1 Ebyomubyanda 27:23 - Baibuli Ekibono kya Katonda 2014

²³ Kyabazinga Daudi tiyabala bantu abakaali okutuusa emyaka amakumi abiri egy'obukulu, kuba Musengwa Katonda yali amaze okusuubiza ng'aja kuleetera Abaisiraeli babe kamaala inho ng'oti n'emuunienie edh'oku igulu.

1 Ebyomubyanda 27:23 Iomraidhean Croise

Amainhama 15:5

Yaamufulumya kuliya, yaakoba ati: “Lingirira ku igulu, obale emuunienie edhiriku, oba nga osobola okudhibala.” Agho yaamukoba ati: “N'abaidhukulu bo batyo bwe baliba obungi.”

Amainhama 22:17

bwenebwene ndikugha enkabi, era ndikwaliza abaidhukulu baaba kamaala inho ng'oti n'emuunienie edh'oku igulu, era ng'oti n'omusenho oguli ku mbali okw'enhandha. Era baghangulenga ebibuga by'abazigu baibwe.

Amainhama 26:4

Ndidha kukugha abaidhukulu kamaala inho ng'oti n'emuunienie edh'oku igulu, era mbaghe ebiketezo eby'ensi bino byonabyona. Era mu baidhukulu bo, amaghanga goonagoona ku nsi mwe galigheerwa enkabi;

2 Samueli 24:1

Agho Musengwa Katonda kabiri yaasungughalira inho Abaisiraeli, yaaleetera Daudi okubatuusaaku akabi. Yaakoba Daudi ati: “Ja obale Abaisiraeli n'Abayudaaya.”

Okubala 1:18

baayeta abantu boonaboona Abaisiraeli beesololeza ghalala ku lunaku olusooka mu mwezi ogwokubiri. Baaghandiika amaina ag'abantu boonaboona mu bika byaibwe ni mu nda dhaibwe, abaali bagheza emyaka amakumi abiri n'okusingagho.

Abaheburayi 11:12

Kale waire Aburahamu yali omukaire awoireyo, yavaamu abaidhukulu kamaala inho ng'oti n'emuunienie edh'oku igulu era ng'oti musenho ogw'oku mbali okw'enhandha ogutabalika.