1 Ebyomubyanda 24:2 - Baibuli Ekibono kya Katonda 2014

² Aye Nadabu ni Abihu baasooka iseibwe okufa ate nga tibazaireeku mwana naire. Kale Eleazari ni Ithamari baafuuka bakabona.

1 Ebyomubyanda 24:2 Iomraidhean Croise

Okuvaayo 24:1

Agho Musengwa Katonda yaakoba Musa ati: “Iwe, ni Aaroni, ni Nadabu, ni Abihu, aghalala n'abakulu ab'ebikunsu mu Isiraeli nsanvu, muniine olusozi nga mwidha ye ndi nze. Aye bwe munaaba nga mukaali ghalaku, musooke mukube amakiryaivu munsinze.

Okuvaayo 24:9

Agho Musa, ni Aaroni, ni Nadabu, ni Abihu, ghalala n'abakulu ab'ebikunsu mu Isiraeli nsanvu, baaniina olusozi

Okuvaayo 29:9

obasibe enkoma mu nkende era obavaaze n'enkuufiira ku mitwe. Otyo bw'oidha okwawula Aaroni ni batabane babe bakabona. Era obwakabona bwidha kubanga bwaibwe olw'ekiragiro ekitaja kuvaagho.

Okuvaayo 6:23

Aaroni yaafuna omukazi nga bamweta Elisheba, mughala wa Amminadabu era nga mwanhina Nahashoni. Baazaala abaana era nga ni bano: Nadabu, Abihu, Eleazari ni Ithamari.

Abalevi 10:12

Agho Musa yaakoba Aaroni ni batabane be abaasigalagho nga balamu, Eleazari ni Ithamari, ati: “Mutwale ekigheebwayo eky'emere ey'empeke ekisigairegho ku bigheebwayo eri Musengwa Katonda ebyokebwa, mubikolemu emigaati egitazimbulukusiibwa, mugiriire ku mbali kw'alutaari, kuba ekigheebwayo ekyo kitukuvu inho.

Abalevi 10:2

Amangu ago Musengwa Katonda yaasindika omuliro, gwabookya, baafiira mu maiso ge.

Okubala 18:7

Aye iwe ni batabane bo, niimwe mwenka abanaakolanga emirimo egy'obwakabona egy'oku alutaari n'egy'omu Kifo Ekitukuvu. Mbaghaire obwakabona ng'ekirabo, era omuntu atali Mulevi bw'anaaseetanga okumpi, aidha kwitibwanga.”

Okubala 26:61

Aye Nadabu ni Abihu baafa, bwe baaleeta omuliro ogutali mutukuvu mu maiso ga Musengwa ng'ekigheebwayo.

Okubala 3:2

Gano n'amaina ga batabane ba Aaroni: Nadabu nga n'omuberi, ni Abihu, ni Eleazari, ni Ithamari.

Okubala 3:4

Aye Nadabu ni Abihu baafiira mu maiso ga Musengwa Katonda, bwe baaleeta omuliro ogutali mutukuvu mu maiso ga Musengwa Katonda oyo ng'ekigheebwayo. Kale baafa nga tibazaireeku mwana naire. Olwo Eleazari ni Ithamari baagheereza nga bakabona ekiseera kyonakyona iseibwe Aaroni kye yamala nga mulamu.