1 Ebyomubyanda 26:26 - Baibuli Ekibono kya Katonda 2014

²⁶ Shelomothi oyo ni baganda be, n'abaakuliranga amaterekero omwateebwanga ebintu byonabyona ebigheereibwayo okuba ebya Katonda nga bigheebwayo bano: kyabazinga, n'abaakuliranga enda dha baiseibwe, n'abaakuliranga ebikunsu by'abaisirukale olukumi olukumi n'ekikumi ekikumi, era n'abaduumizi mu magye.

1 Ebyomubyanda 26:26 Iomraidhean Croise

2 Samueli 8:11

Ebintu ebyo kyabazinga Daudi yaabighaayo byaba bya Musengwa Katonda, ghalala ni feeza ni zaabu Daudi oyo ye yanhaga ku maghanga goonagoona ge yaghangula, gano:

1 Ebyomubyanda 18:11

Ebintu ebyo kyabazinga Daudi yaabighaayo byaba bya Musengwa Katonda, ghalala ni feeza ni zaabu Daudi oyo ye yanhaga ku maghanga goonagoona ge yaghangula, gano: Edomu, Moabu, Ammoni, Filisitia, ni Amaleki.

1 Ebyomubyanda 22:14

Nze ku lwange mu bukaluubirivu obungi, nkoze kyonakyona ekisoboka, naateeragho eisinzizo talanta edha zaabu edhighera emitwalo eikumi (100,000) ni talanta edha feeza edhighera akakaire akalamba (1,000,000) n'ekyuma eky'ekikomo, taaku n'ekyuma ekigumu einho, ebitasoboka kupimika olw'obungi bwabyo. Era naataagho n'emiti, n'amabaale. Weena okwo kw'obe oyongereze ebindi.

1 Ebyomubyanda 26:25

Shebueli oyo yali n'oluganda ku bantu abaasimuka mu Eliezeri muganda wa Gereshomu. Eliezeri oyo n'eyazaala Rehabia, Rehabia yaazaala Yeshaia, Yeshaia yaazaala Yoramu, Yoramu yaazaala Zikuri, Zikuri yaazaala Shelomothi.

1 Ebyomubyanda 26:27

Ku munhago gwe baanhaganga mu ntalo, baatoolangaku ebintu ebindi baabighaayo ng'ebirabo, ebyakozesebwanga mu kulabirira eisinzizo lya Musengwa Katonda.

1 Ebyomubyanda 28:21

Bakabona n'Abalevi baabo bamaze okugheebwa emirimo gyonagyona gye banaakolanga mu ngobo mu isinzizo. Abakozi abali n'obumanhirivu obw'okukola kiisi mulimo baligho era beetegefu okukola. N'abakulembeze boona, ghalala n'abantu boonaboona baidha kugonderanga by'onaabalagiranga.”

1 Ebyomubyanda 9:14

Bano n'Abalevi abaabanga mu Yerusalemu: Shemaia mutabane wa Hassihubu, era mwidhukulu wa Azirikamu ni Hashabia abaasimuka mu Merari.

2 Ebyomubyanda 23:8

Abalevi n'abantu ab'omu Buyudaaya boonaboona, baakola byonabyona Yehoiada kabona bye yalagira. Buli muduumizi yaaleeta abasaadha be abaali baja okukuuma ku Sabbato, ghalala n'abo abaali bamaze okukuuma kuba Yehoiada oyo kabona tiyaleka bikunsu kuja eby'abo abamaze engobo dhaibwe ku Sabbato.

2 Ebyomubyanda 31:2

Agho kyabazinga Hezekia yaataagho bakabona n'Abalevi mu bikunsu bikunsu, nga bagheereza mu ngobo ng'omulimo gwa buli muntu bwe gwali okughangayo ebigheebwayo ebyokebwa n'ebigheebwayo olw'okutabagana, okwo nga kw'otaire okugheerezanga Musengwa Katonda, n'okumwebazanga, n'okumusaakanga mu isinzizo.

Ezera 2:42

Abakuumi b'emiryango gy'eisinzizo baali, ba ku nda ya Shallumu, n'ab'oku ya Ateri, n'ab'oku ya Talumoni, n'ab'oku ya Akkubu, n'ab'oku ya Hatita, n'ab'oku ya Shobai boonaboona aghalala baaba kikumi n'asatu na mwenda (139).

Nehemia 12:45

nga baakola emikolo egy'okwetukuza, n'emikolo egindi, ng'oti n'abembi boona bwe baakolanga ogw'okwemba, n'abakuumi b'emiryango ni baakola ogw'okukuuma, bajiira ku kiragiro kya Daudi ni mutabane we Solomoni.