1 Ebyomubyanda 26:20 - Baibuli Ekibono kya Katonda 2014

²⁰ Abalevi abandi, nga n'omuli ni Ahiya, n'abaakuliranga eiterekero ly'eisinzizo n'amaterekero g'ebintu ebigheereibwayo okuba ebya Musengwa Katonda.

1 Ebyomubyanda 26:20 Iomraidhean Croise

1 Bakyabazinga 14:26

Yaanhaga eby'obukombe eby'omu isinzizo n'eby'omu kisaagaati kya kyabazinga, byonabyona yaabitwala. Yaatwala n'engabo dhoonadhoona edha zaabu, Solomoni dhe yagheesa.

1 Bakyabazinga 15:18

Agho Asa yaatoolayo feeza yeenayeena ni zaabu eyali asigaire mu iterekero ly'eisinzizo ni mu iterekero erirye nga kyabazinga, yaamugemya abagheereza be bamutwalire kyabazinga Benihadadi ow'e Siria, eyabanga mu Damasiko. Benihadadi oyo, nga ni mutabane wa Taburimmoni era mwidhukulu wa Hezironi. Kyabazinga Asa yaagheereza kyabazinga Benihadadi obukwenda obukoba buti:

1 Bakyabazinga 7:51

Mu nsambo eyo omulimo gwonagwona kyabazinga Solomoni gwe yakola ku isinzizo gwawa. Era Solomoni oyo yaingiza mu isinzizo eryo ebintu byonabyona lata we Daudi bye yaghaayo okubanga ebya Musengwa Katonda: feeza, ni zaabu, n'ebikozesebwa byonabyona, yaabitereka mu iterekero ery'eisinzizo lya Musengwa Katonda.

1 Ebyomubyanda 18:11

Ebintu ebyo kyabazinga Daudi yaabighaayo byaba bya Musengwa Katonda, ghalala ni feeza ni zaabu Daudi oyo ye yanhaga ku maghanga goonagoona ge yaghangula, gano: Edomu, Moabu, Ammoni, Filisitia, ni Amaleki.

1 Ebyomubyanda 26:19

Ebyo n'ebikunsu bye baagabamu abakuumi b'emiryango, abaasimuka mu Kora ni mu Merari.

1 Ebyomubyanda 26:21

Ladani, eyali owundi ku baana ba Gereshoni, yasimukamu enda kamaala, nga n'omuli n'eya Yehieli mutabane we.

1 Ebyomubyanda 26:22

Batabane ba Yehieli oyo, bano: Zethamu ni muganda we Yoeli, n'abaakuliranga amaterekero g'eisinzizo.

1 Ebyomubyanda 26:24

mwalimu Shebueli ow'oku lulyo lwa Gereshomu mutabane wa Musa, nga n'akulira amaterekero.

2 Ebyomubyanda 8:15

Kyabazinga Daudi bye yalagira bakabona n'Abalevi ku bintu ebyaterekebwa ni ku bintu ebindi, baabituukiriza bukalamu.

Ezera 2:69

Buli muntu yaaghaayo ebintu ebyakolanga omulimo ogwo nga bwe yasobola: kilo ebikumi bitaanu (500) edha zaabu, ni kilo enkumi ibiri na lunaana (2,800) edha feeza, n'ebivaalo bya bakabona kikumi (100).

Ezera 8:28

Naabakoba nti: “Muli batukuvu eri Musengwa Katonda, n'ebikozesebwa bino byona bitukuvu. Era feeza ni zaabu ebyo, bigheereibwayo kyeyendere eri Musengwa Katonda wa badhaadha baife.

Nehemia 12:44

Ku lunaku olwo baataagho abantu ab'okulabiriranga amaterekero omwateebwanga ebigheebwayo eby'eisinzizo bino: ebirime ebisooka okukungulwa, n'ekintu ekirala ekirala ku buli bintu ikumi omuntu by'afuna. Era mu materekero omwo, mwe baasololezanga emigabo egyagheebwanga bakabona n'Abalevi okuva mu misiri egya buli kibuga, ng'Amateeka bwe galagira. Abayudaaya baakola batyo kuba baasanhukira inho ensambo bakabona n'Abalevi ye baagheerezangamu Katonda,

Malaki 3:10

Ale muleeteku mu bwidhuvu ebintu byonabyona ebiva mu kintu ekirala ekirala ku buli bintu eikumi bye mufuna, mwidhuze eiterekero ly'eisinzizo lyange libeemu emere kamaala. Mugezeeku mube ng'abali kundeba, mubone oba nga tiribaiguliragho igulu ni mbadhogomolera bintu birungi kamaala?

Okubala 8:26

Aye banaasobolanga okubeeraku Balevi banaibwe okugheereza mu Weema eyo, aye ti kuba na buvunaanizibwa. Otyo bw'onaagerekeranga Abalevi emirimo gyaibwe.”