1 Ebyomubyanda 23:5 - Baibuli Ekibono kya Katonda 2014

⁵ enkumi eina yaabagha gwa kuba bakuumi ba miryango ate enkumi eina (4,000) abandi yaabagha gwa kusaakanga Musengwa Katonda nga bakozesa ebivuga kyabazinga bye yataagho olw'omulimo ogwo.

1 Ebyomubyanda 23:5 Iomraidhean Croise

1 Bakyabazinga 10:12

Kyabazinga Solomoni yaakozesa embaawo edho okukolera obukomera ku madaala ag'omu isinzizo, n'ag'omu kisaagaati kye. Yaadhikolamu n'endingidi, n'entongooli edh'abembi. N'okuva ku olwo, mu Isiraeli timwairamu kuleetebwamu waire okubonekamu embaawo edh'emiti emyalumugi edhiri ng'oti n'edho, okutuusa ni ye buli eno.

2 Bakyabazinga 7:10

Agho bairayo ku kibuga Samaria, baayeta abaigazi b'ekibuga ekyo, baabakobera bati: “Tujiire mu kifo Abasiria ghe baasimba weema dhaibwe, twaloba kwagaanayo waire okuwulirayo omuntu naire omulala ati. Aye ghabairegho bwa mbalaasi na ndogoyi nga nsibe, ni weema nga badhirese nga bwe dhaabaire.”

1 Ebyomubyanda 16:38

Yaataagho ni Obededomu mutabane wa Yeduthuni, ni Hosa, ghalala ni balevi banaibwe nkaaga na munaana nga bombi abo, Obededomu ni Hosa, n'abakulira abakuumi b'emiryango.

1 Ebyomubyanda 16:4

Daudi yaataagho abandi ku Balevi okugheerezanga mu maiso g'Esanduuku ya Musengwa Katonda nga basaba, beebaza, era baasaaka Musengwa Katonda, oyo Katonda wa Isiraeli.

1 Ebyomubyanda 23:30

Abalevi abo nga bali n'okwebazanga Musengwa Katonda n'okumusaakanga buli nkyo n'eigulo,

1 Ebyomubyanda 9:33

Abandi ku Balevi baali bembi, era nga n'abakulira enda dha baiseibwe. Baasulanga mu bisenge by'oku isinzizo, era tibaabaghanga mulimo gundi gwonagwona, kuba ogwaibwe ogw'okwemba baagukolanga omusana n'obwire.

2 Ebyomubyanda 20:28

Bwe baatuuka e Yerusalemu, baaja mu isinzizo nga bali kukuba entongooli n'endingidi, eno nga bwe bafuuwa n'amagwala.

2 Ebyomubyanda 34:13

Abalevi abandi baalabiriranga abo abeetwikanga ebintu, era baakozesanga n'abo boonaboona abaakolanga emirimo egya buli ngeri. Ate abandi baabanga baghandiisi, bakulembeze, oba baigazi ba miryango.

2 Ebyomubyanda 35:15

Abembi ab'oku nda ya Asafu bano: Asafu, ni Hemani, ni Yeduthuni omulanzi wa kyabazinga, baali mu bifo byaibwe nga kyabazinga Daudi bwe yalagira. N'abaigazi b'emiryango gy'eisinzizo tibaava ku miryango, kuba Balevi banaibwe abandi baabategekera.

2 Ebyomubyanda 8:14

Solomoni oyo yaakola nga lata we Daudi bwe yalagira, yaataagho engobo bakabona dhe baakolerangamu omulimo gwaibwe. Yaataagho n'engobo Abalevi dhe baakolerangamu omulimo gwaibwe ogw'okwemba enhembo edhisaaka, n'okugheereza nga bayambaku bakabona, nga bwe kyetaagisanga buli lunaku. Yaataagho n'abakuumi b'emiryango mu ngobo, ku buli mulyango kuba atyo Daudi omuntu wa Katonda bwe yalagira.

Ezera 7:7

Ezera yaatuuka e Yerusalemu n'Abaisiraeli abandi, omwali bakabona, Abalevi, abembi b'omu isinzizo, abakuumi b'emiryango, n'abagheereza b'omu isinzizo.

Nehemia 7:73

Kale bakabona n'Abalevi, n'abaigazi b'emiryango, n'abembi, n'abandi ku bantu ababuliidho, n'abagheereza b'omu isinzizo, n'Abaisiraeli abandi, baaja baaba mu bibuga byaibwe. Era omwezi ogwomusanvu okuja okutuuka ng'Abaisiraeli abandi boonaboona bali mu bibuga byaibwe.

Zabbuli 87:7

Abembi n'abakini bakoba bati: “Mu Sioni n'omuva enkabi dhaife dhoonadhoona.”

Isaia 64:10

Ebibuga byo ebitukuvu byafuuka ng'oti irungu: olusozi Sioni luli ng'oti irungu, ekibuga Yerusalemu kyafuuka ng'oti kifulukwa.

Amosi 6:5

Mwembera ku ntongooli enhembo edh'ekigayaavu, era mweyiiyiza beene ebivuga ng'oti ni Daudi bwe yakola.