomerero yagyo, aye ng'ole ali kuliya taghanga kugibona. Emiti egyo gikaaliyo ni ye buli eno.

Yeremia 44:6

Kyenava ni mmalira obusungu bwange n'ekiruyi kyange ku bibuga by'omu Buyudaaya, ni mu nguudo dh'omu Yerusalemu. Naabikunaaniaku omuliro, byasigala agho bityo nga bifuuse bifulukwa byereere, nga bwe bikaali ni ye buli eno.

Matayo 27:8

Kyova ekibandha ekyo kyetebwa ekibandha eky'omusaayi ni ye buli eno.

Matayo 28:15

Baatwala empiiya baakola nga bwe baabakoba. Ekibono ekyo kyabuna mu Buyudaaya n'okutuusa buti.

Amateeka Agokubiri 34:6

Musengwa Katonda yaamuziika e Moabu mu kiiko ekiringiriire ekibuga Peori. Aye n'okutuusa mpegaano, ghazira aidhi kifo kyene ghe yaziikibwa.

Abalamuzi 1:26

Omusaadha oyo yaaja mu nsi ey'Abahitti, yaazimbayo ekibuga, yaakituuma eriina Luzi. Era bakaakyeta eriina eryo okutuusa ni mpegaano.

1 Samueli 30:16

Omwisuka Omumisiri oyo yaatwala Daudi eri abanhazi abo. Baabaagaana nga basansaaniire agho woonawoona, nga bali kulya, bali kunhwa, era nga bali kukina. Baali mu kusagamba olw'omunhago omungi gwe baatoola mu nsi Bufilisiti ni Buyudaaya.

1 Samueli 30:17

Agho nga buli kuziba, Daudi yaabalumba yaabalwanisa okutuusa eigulo ery'olunaku olwairirira. Ghazira yawonagho okutoolaku abaisuka ebikumi ebina (400) abaaniina engamiya ni balumukagho.