1 Ebyomubyanda 28:4 - Baibuli Ekibono kya Katonda 2014

⁴ Aye ate mu b'oku nda ya lata wange boonaboona, Musengwa Katonda, Katonda wa Isiraeli ninze ye yalondamu okuba kyabazinga wa Isiraeli oyo ebyanda n'ebyanda. Mu nda edh'abaasimuka mu Yuda, yalondamu enda ya lata wange. Ate mu baana ba lata wange, yaasiimamu nze okunfuula kyabazinga wa Isiraeli yoonayoona.

1 Ebyomubyanda 28:4 Iomraidhean Croise

2 Samueli 5:3

Kale abakulembeze mu Isiraeli baidha ye kyabazinga Daudi e Heburoni. Daudi oyo yaakola nabo endagaano mu maiso ga Musengwa Katonda, baamusiiga omuzigo okumufuula kyabazinga wa Isiraeli.

1 Ebyomubyanda 17:23

“Wo Musengwa Katonda wange, mperaano ni kuumanga ekyo ky'osuubiiza nze omugheereza wo n'ab'endhu yange era okituukirizenga ebyanda n'ebyanda.

1 Ebyomubyanda 17:27

Era mpegaano siima okugha enkabi ab'endhu yange nze omugheereza wo, beeyongerenga okuba abagonzi y'oli enaku dhoonadhoona, kuba iwe Musengwa Katonda b'ogha enkabi, baba ba nkabi ebyanda n'ebyanda.”

1 Ebyomubyanda 5:2

Mu butuufu, waire nga Yuda yafuuka ow'amaani mu baganda be boonaboona, era waire nga mu kika kye mwavaamu omukulembeze, aye era obukulu obw'okuzaalibwa bwasigala nga bwa Yosefu.

2 Ebyomubyanda 6:6

Aye mpegaano nonzeegho Yerusalemu kibe ekifo mwe banansinzizanga, era naataagho iwe Daudi okulemberenga abantu bange Abaisiraeli.’ ”

Zabbuli 108:8

Ensi Gileadi yange, n'eighanga ery'Abamanasse lyange, ate ery'Abaefuraimu n'enkoofiira yange ey'ekyuma, olwo ery'Abayudaaya lyaba omwigo gwange ogw'obwakyabazinga.

Zabbuli 18:19

Yantuusa mu kifo ekigazi yaabamponia, kuba nali nga nkola by'ayenda.

Zabbuli 60:7

Ensi ya Gileadi yange, n'eighanga ery'Abamanasse lyange; ate ery'Abaefuraimu n'enkoofiira yange ey'ekyuma; ery'Abayudaaya lyaba omwigo gwange ogw'obwakyabazinga.

Zabbuli 89:4

‘Baidhukulu bo n'abaja okutyamanga mu kityamo kyo nga bakyabazinga, era ni bonkabonka abanaafuganga ebyanda n'ebyanda.’ ”

Abaheburayi 7:14

Kimanhiibwa bukalamu nga Musengwa waife yali wa mu kika kya Yuda, Musa ky'ataayogeraku nga kirivaamu bakabona.

1 Samueli 16:1

Musengwa Katonda yaakoba Samueli ati: “Olituusa li okunakughala, olw'okuba nga nabinga Saulo ku bwakyabazinga bwa Isiraeli? Gema eiyiga lyo ly'otaamu omuzigo ogw'ebibala eby'emiti emyoliva oliidhuze omuzigo, oje. Ndidha kukutuma ewa Yesse Omubethelehemu, kuba nonze owundi ku batabane be okuba kyabazinga.”

1 Samueli 26:1

Abantu ab'e Zifu baidha baakobera Saulo e Gibea bati: “Daudi yeegisiisa ku lusozi Hakila, oluli e buvandhuba wa Yeshimoni.”