1 Ebyomubyanda 23:4 - Baibuli Ekibono kya Katonda 2014

⁴ Ku abo yaatoolaku emitwalo ebiri n'enkumi ina (24,000), yaabagha gwa kukolanga mu isinzizo lya Musengwa Katonda; akakaaga (6,000) yaabagha gwa kukulira banaibwe na kubalamula

1 Ebyomubyanda 23:4 Iomraidhean Croise

1 Ebyomubyanda 6:48

Balevi banaibwe abandi boonaboona, n'abaagheebwa emirimo egindi gyonagyona egyasigalagho mu kifo eky'okusinzizaamu.

2 Ebyomubyanda 19:8

Ate mu Yerusalemu, Yehoshafati oyo yataamu Abalevi, ni bakabona, n'abandi ku bakulira enda mu Isiraeli, yaabagha okusalanga emisango egiizibwa ku Mateeka ga Musengwa Katonda, n'okulamulanga enkaayana mu bantu.

2 Ebyomubyanda 23:18

Yehoiada yaagemya bakabona n'Abalevi omulimo ogw'okukolanga mu isinzizo lya Musengwa Katonda abo nga Daudi be yataagho mu isinzizo eryo, okughangayo eri Musengwa Katonda ebigheebwayo ebyokebwa, nga bwe kyaghandiikibwa mu Mateeka ga Musa. Era ekyo bakikolenga nga basagamba era nga bemba, nga Daudi oyo bwe yalagira.

2 Ebyomubyanda 34:13

Abalevi abandi baalabiriranga abo abeetwikanga ebintu, era baakozesanga n'abo boonaboona abaakolanga emirimo egya buli ngeri. Ate abandi baabanga baghandiisi, bakulembeze, oba baigazi ba miryango.

Nehemia 11:22

Eyalabiriranga Abalevi abaabanga mu Yerusalemu yali nga ni Uzzi mutabane wa Bani, Bani mutabane wa Hashabia, Hashabia mutabane wa Mattania, ate Mattania yaaba mutabane wa Mika. Uzzi ono yali asimuka mu Asafu, era ab'oku nda ya Asafu oyo n'abaali abembi mu isinzizo.

Nehemia 11:9

Yoeli mutabane wa Zikuri n'eyali omukulembeze waibwe, ate Yuda mutabane wa Hassenua n'eyaiririranga omukulu ow'ekibuga.

Ezekieli 44:24

Bwe ghanaabangagho enkaayana mu bantu, bakabona n'abanaalamulanga nga bajiira ku mateeka gange. Baidha kukuumanga embaga edh'ebibinuko byange bye nalagira, n'enaku dhange edha Sabbato entukuvu, nga bajiira ku mateeka gange n'ebiragiro byange.

Malaki 2:7

kuba bakabona omulimo gwaibwe gwa kwegeresa magezi amatuufu agava ye nze Musengwa Katonda Afuga Amagye. Era abantu bandibairenga nga baja ye bakabona abo okugalagirwa bye nhenda bakole.

Ebikolwa by'Abatume 20:28

Mwekuume imwe beene, mukuume n'abantu boonaboona Mwoyo Mutukuvu be yabagemya. Mulabirirenga Ekikunsu ky'Abaikiriza mu Kurisito, Katonda kye yeefunira olw'okufa kw'Omwana we.

Amateeka Agokubiri 16:18

Musa yaakoba Abaisiraeli ati: “Mwidha kutangagho abalamuzi n'abakulembeze mu bibuga byaimwe byonabyona Musengwa Katonda waimwe by'abagha, nga mubatoola mu buli kika kyaimwe. Baidha kusaliranga abantu ensonga mu butuufu.