1 Ebyomubyanda 24:1 - Baibuli Ekibono kya Katonda 2014

¹ Ab'oku lulyo lwa Aaroni baabagabamu bati: Aaroni yazaala Nadabu, Abihu, Eleazari, ni Ithamari.

1 Ebyomubyanda 24:1 Iomraidhean Croise

1 Ebyomubyanda 23:6

Daudi yaagaba mu Balevi ebikunsu bisatu, nga batabane ba Levi bwe baali: Gereshoni, Kohathi, ni Merari.

1 Ebyomubyanda 28:13

Era yaamugha entegeka yoonayoona ey'engobo dha bakabona n'Abalevi, n'entegeka ey'omulimo gwonagwona ogw'okugheereza mu isinzizo lya Musengwa Katonda, n'ey'ebintu byonabyona eby'okukozesanga mu isinzizo eryo.

1 Ebyomubyanda 6:3

Amuramu yaazaala Aaroni, ni Musa, ni Miriamu. Aaroni yaazaala Nadabu, ni Abihu, ni Eleazari, ni Ithamari.

1 Ebyomubyanda 6:34

mutabane wa Elukana, Elukana mutabane wa Yerohamu, Yerohamu mutabane wa Elieli, Elieli mutabane wa Toa, Toa

2 Ebyomubyanda 23:8

Abalevi n'abantu ab'omu Buyudaaya boonaboona, baakola byonabyona Yehoiada kabona bye yalagira. Buli muduumizi yaaleeta abasaadha be abaali baja okukuuma ku Sabbato, ghalala n'abo abaali bamaze okukuuma kuba Yehoiada oyo kabona tiyaleka bikunsu kuja eby'abo abamaze engobo dhaibwe ku Sabbato.

2 Ebyomubyanda 31:2

Agho kyabazinga Hezekia yaataagho bakabona n'Abalevi mu bikunsu bikunsu, nga bagheereza mu ngobo ng'omulimo gwa buli muntu bwe gwali okughangayo ebigheebwayo ebyokebwa n'ebigheebwayo olw'okutabagana, okwo nga kw'otaire okugheerezanga Musengwa Katonda, n'okumwebazanga, n'okumusaakanga mu isinzizo.

2 Ebyomubyanda 5:11

Bakabona boonaboona abaaligho, baali bamaze okwetukuza. Kale boonaboona baaseeta aghazira kufaayo ku bikunsu byaibwe bye baabangamu.

2 Ebyomubyanda 8:14

Solomoni oyo yaakola nga lata we Daudi bwe yalagira, yaataagho engobo bakabona dhe baakolerangamu omulimo gwaibwe. Yaataagho n'engobo Abalevi dhe baakolerangamu omulimo gwaibwe ogw'okwemba enhembo edhisaaka, n'okugheereza nga bayambaku bakabona, nga bwe kyetaagisanga buli lunaku. Yaataagho n'abakuumi b'emiryango mu ngobo, ku buli mulyango kuba atyo Daudi omuntu wa Katonda bwe yalagira.

Ezera 6:18

Agho baataagho bakabona mu bikunsu byaibwe, n'Abalevi mu ngobo dhaibwe, baagheerezanga Katonda mu isinzizo e Yerusalemu, nga bwe kyaghandiikibwa mu kitabo kya Musa.

Ezera 7:5

Bukki oyo yaaba mutabane wa Abishua, Abishua oyo yaaba mutabane wa Finehasi, Finehasi oyo yaaba mutabane wa Eleazari, ate Eleazari oyo yaaba mutabane wa Aaroni Kabona Omukulu.

Okuvaayo 28:1

Agho Musengwa Katonda yaalagira Musa ati: “Mu bantu boonaboona Abaisiraeli oidha kulondamu Aaroni muganda wo, ni batabane, Nadabu, ni Abihu, ni Eleazari, ni Ithamari, obaawule bampeereze nga bakabona.

Okuvaayo 6:23

Aaroni yaafuna omukazi nga bamweta Elisheba, mughala wa Amminadabu era nga mwanhina Nahashoni. Baazaala abaana era nga ni bano: Nadabu, Abihu, Eleazari ni Ithamari.

Okubala 26:60

Aaroni yaazaala Nadabu, Abihu, Eleazari ni Ithamari.

Okubala 3:2

Gano n'amaina ga batabane ba Aaroni: Nadabu nga n'omuberi, ni Abihu, ni Eleazari, ni Ithamari.

Okubala 3:4

Aye Nadabu ni Abihu baafiira mu maiso ga Musengwa Katonda, bwe baaleeta omuliro ogutali mutukuvu mu maiso ga Musengwa Katonda oyo ng'ekigheebwayo. Kale baafa nga tibazaireeku mwana naire. Olwo Eleazari ni Ithamari baagheereza nga bakabona ekiseera kyonakyona iseibwe Aaroni kye yamala nga mulamu.