1 Ebyomubyanda 27:1 - Baibuli Ekibono kya Katonda 2014

¹ Luno n'olukalala lw'abakulu b'enda dha baiseibwe, n'abaduumizi b'abaisirukale olukumi olukumi n'ekikumi ekikumi, n'abakungu abaagheerezanga kyabazinga mu bukulembeze mu Isiraeli. Buli mwezi, okumalaku omwaka gwonagwona, ghaabangagho ekikunsu ky'abantu emitwalo ebiri n'enkumi ina (24,000) ekyabanga mu lugobo olw'okugheereza okwo, nga kiriku akikulira:

1 Ebyomubyanda 27:1 Iomraidhean Croise

2 Samueli 23:8

Gano n'amaina ag'abalwani ab'amaani Daudi be yali nabo: Asooka nga ni Yoshebu Basshebethi ow'e Tahakemoni n'eyali ng'akulira abasatu ab'amaani. Ono ghaligho omukuzi gwe yalwanisa eifumo lye n'abalwani olunaana (800), yaabaita boonaboona.

1 Bakyabazinga 4:27

Abakungu bale eikumi n'ababiri, baalinga n'okuleetera kyabazinga Solomoni eby'okulya bye yeetaaganga, era n'okuleetera n'abo abaalyanga ewa kyabazinga oyo bye beetaaganga. Buli mukungu yaleetanga mu mwezi ogugwe, era nga tibaganha ni ghabaagho bwetaavu bwa kintu kyonakyona.

1 Bakyabazinga 4:7

Solomoni yali n'abakungu ikumi na babiri mu Isiraeli mwonamwona, abaaleeteranga kyabazinga n'ab'omu ndhu ye eby'okulya. Buli muntu ku abo ng'ali n'okuleeta eby'okulya bya mwezi mulala buli mwaka.

1 Bakyabazinga 5:14

Yaasindikanga e Lebanoni abasaadha omutwalo mulala mulala (10,000) buli mwezi, mu ngobo. Baamalanga omwezi mulala e Lebanoni, ate bairanga baamalanga emyezi ebiri ewaibwe eka. Adoniramu n'eyateebwagho okukuliranga abo abaasolozebwa.

1 Ebyomubyanda 11:10

Bano n'abaali abalwani ab'amaani abakologho Daudi be yali nabo. Abo nga bali ghalala n'Abaisiraeli boonaboona baamuleetera okufuuka kyabazinga nga Musengwa Katonda bweyasuubiza eighanga Isiraeli, era baaleetera obwakyabazinga bwe okukakata.

1 Ebyomubyanda 13:1

Agho kyabazinga Daudi yeebuuza ku bakulu boonaboona abaduumira ebikunsu by'abalwani olukumi olukumi, n'abaduumira ebikunsu by'abalwani ekikumi ekikumi, n'abakulembeze abandi boonaboona.

1 Ebyomubyanda 26:32

Agho Daudi yaalonda Yeriya oyo n'Abalevi abo abaamuliku oluganda, abasaadha abaali ab'amaani era abakulu b'enda dha baiseibwe, nga baghera enkumi ibiri na lusanvu (2,700). Yaabataagho okulabiriranga Abareubeni, n'Abagadi, n'ekitundu ku Bamanasse, mu by'okusinza Katonda n'okugheereza kyabazinga.

1 Ebyomubyanda 27:2

Yashobeamu mutabane wa Zabadieli n'eyakuliranga ekikunsu eky'omu lugobo olw'omu mwezi ogusooka, olwalimu abantu emitwalo ebiri n'enkumi eina (24,000).

1 Ebyomubyanda 28:1

Kyabazinga Daudi yaalagira abakungu boonaboona mu Isiraeli okwesoloza. Kale bano beesololeza e Yerusalemu: abakulu b'ebika, n'abakulira ebikunsu ebyagheerezanga kyabazinga, n'abaduumizi b'abaisirukale olukumi olukumi n'ekikumi ekikumi, n'abaalabiriranga ebintu n'ebyayo bya kyabazinga ni batabane be, ghalala n'abakungu b'omu kisaagaati kya kyabazinga, era n'abaisirukale boonaboona ab'amaani.

1 Ebyomubyanda 29:6

Agho abakulu b'enda dha baiseibwe, n'abakulu b'ebika, n'abaduumizi b'abaisirukale olukumi olukumi n'ab'ekikumi ekikumi, n'abo abaalabiriranga emirimo gya kyabazinga, baaghaayo ebigheebwayo eby'ekyeyendere,

2 Ebyomubyanda 1:2

Agho Solomoni oyo yaalagira abaduumizi ab'ebikunsu eby'abaisirukale olukumi olukumi n'ekikumi ekikumi, n'abalamuzi, n'abakulembeze boonaboona mu Isiraeli, era n'Abaisiraeli boonaboona.

Okuvaayo 18:25

yaalinga mu Baisiraeli boonaboona, yaalondamu abantu abali n'obusobozi, yaabafuula abakulembeze b'abantu olukumi olukumi, n'abantu ekikumi ekikumi, n'abantu ataanu ataanu, n'abantu eikumi eikumi.

Mika 5:2

Musengwa Katonda akoba ati: “Bethelehemu Efuratha, waire oli katono mu bibuga bya Buyudaaya, nja kukutoolamu omufuzi alifuga Isiraeli, ng'ali ku lulyo olw'abantu ab'eira einho abataja kwerabirwa.”

Amateeka Agokubiri 1:15

Kale naatoola abakulembeze abagezi era abali n'obumanhirivu mu buli kika, naabataagho okuba abakulu baimwe. Abandi baakulira abantu olukumi olukumi, n'abandi ebikumi ebikumi, n'abandi amakumi ataanu ataanu, n'abandi eikumi eikumi. Naataagho n'abakulembeze abandi mu bika byaimwe.

Yoshua 23:1

Nga ghabiseegho ekiseera kireeyi inho, era nga Musengwa Katonda amaze okugha Abaisiraeli emiraala, nga baliraanwa baibwe ti bakaabalumba, Yoshua yali akairiighe inho.

1 Samueli 8:12

Abandi aidha kubatangagho okuba abaduumizi b'ebikunsu eby'abaisirukale olukumi olukumi, n'abandi okuduumira ebikunsu eby'abaisirukale amakumi ataanu ataanu. Abandi aidha kubalimyanga mu masamba ge, bamukungulirenga ebirime bye, ate abandi bamugheekezenga eby'okulwanisa n'ebikozesebwa ku bigaali bye eby'omu lutalo.